Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Cronicas 13:1-14

13  Ket ni David nakiuman kadagiti panguluen ti rinibu ken ti ginasut ken iti tunggal mangidadaulo;+  ket kinuna ni David iti intero a kongregasion ti Israel: “No kasla naimbag kadakayo ken makaay-ayo ken Jehova a Diostayo, agbaontayo koma kadagiti kakabsattayo a nabati kadagiti amin a daga ti Israel+ ken agraman kadakuada iti papadi+ ken kadagiti Levita+ kadagiti siudadda+ nga addaan kadagiti pagpaaraban, tapno makiummongda koma a sangsangkamaysa kadatayo.  Ket ti lakasa+ ti Diostayo iyegtayo koma kadatayo a mismo.” Ta saanda a nataripato dayta idi kaaldawan ni Saul.+  Gapuna kinuna ti intero a kongregasion nga aramidenda ti kasta, ta ti banag kasla umiso kadagiti mata dagiti amin nga umili.+  Iti kasta inummong ni David+ ti intero nga Israel manipud iti karayan ti Egipto+ agingga iti seserkan ti Hamat,+ tapno iyegda ti lakasa+ ti pudno a Dios manipud Kiriat-jearim.+  Ket ni David ken ti intero nga Israel simmang-atda agingga idiay Baala,+ agingga idiay Kiriat-jearim, a kukua ti Juda, tapno isang-atda manipud sadiay ti lakasa ti pudno a Dios, ni Jehova, nga agtugtugaw kadagiti kerubin,+ a nakainaganan ti naganna.  Nupay kasta, inluganda ti lakasa ti pudno a Dios iti maysa a baro a kareson+ manipud iti balay ni Abinadab, ket da Uzzah ken Ahio+ ti nangiturong idi iti kareson.  Ket agramrambak idi ni David ken ti intero nga Israel+ iti sanguanan ti pudno a Dios buyogen ti isuamin a bileg ken buyogen dagiti kanta+ ken buyogen dagiti arpa+ ken buyogen dagiti pagtokar nga adda kuerdasna+ ken buyogen dagiti pandereta+ ken buyogen dagiti piangpiang ken buyogen dagiti trumpeta.+  Ket nagin-inut a dimtengda agingga iti pagirikan ni Kidon,+ ket inyunnat ita ni Uzzah ti imana tapno tenglenna ti Lakasa,+ ta dagiti toro gistayda nakaigapuan ti pannakapattog. 10  Gapu iti dayta gimmil-ayab ti unget ni Jehova maibusor ken Uzzah, iti kasta kinabilna agsipud ta inyunnatna ti imana iti Lakasa,+ ket natay sadiay iti sanguanan ti Dios.+ 11  Ket nakaunget ni David+ agsipud ta bimtak ti pungtot ni Jehova maibusor ken Uzzah; ket naawagan dayta a disso iti Perez-uzza agingga itoy nga aldaw. 12  Ket ni David nagbuteng iti pudno a Dios iti dayta nga aldaw,+ a kunkunana: “Kasanonto ti panangyegko kaniak ti lakasa ti pudno a Dios?”+ 13  Ket saan nga impanaw ni David ti Lakasa tapno ipanna kenkuana idiay Siudad ni David, no di ket impaipanna iti balay ni Obed-edom+ a Gitita.+ 14  Ket ti lakasa ti pudno a Dios nagtultuloy a nakipagnaed iti sangakabbalayan ni Obed-edom, iti balayna+ iti tallo a bulan; ket intultuloy ni Jehova a binendisionan+ ti sangakabbalayan ni Obed-edom ken ti isuamin a kukuana.

Footnotes