Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Cronicas 12:1-40

12  Ket dagitoy dagidiay immay ken David idiay Siclag+ bayat nga isu mapengpengdan pay laeng idi gapu ken Saul+ nga anak ni Kis; ket naibilangda kadagiti nabileg a lallaki,+ dagiti katulongan iti pannakigubat,  armado iti bai, nga us-usarenda ti makannawan nga ima ken us-usarenda ti makannigid+ nga ima kadagiti bato+ wenno kadagiti pana+ iti bai.+ Kamengda iti kakabsat ni Saul, ni Benjamin.  Adda idi ti pannakaulo a ni Ahiezer ken ni Joas nga annak ni Semaa a Gabaatita,+ ken da Jeziel ken Pelet nga annak ni Azmavet,+ ken da Beraca ken Jehu nga Anatotita,+  ken ni Ismaias a Gabaonita,+ maysa a nabileg a lalaki kadagiti tallopulo+ ken mamangulo iti tallopulo; ken da Jeremias ken Jahaziel ken Johanan ken Jozabad a Gederatita,+  da Eluzai ken Jerimot ken Bealias ken Semarias ken Sefatias a Harifita,  da Elcana ken Issia ken Azarel ken Joezer ken Jasobeam, dagiti Korita,+  ken da Joela ken Zebadias nga annak ni Jeroham ti Gedor.  Ket adda sumagmamano kadagiti Gadita a nangisina iti bagbagida a mapan iti dasig ni David iti lugar a narigat nga asitgan idiay let-ang,+ mamaingel, nabileg a lallaki, lallaki ti buyot maipaay iti gubat, mamagtalinaed a nakasagana ti dakkel a kalasag ken ti gayang,+ a dagiti rupada ruprupa dagiti leon,+ ket kaslada kadagiti gasela iti rabaw dagiti bantay no iti kapardas.+  Ni Ezer isu ti pannakaulo, ni Abdias ti maikadua, ni Eliab ti maikatlo, 10  ni Mismana ti maikapat, ni Jeremias ti maikalima, 11  ni Atai ti maikanem, ni Eliel ti maikapito, 12  ni Johanan ti maikawalo, ni Elzabad ti maikasiam, 13  ni Jeremias ti maikasangapulo, ni Macbannai ti maikasangapulo ket maysa. 14  Kameng idi dagitoy iti annak ni Gad,+ dagiti pannakaulo ti buyot. Daydiay kababassitan katupagna ti sangagasut, ket ti kadadakkelan katupagna ti sangaribu.+ 15  Dagitoy dagidiay bimmallasiw iti Jordan+ iti umuna a bulan idi agliplippias dayta kadagiti amin nga igidna,+ ket kalpasanna pinagtalawda amin dagidiay adda kadagiti nababa a tanap, iti daya ken iti laud. 16  Ket ti sumagmamano iti annak da Benjamin ken Juda immayda agingga iti lugar a narigat nga asitgan,+ agingga ken David. 17  Idin rimmuar ni David iti sanguananda ket simmungbat ket kinunana kadakuada: “No maipaay iti talna+ nga immaykayo kaniak tapno tulongandak, makikaykaysanto kadakayo ti bukodko a puso.+ Ngem no tapno liputandak kadagiti kabusorko idinto ta awan biddut kadagiti dakulapko,+ kitaen koma dayta ti Dios+ dagidi ammatayo ket urnosenna dayta.”+ 18  Ket ti espiritu+ met laeng binalkutna ni Amasai, ti pannakaulo ti tallopulo: “Kukuanakami, O David, ket makikaduakami kenka,+ O anak ni Jesse. Talna, talna kukuam koma, ket talna iti daydiay tumultulong kenka, Ta ti Diosmo tinulongannaka.”+ Gapuna inawat ida ni David ket insaadna ida kadagiti pannakaulo ti buybuyot.+ 19  Ket adda idi sumagmamano iti Manases a pimmanaw a napan ken David idi isu immay agraman dagiti Filisteo+ a bumusor ken Saul maipaay iti bakal; ngem saanna a tinulongan ida, ta babaen ti pammatigmaan isu pinapanaw dagiti aliado+ nga appo dagiti Filisteo, a kunkunada: “Pumanawto a mapan ken apona a Saul a mangirisgo iti bukodtayo nga ul-ulo.”+ 20  Idi isu dimteng idiay Siclag+ pimmanaw a napan kenkuana manipud iti Manases da Adnah ken Jozabad ken Jediael ken Miguel ken Jozabad ken Eliu ken Zilletai, dagiti pannakaulo+ ti rinibu a kukua ti Manases. 