Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Cronicas 24:1-31

24  Ita ti annak ni Aaron addaanda idi kadagiti benneg. Ti annak ni Aaron isu da Nadab+ ken Abihu,+ Eleazar+ ken Itamar.+  Nupay kasta, natay da Nadab ken Abihu+ kasakbayan ni amada,+ ket saanda a naaddaan iti aniaman nga annak, ngem nagtultuloy da Eleazar+ ken Itamar nga agakem a kas papadi.  Ket ni David, ken ni Sadok+ manipud iti annak ni Eleazar, ken ni Ahimelec+ manipud iti annak ni Itamar binennebennegda ida maipaay iti akemda iti panagserbida.+  Ngem nasarakan a ti annak ni Eleazar ad-aduanda iti papanguluen ngem iti annak ni Itamar. Gapuna inwarasda ida iti annak ni Eleazar, kas pannakaulo maipaay iti balbalay dagiti ammada, sangapulo ket innem, ken iti annak ni Itamar, kas pannakaulo maipaay iti balbalay dagiti ammada, walo.  Kanayonanna, inwarasda ida babaen kadagiti panagbibinnunot,+ dagitoy agraman dagidiay, ta masapul nga adda papanguluen ti nasantuan a disso+ ken papanguluen ti pudno a Dios manipud iti annak ni Eleazar ken manipud iti annak ni Itamar.  Kalpasanna ni Semaias nga anak ni Netanel a sekretario+ dagiti Levita insuratna ida iti sanguanan ti ari ken dagiti prinsipe ken ni Sadok+ a padi ken ni Ahimelec+ nga anak ni Abiatar+ ken dagiti pannakaulo ti amma ti papadi ken dagiti Levita,+ maysa a balay dagiti amma ti napili maipaay ken Eleazar+ ket maysa ti napili maipaay ken Itamar.+  Ket rimmuar ti pannaka-bunot: ti umuna agpaay ken Jehoiarib;+ agpaay ken Jedaias ti maikadua,  agpaay ken Harim ti maikatlo, agpaay ken Seorim ti maikapat,  agpaay ken Malkias ti maikalima, agpaay ken Mijamin ti maikanem, 10  agpaay ken Hacoz ti maikapito, agpaay ken Abias+ ti maikawalo, 11  agpaay ken Jesua ti maikasiam, agpaay ken Secanias ti maikasangapulo, 12  agpaay ken Eliasib ti maikasangapulo ket maysa, agpaay ken Jaquim ti maikasangapulo ket dua, 13  agpaay ken Huppa ti maikasangapulo ket tallo, agpaay ken Jesebeab ti maikasangapulo ket uppat, 14  agpaay ken Bilga ti maikasangapulo ket lima, agpaay ken Immer ti maikasangapulo ket innem, 15  agpaay ken Hezir ti maikasangapulo ket pito, agpaay ken Hapizez ti maikasangapulo ket walo, 16  agpaay ken Petaias ti maikasangapulo ket siam, agpaay ken Jehezkel ti maikaduapulo, 17  agpaay ken Jaquin ti maikaduapulo ket maysa, agpaay ken Gamul ti maikaduapulo ket dua, 18  agpaay ken Delaias ti maikaduapulo ket tallo, agpaay ken Maazias ti maikaduapulo ket uppat. 19  Dagitoy ti ak-akemda+ maipaay iti panagserbida,+ tapno sumrekda iti balay ni Jehova maitunos iti maiparbeng a kalinteganda+ babaen iti ima ni Aaron nga amada, kas iti imbilin kenkuana ni Jehova a Dios ti Israel. 20  Ket iti annak ni Levi a natedda, iti annak ni Amram+ adda ni Subael;+ iti annak ni Subael, ni Jedias; 21  ken Rehabias:+ iti annak ni Rehabias, ni Issia a pannakaulo; 22  kadagiti Izarita,+ ni Selomot;+ iti annak ni Selomot, ni Jahat; 23  ken ti annak ni Hebron,+ ni Jeria+ a pannakaulo, ni Amarias a maikadua, ni Jahaziel a maikatlo, ni Jecameam a maikapat. 24  Ti annak ni Uzziel, ni Mikias; iti annak ni Mikias,+ ni Samir. 25  Ti kabsat a lalaki ni Mikias isu ni Issia; iti annak ni Issia, ni Zacarias. 26  Ti annak ni Merari+ isu da Mali+ ken Musi;+ ti annak ni Jaazias, da Beno. 27  Ti annak ni Merari: Ken Jaazias, da Beno ken Soham ken Zacur ken Ibri. 28  Ken Mali, ni Eleazar, a saan a naaddaan iti aniaman nga annak.+ 29  Ken Kis: ti annak ni Kis isu da Jerameel. 30  Ket ti annak ni Musi isu da Mali+ ken Eder ken Jerimot.+ Dagitoy ti annak dagiti Levita sigun iti balbalay dagiti ammada.+ 31  Ket isuda nagbibinnunotda+ met nga apag-isu a kas iti inaramid ti kakabsatda nga annak ni Aaron iti sanguanan ni David nga ari ken ni Sadok ken ni Ahimelec ken dagiti pannakaulo ti balbalay dagiti amma ti papadi ken dagiti Levita. No maipapan iti balbalay dagiti amma,+ daydiay pannakaulo apag-isu idi a kas iti ub-ubing a kabsatna.

Footnotes