Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Cronicas 20:1-8

20  Ket naaramid iti tiempo a panangrugi ti tawen,+ iti tiempo a rummuar a dumarup ti ar-ari,+ nga indaulo ni Joab ti pakiranget a puersa ti buyot+ ket rinebbekna ti daga ti annak ni Ammon ket immay ket linakubna ti Rabba,+ bayat nga agnanaed idi ni David idiay Jerusalem; ket kinabil ni Joab+ ti Rabba ket rinebbana dayta.  Ngem innala ni David ti korona ni Malcam manipud ulona,+ ket nasarakanna a maysa a talento a balitok ti dagsenna, ket iti dayta adda napapateg a batbato; ket naikabil dayta iti ulo ni David. Ket adu unay idi ti inruarna a samsam ti siudad.+  Ket dagiti tattao nga adda iti dayta inruarna, ket pinagtrabahona ida+ iti panagragadi iti batbato ken kadagiti natadem nga alikamen a landok ken kadagiti wasay;+ ket kasta ti inaramid ni David kadagiti amin a siudad ti annak ni Ammon. Kamaudiananna ni David ken amin dagiti umili nagsublida idiay Jerusalem.  Ket naaramid kalpasan daytoy a ti gubat nangrugi a bimtak idiay Gezer+ kadagiti Filisteo.+ Iti daydin a ni Sibbecai+ a Husatita kinabilna ni Sippai kadagidiay nayanak iti Refaim,+ iti kasta naparukmada.  Ket naadda manen ti pannakigubat kadagiti Filisteo; ket ni Elhanan+ nga anak ni Jair kinabilna ni Lami a kabsat ni Goliat+ a Gitita, a ti urong ti pikana kas iti pagipulipolan dagiti trabahador iti pagabelan.+  Ket naadda manen ti gubat idiay Gat,+ idi adda maysa a lalaki a nalablabes ti kadakkelna+ a dagiti ramay ti im-ima ken saksakana sagiinnemda, duapulo ket uppat;+ ket uray isu nayanak met iti Refaim.+  Ket rinurrurodna+ ti Israel. Kamaudiananna isu pinatay ni Jonatan nga anak ni Simea+ a kabsat ni David.  Dagitoy dagidiay nayanak iti Refaim+ idiay Gat;+ ket napasagda+ babaen ti ima ni David ken babaen ti ima dagiti adipenna.

Footnotes