Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Cronicas 14:1-17

14  Ket ni Hiram+ nga ari ti Tiro+ nangipatulod kadagiti mensahero a mapan ken David ken iti sedro a kaykayo+ ken kadagiti managibangon iti padpader ken kadagiti trabahador iti kayo tapno ibangonanda iti balay.+  Ket naammuan ni David nga isu impasdek a sititibker ni Jehova+ kas ari iti Israel, ta ti kinaarina naitan-ok iti kasta unay maigapu iti ilina nga Israel.+  Ket nangala ni David iti ad-adu pay nga assawa+ idiay Jerusalem, ket ni David nagbalin nga ama ti ad-adu pay nga annak a lallaki ken annak a babbai.+  Ket dagitoy ti nagnagan dagiti nagbalin nga annakna idiay Jerusalem: Sammua+ ken Sobab,+ Natan+ ken Solomon,+  ken Ibhar+ ken Elisua ken Elpelet,+  ken Noga ken Nefeg+ ken Jafia,  ken Elisama+ ken Beeliada ken Elifelet.+  Ket nangngeg dagiti Filisteo a ni David napulotanen kas ari iti intero nga Israel.+ Iti kasta dagiti amin a Filisteo simmang-atda a mangsapul ken David.+ Idi nangngeg ni David dayta, ngarud rimmuar a bumusor kadakuada.  Ket dagiti Filisteo, iti biangda, immayda ket nangrubrubbuotda idiay nababa a tanap ti Refaim.+ 10  Ket ni David nangrugi nga agimtuod iti Dios,+ a kunkunana: “Sumang-atakto kadi a bumusor kadagiti Filisteo, ket sigurado kadi nga iyawatmonto ida iti imak?” Iti daytoy ni Jehova kinunana kenkuana: “Sumang-atka, ket sigurado nga itedkonto ida ita imam.” 11  Gapuna simmang-at ni David agingga idiay Baal-perazim+ ket sadiay kinabilna ida. Iti kasta kinuna ni David: “Simmaranget ti pudno a Dios kadagiti kabusorko babaen iti imak a kas iti giwang a gapuanan ti dandanum.” Dayta ti makagapu a pinanagananda dayta a disso+ iti Baal-perazim. 12  Iti kasta pinanawanda ti didiosda sadiay.+ Kalpasanna nagbilin ni David, ket ngarud naipuorda iti apuy.+ 13  Idi agangay naminsan manen a nangrubbuot dagiti Filisteo idiay nababa a tanap.+ 14  Iti kasta ni David nagimtuod+ manen iti Dios, ket kinuna ita kenkuana ti pudno a Dios: “Dika sumang-at a mangsaruno kadakuada. Aglikawka manipud panangtupar kadakuada, ket masapul a darupem ida iti sanguanan ti babassit a kayo a baca.+ 15  Ket mapasamak koma nga, inton mangngegmo ti arimpadek ti panagmartsa kadagiti rabaw ti babassit a kayo a baca,+ ngarud rummuarka a mapan iti dangadang,+ agsipud ta ti pudno a Dios nakaruarton iti sanguanam+ a mangkabil iti pakarso dagiti Filisteo.” 16  Gapuna inaramid ni David ti kas iti imbilin kenkuana ti pudno a Dios,+ ket kinabilda ti pakarso dagiti Filisteo manipud Gabaon+ agingga iti Gezer.+ 17  Ket ti panagdindinamag ni David+ nangrugi nga agsaknap iti amin a dagdaga, ket ti panagalinggaget kenkuana inkabil ni Jehova a mismo kadagiti amin a nasion.+

Footnotes