Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Cronicas 28:1-21

28  Ket ni David inummongna amin a piprinsipe+ ti Israel, ti piprinsipe+ dagiti tribu ken ti piprinsipe+ dagiti benneg dagidiay agserserbi iti ari ken dagiti panguluen ti rinibu+ ken dagiti panguluen ti ginasut+ ken dagiti panguluen ti amin a sansanikua+ ken dinguen + ti ari ken ti annakna,+ agraman dagiti opisial ti palasio+ ken dagiti nabileg a lallaki,+ ti mismo a tunggal maingel, nabileg a lalaki, idiay Jerusalem.  Kalpasanna ni David nga ari timmakder ket kinunana: “Denggendak, kakabsatko ken ilik. No maipapan kaniak, asideg idi iti pusok+ ti panangbangon iti maysa a balay a paginanaan maipaay iti lakasa ti tulag ni Jehova ken kas ti pagbatayan ti saka+ ti Diostayo, ket nagsaganaak nga agibangon.+  Ket kinuna kaniak ti mismo a pudno a Dios, ‘Saankanto a mangibangon iti balay a maipaay iti naganko;+ ta maysaka a lalaki ti gubgubat, ket nagibuyatka iti dara.’+  Gapuna ni Jehova a Dios ti Israel pinilinak manipud iti intero a balay ni amak+ tapno agbalinak nga ari+ iti Israel agingga iti tiempo a di nakedngan; ta ni Juda ti pinilina kas panguluen,+ ket iti balay ni Juda a balay ni amak,+ ken iti tengnga ti annak ni amak,+ siak daydiay inanamonganna,+ tapno pagbalinennak nga ari iti intero nga Israel;  ket manipud iti amin nga annakko (ta adu ti annak nga inted kaniak ni Jehova)+ pinilina ngarud ni Solomon+ nga anakko tapno agtugaw iti trono+ ti kinaari ni Jehova iti Israel.  “Kanayonanna, kinunana kaniak, ‘Ni Solomon nga anakmo isunto daydiay mangibangon iti balayko+ ken kadagiti paraangak; ta pinilik kas anakko,+ ket siak agbalinakto nga amana.+  Ket pudno unay nga ipasdekkonto a sititibker ti kinaarina+ agingga iti tiempo a di nakedngan no sibibileg nga ikeddengnanto nga aramiden dagiti bilinko+ ken dagiti hudisial a pangngeddengko,+ kas itoy nga aldaw.’  Ket ita, iti imatang ti intero nga Israel, ti kongregasion ni Jehova,+ ken kadagiti lapayag ti Diostayo,+ annadan ken birokenyo amin dagiti bilin ni Jehova a Diosyo, tapno matagikuayo ti nasayaat a daga+ ket pudno unay a mayawatyo dayta kas maysa a tawid iti annakyo a sumaruno kadakayo agingga iti tiempo a di nakedngan.  “Ket sika, Solomon nga anakko, ammuem+ ti Dios ni amam ket agserbika+ kenkuana buyogen ti naan-anay a puso+ ken buyogen ti naragsak a kararua;+ ta amin a puspuso sukimaten ni Jehova,+ ket tunggal pagannayasan ti pampanunot mailasinna.+ No birokem, ipalubosnanto nga isu masarakam;+ ngem no panawam,+ iwaksinakanto iti agnanayon.+ 10  Kitaem, ita, ta ni met laeng Jehova pinilinaka a mangibangon iti maysa a balay kas santuario. Bumilegka ken agtignayka.”+ 11  Ket ni David intedna ken Solomon nga anakna ti plano ti arkitektura+ ti beranda+ ken dagiti balayna ken dagiti siledna a pagipempenan+ ken dagiti siledna iti pangatepan+ ken dagiti nasipnget a makin-uneg a siledna ken ti balay ti pangikappia nga abbong;+ 12  ti mismo a plano ti arkitektura ti tunggal banag a naadda kenkuana babaen ti paltiing+ maipaay kadagiti paraangan+ ti balay ni Jehova ken maipaay kadagiti amin a siled a panganan+ iti intero nga aglikmut, maipaay kadagiti gameng ti balay ti pudno a Dios ken maipaay kadagiti gameng ti bambanag a napagsanto;+ 13  ken maipaay kadagiti benneg+ ti papadi ken dagiti Levita ken maipaay iti isuamin a trabaho ti panagserbi iti balay ni Jehova ken maipaay kadagiti amin nga aruaten ti panagserbi iti balay ni Jehova; 14  maipaay iti balitok sigun iti dagsen, ti balitok maipaay kadagiti amin nga aruaten iti nagduduma a panagserbi, maipaay kadagiti amin nga aruaten a pirak sigun iti dagsen, maipaay kadagiti amin nga aruaten+ iti nagduduma a panagserbi; 15  ken ti dagsen maipaay kadagiti pagsaadan ti silaw+ a balitok ken dagiti pagsilawanda a balitok, sigun iti dagsen dagiti nadumaduma a pagsaadan ti silaw ken dagiti pagsilawanda, ken maipaay kadagiti pagsaadan ti silaw a pirak sigun iti dagsen maipaay iti pagsaadan ti silaw ken dagiti pagsilawanna sigun ti panagserbi dagiti nadumaduma a pagsaadan ti silaw; 16  ken ti balitok sigun iti dagsen maipaay kadagiti lamisaan ti agtutuon a tinapay,+ maipaay kadagiti nadumaduma a lamisaan, ken pirak maipaay kadagiti lamisaan a pirak; 17  ken dagiti tinidor ken dagiti malukong+ ken dagiti harra a puro a balitok, ken maipaay kadagiti babassit a malukong a balitok+ sigun iti dagsen maipaay kadagiti nadumaduma a babassit a malukong, ken maipaay kadagiti babassit a malukong a pirak sigun iti dagsen maipaay kadagiti nadumaduma a babassit a malukong; 18  ken maipaay iti altar ti insienso+ napasudi a balitok sigun iti dagsen ken maipaay iti ladawan ti karuahe,+ awan sabali, dagiti kerubin+ a balitok maipaay a pangukrad kadagiti payakda ken pangsalinged iti lakasa ti tulag ni Jehova. 19  “Isu nangted kaniak iti pannakatarus iti intero a banag a naisurat+ manipud iti ima ni Jehova, maipaay a mismo kadagiti amin a trabaho ti plano ti arkitektura.”+ 20  Ket ni David kinunana ken Solomon nga anakna: “Bumilegka+ ken pumigsaka ken agtignayka. Dika agbuteng+ wenno uray agkullayaw,+ ta ni Jehova a Dios, ti Diosko, adda kenka.+ Saannakanto a baybay-an+ wenno panawan agingga a malpas ti isuamin a trabaho ti panagserbi iti balay ni Jehova. 21  Ket adtoy dagiti benneg ti papadi+ ken dagiti Levita+ maipaay iti isuamin a panagserbi iti balay ti pudno a Dios; ket maikuyog kenka iti isuamin a trabaho adda ti tunggal maysa a sitatallugod+ nga addaan kinasigo iti isuamin a panagserbi,+ ken kasta met dagiti prinsipe+ ken amin dagiti umili, maipaay iti amin a sasaom.”

Footnotes