21  Ket, iti biangda, nakatulongda ken David maibusor iti buyot dagiti tulisan,+ agsipud ta nabilegda amin a lallaki+ ti kinamaingel, ket nagbalinda a papanguluen iti buyot; 22  ta iti inaldaw nagtultuloy nga immay+ dagiti tattao ken David tapno isu tulonganda, agingga a dayta ket dakkel+ a pakarso, kas iti pakarso ti Dios.+ 23  Ket dagitoy ti bilbilang dagiti ulo dagidiay nakabalan maipaay iti buyot nga immay ken David idiay Hebron+ tapno iyawatda kenkuana ti kinaari+ ni Saul maitunos iti bilin ni Jehova.+ 24  Ti annak ni Juda nga agaw-awit iti dakkel a kalasag ken iti gayang innem a ribu walo gasutda, nakabalan maipaay iti buyot. 25  Iti annak ni Simeon dagiti nabileg a lallaki ti kinamaingel iti buyot pito ribu sangagasutda. 26  Iti annak dagiti Levita uppat a ribu innem a gasutda. 27  Ket ni Jehoiada isu ti panguluen+ ti annak ni Aaron,+ ket adda tallo ribu pito gasut a naikuyog kenkuana. 28  Kasta met ni Sadok+ a maysa nga agtutubo a lalaki, mannakabalin iti kinamaingel, ken ti balay dagidi ammana, duapulo ket dua a panguluen. 29  Ket iti annak ni Benjamin,+ ti kakabsat ni Saul,+ adda tallo ribu, ket agingga idin siiinget a bambantayan ti ad-adu kadakuada ti balay ni Saul. 30  Ket iti annak ni Efraim adda duapulo a ribu walo gasut, nabileg a lallaki+ ti kinamaingel, agdindinamag a lallaki, sigun iti balay dagidi ammada. 31  Ket iti kagudua a tribu ni Manases+ adda sangapulo ket walo a ribu a naituding a nainaganan nga umay tapno pagbalinenda nga ari ni David. 32  Ket iti annak ni Isacar+ isuda nga addaan pannakaammo no kasano a lasinen ti tiempo+ tapno maammuan no ania ti rebbeng nga aramiden ti Israel,+ adda dua gasut a pannakaulo kadakuada, ket amin ti kakabsatda addada kadagiti panagbilinda. 33  Iti Zabulon+ dagidiay mapan iti buyot, nga aguurnos iti pannakibakal nga addaan kadagiti amin nga igam ti gubat, adda limapulo a ribu, ket iti sangsangkamaysa a panagraragupda ken David saan a siping ti pusoda. 34  Ket iti Neftali+ adda sangaribu a panguluen, ket ti naikuyog kadakuada nga addaan iti dakkel a kalasag ken iti pika adda idi tallopulo ket pito a ribu. 35  Ket kadagiti Danita dagidiay aguurnos iti pannakibakal duapulo ket walo a ribu innem a gasutda. 36  Ket iti Aser+ dagidiay mapan iti buyot maipaay iti panaguurnos iti pannakibakal uppat a pulo a ribuda. 37  Ket manipud ballasiw ti Jordan+ adda sangagasut ket duapulo a ribu kadagiti Rubenita ken kadagiti Gadita ken iti kagudua a tribu ti Manases nga addaan kadagiti amin nga igam ti buyot militar. 38  Amin dagitoy ket lallaki ti gubat, sangsangkamaysa nga agraragup iti linia ti bakal; buyogen ti naan-anay a puso+ immayda idiay Hebron tapno pagbalinenda nga ari ni David iti intero nga Israel; ken kasta met ti isuamin a natedda iti Israel nagmaymaysa ti pusoda iti panamagbalin ken David nga ari.+ 39  Ket nagtalinaedda sadiay a kadua ni David iti tallo nga aldaw, a mangmangan ken umin-inumda,+ ta insaganaan ida ti kakabsatda. 40  Ken kasta met dagidiay asideg kadakuada, agingga iti Isacar+ ken Zabulon+ ken Neftali,+ nangyegda iti taraon a naipaawit kadagiti asno+ ken kadagiti kamelio ken kadagiti mulo ken kadagiti baka, dagiti makan a naaramid iti arina,+ dagiti bibingka ti pinilpil a higos+ ken dagiti bibingka a pasas+ ken arak+ ken lana+ ken bakbaka+ ken karkarnero+ a nakaad-adu unay, ta adda idi panagrag-o+ iti Israel.

Footnotes