Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Cronicas 23:1-32

23  Ket ni met laeng David limmakay+ ken napneken iti al-aldaw, ket ngarud ni Solomon+ nga anakna pinagbalinna nga ari iti Israel.  Ket inummongna amin dagiti prinsipe+ ti Israel ken ti papadi+ ken dagiti Levita.+  Iti kasta nabilang dagiti Levita manipud iti edad a tallopulo a tawen nga agpangato;+ ket ti bilangda idi, tumunggal ulo kadakuada, tumunggal nabaneg a lalaki, tallopulo ket walo a ribu.  Kadagitoy adda duapulo ket uppat a ribu maipaay iti panagakem kas manangimaton iti trabaho iti balay ni Jehova; ken innem a ribu kas opisial+ ken uk-ukom;+  ken uppat a ribu nga agay-aywan iti ruangan+ ken uppat a ribu a manangipaay iti daydayaw+ ken Jehova kadagiti pagtokar+ a kinuna ni David “Inaramidko maipaay a pangidaydayaw.”  Kalpasanna imbunong ida ni David iti binenneg+ iti annak ni Levi,+ kada Gerson, Cohat ken Merari.  Kadagiti Gersonita, da Ladan ken Simei.  Ti annak ni Ladan isu da Jehiel+ a panguluen ken Zetam ken Joel,+ tallo.  Ti annak ni Simei isu da Selomot ken Haziel ken Haran, tallo. Dagitoy dagiti pannakaulo ti amma maipaay ken Ladan. 10  Ket ti annak ni Simei isu da Jahat, Zina ken Jeus ken Berias. Dagitoy nga uppat ti annak ni Simei. 11  Ket ni Jahat nagbalin a pannakaulo, ket ni Zizah ti maikadua. No maipapan kada Jeus ken Berias, saanda a naaddaan iti adu nga annak; gapuna nagbalinda a balay dagiti amma+ maipaay iti maysa a bunggoy dagiti opisial. 12  Ti annak ni Cohat+ isu da Amram, Izar,+ Hebron+ ken Uzziel,+ uppat. 13  Ti annak ni Amram isu da Aaron+ ken Moises.+ Ngem ni Aaron nailasin+ tapno masantipikarna ti Kasasantuan,+ isu ken ti annakna agingga iti tiempo a di nakedngan, tapno mangpataudda iti asuk a sakripisio+ iti sanguanan ni Jehova, tapno agserbida kenkuana+ ken tapno mangyebkasda ti pamendision+ iti naganna agingga iti tiempo a di nakedngan. 14  No maipapan ken Moises a lalaki ti pudno a Dios,+ ti met laeng annakna nagtultuloyda a naayaban a maikameng iti tribu dagiti Levita.+ 15  Ti annak ni Moises isu da Gersom+ ken Eliezer.+ 16  Ti annak ni Gersom isu da Sebuel+ a pannakaulo. 17  Ket ti annak ni Eliezer isu idi da Rehabias+ a pannakaulo; ket ni Eliezer saan a naaddaan iti sabali nga annak, ngem ti annak ni Rehabias immaduda a mismo iti kasta unay. 18  Ti annak ni Izar+ isu da Selomit+ a panguluen. 19  Ti annak ni Hebron isu ni Jeria a pannakaulo, ni Amarias a maikadua, ni Jahaziel a maikatlo ken ni Jecameam+ a maikapat. 20  Ti annak ni Uzziel+ isu ni Mikias a pannakaulo ken ni Issia a maikadua. 21  Ti annak ni Merari+ isu da Mali ken Musi.+ Ti annak ni Mali isu da Eleazar+ ken Kis. 22  Ngem natay ni Eleazar; ket naaddaan, saan nga iti annak a lallaki, no di ket iti annak a babbai. Gapuna ti annak a lallaki ni Kis a kakabsatda innalada ida kas assawa.+ 23  Ti annak ni Musi isu da Mali ken Eder ken Jeremot,+ tallo. 24  Dagitoy ti annak ni Levi sigun iti balay ti ammada,+ dagiti pannakaulo ti amma, sigun kadagidiay naparebbengan kadakuada, iti bilang dagiti nagan, tumunggal ulo kadakuada, dagiti managaramid iti trabaho maipaay iti panagserbi+ iti balay ni Jehova, manipud iti edad a duapulo a tawen nga agpangato.+ 25  Ta kinuna ni David: “Ni Jehova a Dios ti Israel impaayanna ti ilina iti inana,+ ket isu agtaengto idiay Jerusalem agingga iti tiempo a di nakedngan.+ 26  Ken kasta met a saanto a kasapulan nga awiten dagiti Levita ti tabernakulo wenno ti aniaman kadagiti aruatenna a maipaay iti panagserbi iti dayta.”+ 27  Ta babaen iti maudi a sasao+ ni David dagitoy ti bilang ti annak ni Levi manipud iti edad a duapulo a tawen nga agpangato. 28  Ta ti annongenda adda idi iti aywan ti annak ni Aaron+ maipaay iti panagserbi iti balay ni Jehova kadagiti paraangan+ ken kadagiti siled a panganan+ ken iti pannakagugor ti tunggal nasantuan a banag+ ken iti trabaho ti panagserbi iti balay ti pudno a Dios, 29  maipaay a mismo iti agtutuon a tinapay+ ken maipaay iti nasayaat nga arina+ nga agpaay iti daton a bukbukel ken maipaay kadagiti galieta+ ti di pinaalsa a tinapay+ ken maipaay kadagiti bibingka ti daplat a pariok+ ken maipaay iti nagamay+ a bellaay ken maipaay kadagiti amin a rukod ti kaadu ken kadakkel;+ 30  ken maipaay iti panagtakder+ iti binigat+ tapno agyaman+ ken agdaydayaw+ ken Jehova, ken kasta met iti rabii; 31  ken maipaay iti tunggal panangidaton kadagiti mapuoran a sakripisio ken Jehova kadagiti sabbath,+ kadagiti baro a bulan+ ken kadagiti panawen ti piesta,+ sigun iti bilang maitunos iti pagannurotan maipapan kadakuada, a patinayon iti sanguanan ni Jehova. 32  Ket inasikasoda ti panangbantay+ iti tolda ti gimong ken ti panangbantay iti nasantuan a disso+ ken ti panangbantay iti annak ni Aaron a kakabsatda maipaay iti panagserbi iti balay ni Jehova.+

Footnotes