Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Cronicas 4:1-43

4  Ti annak ni Juda isu da Perez,+ Hezron+ ken Carmi+ ken Hur+ ken Sobal.+  No maipapan ken Reaias+ nga anak ni Sobal, isu ti ama ni Jahat; ni Jahat, kalpasanna, isu ti ama da Ahumai ken Laad. Dagitoy ti pampamilia dagiti Zoratita.+  Ket dagitoy ti annak ti ama ni Etam:+ da Jezrael+ ken Isma ken Idbas, (ket ti nagan ti kabsatda a babai Hazelelponi,)  ken Penuel nga ama ni Gedor+ ken Ezer nga ama ni Husa. Dagitoy ti annak ni Hur+ nga inauna ni Efrata ken ama ni Betlehem.+  Ket ni Asur+ nga ama ni Tecoa+ naaddaan iti dua nga assawa, da Hela ken Naara.  Idi agangay ni Naara impasngayna kenkuana da Ahuzam ken Hefer ken Temeni ken Haahastari. Dagitoy ti annak ni Naara.  Ket ti annak ni Hela isu da Zeret, Izar ken Etnan.  No maipapan ken Coz, isu ti ama da Anub ken Zobeba ken ti pampamilia ni Aharhel nga anak ni Harum.  Ket ni Jabez+ nadaydayaw+ idi ngem ti kakabsatna; ket ni inana ti nangpanagan kenkuana iti Jabez, a kunkunana: “Isu impasngayko buyogen ti rigat.”+ 10  Ket ni Jabez nangrugi nga umawag iti Dios+ ti Israel, a kunkunana: “No bendisionannakto+ a di bumurong ket pudno a palawaem ti teritoriak+ ket ta imam+ pudpudno nga adda kaniak, ket pudpudno nga aluadannak manipud iti didigra,+ tapno saannak a masaktan dayta,+—” Iti kasta ti Dios pinasamakna ti kiniddawna.+ 11  No maipapan ken Kelub a kabsat ni Suha, isu ti ama ni Mehir, nga ama ni Eston. 12  Ni Eston, kalpasanna, isu ti ama da Bet-rafa ken Pasea ken Tehinna nga ama ni Ir-nahas. Dagitoy ti lallaki ti Reca. 13  Ket ti annak ni Quenaz+ isu da Otniel+ ken Seraias, ket ti annak ni Otniel, da Hatat. 14  No maipapan ken Meonotai, isu ti ama ni Ofra. No maipapan ken Seraias, isu ti ama ni Joab nga ama ni Ge-harasim; ta nagbalinda a nasigo a trabahador.+ 15  Ket ti annak ni Caleb+ nga anak ni Jefune+ isu da Iru, Elah ken Naam; ket ti annak ni Elah, ni Quenaz. 16  Ket ti annak ni Jehalelel isu da Zif ken Zifa, Tiria ken Asarel. 17  Ket ti annak ni Ezra isu da Jeter ken Mered ken Efer ken Jalon; ket inyinawna da Miriam ken Sammai ken Isba nga ama ni Estemoa.+ 18  No maipapan iti asawana a Judia, impasngayna ni Jered nga ama ni Gedor ken ni Heber nga ama ni Soco ken ni Jecutiel nga ama ni Zanoa. Ket dagitoy ti annak ni Bitia nga anak a babai ni Faraon, nga innala ni Mered. 19  Ket ti annak ti asawa a babai ni Hodias, ti kabsat a babai ni Naham, isu ti ama ni Keila+ a Garmita ken ni Estemoa a Maacatita. 20  Ket ti annak ni Shimon isu da Amnon ken Rinna, Ben-hanan ken Tilon. Ket ti annak ni Isi isu da Zohet ken Ben-zohet. 21  Ti annak ni Sela+ nga anak ni Juda isu ni Er nga ama ni Leca ken ni Laada nga ama ni Maresah ken ti pampamilia ti balay dagiti agob-obra iti napino nga abel+ iti balay ni Asbea; 22  ken ni Joquim ken dagiti lallaki ti Cozeba ken da Joas ken Saraf, isuda a nagbalin a makinkukua iti Moabita nga assawa a babbai,+ ken ni Jasubi-lehem. Ket dagiti sasao naggapuda iti daan a tradision.