Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Cronicas 15:1-29

15  Ket intuloyna ti nagibangon iti balbalay+ maipaay iti bagina iti Siudad ni David; ket nangisagana iti disso+ a maipaay iti lakasa ti pudno a Dios ken nangipatakder iti tolda a maipaay iti dayta.  Iti daydin a kinuna ni David: “Awan ti asinoman a mangawit iti lakasa ti pudno a Dios no di dagiti Levita, ta isuda dagidiay pinili ni Jehova a mangawit iti lakasa ni Jehova+ ken agserbi+ kenkuana agingga iti tiempo a di nakedngan.”  Kalpasanna inummong ni David ti intero nga Israel idiay Jerusalem+ tapno iyegda ti lakasa+ ni Jehova iti dissona nga insaganana nga agpaay iti dayta.  Ket ni David inummongna ti annak ni Aaron+ ken dagiti Levita;  iti annak ni Cohat, ni Uriel+ a panguluen ken ti kakabsatna, sangagasut ket duapulo;  iti annak ni Merari,+ ni Asaias+ a panguluen ken ti kakabsatna, dua gasut ket duapulo;  iti annak ni Gersom,+ ni Joel+ a panguluen ken ti kakabsatna, sangagasut ket tallopulo;  iti annak ni Elizafan,+ ni Semaias+ a panguluen ken ti kakabsatna, dua gasut;  iti annak ni Hebron, ni Eliel a panguluen ken ti kakabsatna, walopulo; 10  iti annak ni Uzziel,+ ni Aminadab a panguluen ken ti kakabsatna, sangagasut sangapulo ket dua. 11  Kanayonanna pay, ni David inayabanna da Sadok+ ken Abiatar+ a papadi, ken dagiti Levita a da Uriel,+ Asaias+ ken Joel,+ Semaias+ ken Eliel+ ken Aminadab, 12  ket kinunana kadakuada: “Dakayo dagiti pannakaulo+ ti amma dagiti Levita. Santipikarenyo+ ti bagbagiyo, dakayo ken ti kakabsatyo, ket masapul nga iyegyo ti lakasa ni Jehova a Dios ti Israel iti disso nga insaganak nga agpaay iti dayta. 13  Agsipud ta idi umuna a gundaway a dikay inaramid,+ ni Jehova a Diostayo simmaranget maibusor kadatayo,+ ta isu saantay a binirok maitunos iti kaugalian.”+ 14  Gapuna ti papadi ken dagiti Levita sinantipikarda+ ti bagbagida tapno iyegda ti lakasa ni Jehova a Dios ti Israel. 15  Kalpasanna rinugian ti annak dagiti Levita nga awiten+ ti lakasa ti pudno a Dios, kas iti imbilin ni Moises sigun iti sao ni Jehova, kadagiti abagada a dagiti assiw adda iti rabawda.+ 16  Kinuna ita ni David iti papanguluen dagiti Levita nga isaadda ti kakabsatda a kumakanta+ buyogen dagiti pagtokar iti kanta,+ dagiti pagtokar nga adda kuerdasna+ ken dagiti arpa+ ken dagiti piangpiang,+ nga agtokarda iti napigsa tapno mangpataudda iti uni ti panagrag-o. 17  Iti kasta dagiti Levita insaadda ni Heman+ nga anak ni Joel ken, iti kakabsatna, ni Asaf+ nga anak ni Berekias; ket, iti annak ni Merari a kakabsatda, ni Etan+ nga anak ni Cusaias; 18  ket kaduada ti kakabsatda iti maikadua a benneg,+ ni Zacarias,+ da Ben ken Jaaziel ken Semiramot ken Jehiel ken Unni, Eliab ken Benaias ken Maasias ken Matitias ken Elifelehu ken Micnias, ken Obed-edom+ ken Jeiel nga agay-aywan iti ruangan, 19  ken dagiti kumakanta a da Heman,+ Asaf+ ken Etan, nga addaan kadagiti piangpiang a gambang a pagtokar iti napigsa;+ 20  ken Zacarias ken Aziel+ ken Semiramot ken Jehiel ken Unni ken Eliab ken Maasias ken Benaias nga addaan kadagiti pagtokar nga adda kuerdasna a nayayug iti Alamot,+ 21  ken Matitias+ ken Elifelehu ken Micnias ken Obed-edom ken Jeiel ken Azazias nga addaan kadagiti arpa+ a nayayug iti Seminit,+ tapno agakemda kas manangiwanwan; 22  ken Kenanias+ a panguluen dagiti Levita iti panagawit, a mangipapaay iti pammilin iti panagawit, ta nalaing unay;+ 23  ken Berekias ken Elcana nga agay-aywan iti ruangan+ maipaay iti Lakasa; 24  ken Sebanias ken Josafat ken Netanel ken Amasai ken Zacarias ken Benaias ken Eliezer a papadi a sipipigsa a mangpagpaguni kadagiti trumpeta+ iti sanguanan ti lakasa ti pudno a Dios, ken Obed-edom ken Jehias nga agay-aywan iti ruangan maipaay iti Lakasa. 25  Ket ni David+ ken dagiti lallakay ti Israel+ ken dagiti panguluen+ ti rinibu isuda idi dagidiay magmagna a mangisang-at iti lakasa ti tulag ni Jehova manipud iti balay ni Obed-edom+ buyogen ti panagrag-o.+ 26  Ket naaramid idi a ti pudno a Dios tinulonganna+ dagiti Levita bayat nga aw-awitenda ti lakasa ti tulag ni Jehova a nangisakripisioda iti pito nga urbon a toro ken pito a kalakian a karnero.+ 27  Ket ni David sikakawes idi iti awan manggasna a lambon a napino nga abel, ken kasta met dagiti amin a Levita a mangaw-awit iti Lakasa ken dagiti kumakanta ken ni Kenanias+ a panguluen ti panagawit babaen kadagiti kumakanta;+ ngem adda idi ken David ti maysa nga efod+ a lienso. 28  Ket amin dagiti Israelita isangsang-atda idi ti lakasa ti tulag ni Jehova buyogen ti narag-o a panagdir-i+ ken buyogen ti panangpaguni iti tangguyob+ ken buyogen dagiti trumpeta+ ken buyogen dagiti piangpiang,+ nga agtoktokarda iti napigsa kadagiti pagtokar nga adda kuerdasna ken kadagiti arpa.+ 29  Ket naaramid nga, idi a ti lakasa ti tulag+ ni Jehova dimteng agingga iti Siudad ni David, ni Mical,+ anak a babai ni Saul, timmannawag a mismo iti tawa ket nakitana ni Ari David nga aglagtolagto ken agramrambak;+ ket rinugianna nga umsien+ iti pusona.

Footnotes