Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Cronicas 27:1-34

27  No maipapan iti annak ti Israel sigun iti bilangda, dagiti pannakaulo ti balbalay dagiti amma+ ken dagiti panguluen+ ti rinibu ken ti ginasut+ ken dagiti opisialda nga agserserbi+ idi iti ari iti tunggal banag dagiti benneg dagidiay simrek ken rimmuar iti tumunggal bulan maipaay kadagiti amin a bulan ti tawen, ti tunggal benneg duapulo ket uppat a ribu.  Ti mamangulo iti umuna a benneg ti umuna a bulan adda idi ni Jasobeam+ nga anak ni Zabdiel, ket iti bennegna adda idi duapulo ket uppat a ribu.  Ti dadduma iti annak ni Perez+ a pannakaulo dagiti amin a panguluen dagiti bunggoy ti panagserbi maipaayda idi iti umuna a bulan.  Ket ti mamangulo iti benneg ti maikadua a bulan adda idi ni Dodai+ nga Ahohita+ agraman ti bennegna, ket ni Miclot isu ti panguluen, ket iti bennegna adda idi duapulo ket uppat a ribu.  Ti panguluen ti maikatlo a bunggoy ti panagserbi maipaay iti maikatlo a bulan isu ni Benaias+ nga anak ni Jehoiada+ a panguluen a padi, ket iti bennegna adda idi duapulo ket uppat a ribu.  Daytoy a Benaias+ maysa idi a nabileg a lalaki kadagiti tallopulo+ ken mamangulo iti tallopulo; ket iti bennegna adda idi ni Amizabad nga anakna.  Ti maikapat maipaay iti maikapat a bulan isu ni Asael,+ kabsat ni Joab,+ ken ni Zebadias nga anakna kalpasan kenkuana, ket iti bennegna adda idi duapulo ket uppat a ribu.  Ti maikalima a panguluen maipaay iti maikalima a bulan isu ni Samhut+ nga Izrahita, ket iti bennegna adda idi duapulo ket uppat a ribu.  Ti maikanem maipaay iti maikanem a bulan isu ni Ira+ nga anak ni Ikkes+ a Tecoita,+ ket iti bennegna adda idi duapulo ket uppat a ribu. 10  Ti maikapito maipaay iti maikapito a bulan isu ni Helez+ a Pelonita+ iti annak ni Efraim, ket iti bennegna adda idi duapulo ket uppat a ribu. 11  Ti maikawalo maipaay iti maikawalo a bulan isu ni Sibbecai+ a Husatita kadagiti Zeraita,+ ket iti bennegna adda idi duapulo ket uppat a ribu. 12  Ti maikasiam maipaay iti maikasiam a bulan isu ni Abi-ezer+ nga Anatotita+ kadagiti Benjaminita, ket iti bennegna adda idi duapulo ket uppat a ribu. 13  Ti maikasangapulo maipaay iti maikasangapulo a bulan isu ni Maharai+ a Netofatita kadagiti Zeraita,+ ket iti bennegna adda idi duapulo ket uppat a ribu. 14  Ti maikasangapulo ket maysa maipaay iti maikasangapulo ket maysa a bulan isu ni Benaias+ a Piratonita iti annak ni Efraim,+ ket iti bennegna adda idi duapulo ket uppat a ribu. 15  Ti maikasangapulo ket dua maipaay iti maikasangapulo ket dua a bulan isu ni Heldai+ a Netofatita, ken Otniel, ket iti bennegna adda idi duapulo ket uppat a ribu. 16  Ket kadagiti tribu ti Israel,+ kadagiti Rubenita, ni Eliezer nga anak ni Zicri ket panguluen; kadagiti Simeonita, ni Sefatias nga anak ni Maaca; 17  ken Levi, ni Hasabias nga anak ni Quemuel; ken Aaron, ni Sadok;+ 18  ken Juda, ni Eliu,+ maysa kadagiti kakabsat ni David;+ ken Isacar, ni Omri nga anak ni Miguel; 19  ken Zabulon, ni Ismaias nga anak ni Abdias; ken Neftali, ni Jerimot nga anak ni Azriel; 20  iti annak ni Efraim, ni Hosea nga anak ni Azazias; iti kagudua a tribu ni Manases, ni Joel nga anak ni Pedaias; 21  iti kagudua a tribu ni Manases idiay Galaad, ni Iddo nga anak ni Zacarias; ken Benjamin, ni Jaasiel nga anak ni Abner;+ 22  ken Dan, ni Azarel nga anak ni Jeroham. Dagitoy ti piprinsipe+ dagiti tribu ti Israel. 23  Ket saan nga innala ni David ti bilang dagidiay manipud edad a duapulo a tawen ken agpababa, agsipud ta inkari ni Jehova a pagbalinenna ti Israel a kas iti kaadu dagiti bituen ti langlangit.+ 24  Ni Joab+ nga anak ni Zeruia rinugianna a mismo ti agbilang, ngem saanna a lineppas;+ ket gapu itoy naadda ti rurod+ maibusor iti Israel, ket ti bilang saan a nagparang iti salaysay dagiti pasamak iti al-aldaw ni Ari David. 25  Ket iti panangaywan kadagiti gameng ti ari+ adda idi ni Azmavet nga anak ni Adiel. Ket iti panangaywan kadagiti gameng iti talon,+ kadagiti siudad+ ken kadagiti purok ken kadagiti torre adda idi ni Jonatan nga anak ni Uzzias. 26  Ket iti panangaywan kadagiti managaramid iti trabaho iti talon,+ maipaay iti pannakatalon ti daga, adda idi ni Ezri nga anak ni Kelub. 27  Ket iti panangaywan kadagiti kaubasan+ adda idi ni Simei a Ramatita; ket iti panangaywan iti daydiay adda kadagiti kaubasan maipaay kadagiti abasto iti arak adda idi ni Zabdi a Sifmita. 28  Ket iti panangaywan kadagiti kaolibuan ken kadagiti kayo a sikomoro+ nga adda idiay Sefela+ adda idi ni Baal-hanan a Gederita; ket iti panangaywan kadagiti abasto iti lana+ adda idi ni Joas. 29  Ket iti panangaywan kadagiti pangen nga agar-arab idiay Saron+ adda idi ni Sitrai a Saronita; ket iti panangaywan iti pangpangen kadagiti nababa a tanap adda idi ni Safat nga anak ni Adlai. 30  Ket iti panangaywan kadagiti kamelio+ adda idi ni Obil nga Ismaelita;+ ket iti panangaywan kadagiti asna adda idi ni Jedias a Meronotita. 31  Ket iti panangaywan kadagiti arban adda idi ni Jaziz a Hagrita. Dagitoy amin ti papanguluen kadagiti sanikua a kukua ni Ari David. 32  Ket ni Jonatan,+ kaanakan ni David, maysa idi a manangbalakad, lalaki nga addaan pannakaawat,+ isu maysa met a sekretario; ket ni Jehiel nga anak ni Hacmoni+ adda idi iti annak ti ari.+ 33  Ket ni Ahitofel+ maysa idi a manangbalakad+ ti ari; ket ni Husai+ nga Arquita+ isu ti kadua ti ari.+ 34  Ket kalpasan ni Ahitofel adda idi ni Jehoiada nga anak ni Benaias+ ken ni Abiatar;+ ket ni Joab+ panguluen idi ti buyot ti ari.

Footnotes