+ 23  Isuda dagiti agdamdamili+ ken dagiti agnanaed iti Netaim ken Gedera. Nakipagnaedda sadiay iti ari maipaay iti trabahona.+ 24  Ti annak ni Simeon isu da Nemuel+ ken Jamin,+ Jarib, Zera, Shaul,+ 25  Sallum nga anakna, Mibsam nga anakna, Misma nga anakna. 26  Ket ti annak ni Misma isu da Hamuel nga anakna, Zacur nga anakna, Simei nga anakna. 27  Ket ni Simei naaddaan iti sangapulo ket innem nga annak a lallaki ken innem nga annak a babbai; ngem ti kakabsatna a lallaki saanda a naaddaan iti adu nga annak, ket awan kadagiti pamiliada ti naaddaan ti kas iti kaadu ti annak ni Juda.+ 28  Ket nagtultuloyda nga agnaed idiay Beer-seba+ ken Molada+ ken Hazar-sual+ 29  ken idiay Bilha+ ken idiay Ezem+ ken idiay Tolad+ 30  ken idiay Betuel+ ken idiay Horma+ ken idiay Siclag+ 31  ken idiay Bet-marcabot ken idiay Hazar-susim+ ken idiay Bet-biri ken idiay Saaraim.+ Dagitoy idi dagiti siudadda agingga a nagturay ni David. 32  Ket dagiti pagyananda isu ti Etam ken Ain, Rimmon ken Toquen ken Asan,+ lima a siudad. 33  Ket amin dagiti pagyananda nga adda iti intero nga aglikmut dagitoy a siudad dimmanonda agingga iti Baal.+ Dagitoy idi dagiti disso a pagnanaedanda ken dagiti pannakaipasalistada a mayannurot iti kapuonan maipaay kadakuada. 34  Ken da Mesobab ken Jamlec ken Josa nga anak ni Amazias, 35  ken Joel ken Jehu nga anak ni Josibias nga anak ni Seraias nga anak ni Asiel, 36  ken Elioenai ken Jaacoba ken Jesohaias ken Asaias ken Adiel ken Jesimiel ken Benaias, 37  ken Ziza nga anak ni Sifi nga anak ni Allon nga anak ni Jedaias nga anak ni Simri nga anak ni Semaias. 38  Dagitoy nga immay sigun iti nagnagan isuda dagiti panguluen ti pampamiliada,+ ket ti met laeng sangakabbalayan dagidi ammada rimmang-ay ti kinaaduna. 39  Ket napanda iti seserrekan ti Gedor, agingga iti daya ti ginget, tapno mangsapulda iti pagpaaraban maipaay kadagiti arbanda. 40  Iti kamaudiananna nakasarakda iti naraber ken nasayaat a pagpaaraban,+ ket ti daga nalawa unay ken awanan pannakasinga+ no di ket adda iti nam-ay; ta dagidiay nagnaed sadiay idi nagkauna a tiempo nagtaudda ken Ham.+ 41  Ket dagitoy a naisurat sigun iti nagnaganda immayda idi kaaldawan ni Ezekias+ nga ari ti Juda ket kinabilda+ ti toltolda dagiti Hamita ken dagiti Meunim a masarakan idi sadiay, iti kasta impaayda ida iti pannakadadael+ agingga itoy nga aldaw; ket nangrugida nga agnaed iti lugarda, agsipud ta adda pagpaaraban+ maipaay kadagiti arbanda sadiay. 42  Ket manipud kadakuada adda idi sumagmamano iti annak ni Simeon a napan idiay Bantay Seir,+ lima gasut a lallaki, a ti adda iti sanguananda isu da Pelatias ken Nearias ken Refaias ken Uzziel nga annak ni Isi. 43  Ket kinabilda dagiti natda a nakatalaw a kameng ti Amalek,+ ket nagtultuloyda nga agnaed sadiay agingga itoy nga aldaw.

Footnotes