Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Cronicas 19:1-19

19  Ket naaramid kalpasanna a ni Nahas+ nga ari ti annak ni Ammon natay, ket ti anakna nangrugi nga agturay a mangsandi kenkuana.+  Iti kasta kinuna ni David: “Watwatek ti naayat a kinamanangngaasi+ maipaay ken Hanun nga anak ni Nahas, agsipud ta winatwat ni amana ti naayat a kinamanangngaasi maipaay kaniak.”+ Gapuna nangibaon ni David kadagiti mensahero tapno liwliwaenda gapu ken amana, ket dagiti adipen ni David dimtengda ken Hanun idiay daga ti annak ni Ammon+ tapno liwliwaenda.  Nupay kasta, dagiti prinsipe ti annak ni Ammon kinunada ken Hanun: “Padayawan kadi ni David ti amam kadagita matam ta nangibaon kenka kadagiti manangliwliwa? Saan kadi nga immay kenka dagiti adipenna tapno naan-anay nga agsukimat ken mangduprak ken mangsimisim+ iti daga?”+  Gapuna innala ni Hanun dagiti adipen ni David+ ket kiniskisanna ida+ ket pinutedna a ginudua dagiti kawesda agingga kadagiti patongda+ ket pinapanawna ida.+  Idi agangay napan dagiti umili ket imbagada ken David ti maipapan kadagiti lallaki; ket madagdagus a nagbaon iti sumabet kadakuada, agsipud ta nagbalinda a lallaki a naipababa unay; ket kinuna ti ari: “Agnaedkayo idiay Jerico+ agingga a pumuskol dagiti barbasyo. Kalpasanna agsublikayto.”  Idi agangay nakita ti annak ni Ammon a nagbalinda a naangot+ ken David, ket nangipatulod ni Hanun+ ken ti annak ni Ammon iti sangaribu a pirak a talento+ tapno mangabangda maipaay kadakuada kadagiti karuahe+ ken kumakabalio manipud Mesopotamia ken manipud Aram-maaca+ ken manipud Zoba.+  Iti kasta nangtangdanda maipaay kadakuada iti tallopulo ket dua a ribu a karuahe+ ken ti ari ti Maaca ken dagiti tattaona.+ Kalpasanna immayda ket nagpakarsoda iti sango ti Medeba;+ ket no maipapan iti annak ni Ammon, naguummongda a sangsangkamaysa manipud kadagiti siudadda ket ita immayda maipaay iti gubat.  Idi nangngeg dayta ni David, dagus nga imbaonna ni Joab+ ken ti intero a buyot ken dagiti nabileg a lallaki.+  Ket nangrugi a rummuar ti annak ni Ammon ken naguurnosda iti pannakibakal idiay pagserkan ti siudad, ket ti ar-ari+ nga immay is-isuda idiay nawayang a tay-ak. 10  Idi nakita ni Joab a dagiti pangdarup ti bakal maibusorda idi kenkuana manipud iti sango ken manipud iti likudan, dagus a nangpili iti sumagmamano iti amin a napili a lallaki iti Israel ket pinaguurnosna ida a sumabet kadagiti Sirio.+ 11  Ket ti natedda kadagiti tattao intedna iti ima ni Abisai+ a kabsatna, tapno makapaguurnosda a sumabet iti annak ni Ammon.+ 12  Ket kinunana: “No dagiti Sirio+ agbalinda a napigsa unay kaniak, agserbikanto met a pakaisalakanak;+ ngem no dagiti met laeng annak ni Ammon agbalinda a napigsa unay kenka, isalakankanto met.+ 13  Bumilegka,+ tapno maipakitata a naturedta maigapu kadagiti kailiantayo ken maigapu kadagiti siudad ti Diostayo;+ ket no maipapan ken Jehova, aramidennanto no ania ti naimbag kadagiti bukodna a mata.”+ 14  Idin ni Joab ken dagiti tattao a naikuyog kenkuana dimmarupda iti sanguanan dagiti Sirio iti pannakibakal,+ ket nagtalawda+ iti sanguananna. 15  No maipapan iti annak ni Ammon, nakitada a nagtaray dagiti Sirio, ket isuda nagtalawda+ met iti sanguanan ni Abisai a kabsatna ket kalpasanna simrekda iti siudad.+ Idi agangay dimteng ni Joab idiay Jerusalem. 16  Idi nakita dagiti Sirio a naabakdan+ iti sanguanan ti Israel, nangibaonda kadagiti mensahero ket inruarda dagiti Sirio nga adda idi iti rehion ti Karayan,+ a ni Sofac a panguluen ti buyot ni Hadadezer ti adda iti sangoda. 17  Idi naipadamag ken David, dagus nga inummongna a sangsangkamaysa ti intero nga Israel ket bimmallasiw iti Jordan ket dimteng kadakuada ket nangurnos iti maibusor kadakuada.+ Idi a ni David nangurnos iti bakal a sumabet kadagiti Sirio, nangrugida a makirupak kenkuana. 18  Ngem nagtalaw dagiti Sirio+ gapu iti Israel; ket ni David nangpapatay kadagiti Sirio iti pito ribu a kumakaruahe ken uppat a pulo a ribu a lallaki a magmagna, ket pinapatayna ni Sofac a panguluen ti buyot.+ 19  Idi a dagiti adipen ni Hadadezer nakitada a naabakdan iti sanguanan ti Israel,+ nakikappiada a dagus ken David ket nangrugida nga agserbi kenkuana;+ ket saanen a kinayat ti Siria a padasen nga isalakan ti annak ni Ammon.+

Footnotes