Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Cronicas 11:1-47

11  Idi agangay naguummong amin dagiti Israelita+ a sangsangkamaysa ken David idiay Hebron,+ a kunkunada: “Adtoy! Dakami ket tulangmo ken lasagmo.+  Agpadpada idi kalman ken iti napalabas, uray bayat a ni Saul idi ti ari, sika daydiay mangiruruar iti Israel ken mangiserserrek iti dayta;+ ket kinuna kenka ni Jehova a Diosmo, ‘Sika ipastoramto+ ti ilik nga Israel, ket sika agbalinkanto a panguluen+ iti ilik nga Israel.’”  Gapuna amin dagiti lallakay ti Israel immayda iti ari idiay Hebron ket ni David nakipinnatalged kadakuada iti tulag idiay Hebron iti sango ni Jehova; a kalpasan dayta pinulotanda+ ni David kas ari iti Israel, maitunos iti sao ni Jehova+ babaen ken Samuel.+  Idi agangay ni David ken ti intero nga Israel napanda idiay Jerusalem,+ kayatna a sawen, ti Jebus,+ a sadiay dagiti Jebuseo+ ti agnanaed idi iti daga.  Ket dagiti agnanaed iti Jebus rinugianda a kunaen ken David: “Saankanto a sumrek ditoy.”+ Uray pay kasta, innala ni David ti salindeg ti Sion,+ kayatna a sawen, ti Siudad ni David.+  Gapuna kinuna ni David: “Asinoman nga umuna a mangkabil+ kadagiti Jebuseo, agbalinto a pannakaulo ken prinsipe.” Ket ni Joab+ nga anak ni Zeruia ti immuna a simmang-at, ket nagbalin a pannakaulo.  Ket nagnaed ni David iti lugar a narigat nga asitgan.+ Dayta ti makagapu nga inawaganda dayta iti Siudad ni David.+  Ket rinugianna a bangonen ti siudad iti intero nga aglikmut, manipud iti Muntuon uray pay agingga iti paspaset iti aglikmut, ngem ni met laeng Joab biniagna+ ti dadduma iti siudad.  Ket nagtultuloy a dumakkel a dumakkel ni David,+ ta adda kenkuana ni Jehova ti buybuyot.+ 10  Ita dagitoy dagiti pannakaulo ti nabileg+ a lallaki a kukua ni David, a nagtalinaed a sititibker kenkuana iti kinaarina agraman ti intero nga Israel, tapno isu pagbalinenda nga ari maitunos iti sao ni Jehova+ maipapan iti Israel. 11  Ket daytoy ti listaan dagiti nabileg a lallaki a kukua ni David: Jasobeam+ nga anak ni Hacmonita, ti pannakaulo dagiti tallo. Inwaswasawasna ti pikana iti tallo gasut a napapatay iti maymaysa a tiempo.+ 12  Ket sumaruno kenkuana adda ni Eleazar+ nga anak ni Dodo nga Ahohita.+ Maysa idi kadagiti tallo a nabileg a lallaki.+ 13  Isu idi ti kadua ni David idiay Pas-dammim,+ a naguurnongan a sangsangkamaysa dagiti Filisteo maipaay iti gubat. Ita adda idi maysa a benneg ti talon a napno iti sebada, ket dagiti umili, iti biangda, nagtalawda gapu kadagiti Filisteo.+ 14  Ngem isu nagtakder iti tengnga ti benneg ket inispalna dayta, ket kinabkabilna dagiti Filisteo, iti kasta nangisalakan ni Jehova+ buyogen ti naindaklan a panangisalakan.+ 15  Ket tallo kadagiti tallopulo+ a pannakaulo ti simmalog agingga iti bato, agingga ken David idiay rukib ti Adullam,+ bayat a ti maysa a pakarso dagiti Filisteo agpakpakarso idi iti nababa a tanap ti Refaim.+ 16  Ket ni David adda idin iti lugar a narigat nga asitgan;+ ket ti maysa a garison dagiti Filisteo+ adda idin idiay Betlehem. 17  Idi agangay impakita ni David ti panaggartemna ket kinunana: “O makainumak+ koma iti danum manipud iti pagurnongan ti danum ti Betlehem,+ nga adda iti ruangan!” 18  Iti kasta ti tallo simmarakusokda a mapan iti pakarso dagiti Filisteo ket simmakdoda iti danum manipud iti pagurnongan ti danum idiay Betlehem, nga adda iti ruangan, ket immayda a siaawit iti dayta ket inyegda ken David.+ Ket saan nga immannugot ni David a manginum iti dayta, no di ket imbukbokna nga agpaay ken Jehova.+ 19  Ket kinunana: “Narigat a pagarupen iti biangko, no maipapan iti Diosko, nga aramidek daytoy! Rebbeng aya nga inumek ti dara+ dagitoy a lallaki a nangirisgo kadagiti kararuada? Ta inrisgoda dagiti kararuada tapno maiyegda dayta.” Ket saan nga immannugot a manginum iti dayta.+ Dagitoy ti banag nga inaramid ti tallo a nabileg a lallaki. 20  No maipapan ken Abisai+ a kabsat ni Joab,+ isu nagbalin a pannakaulo dagiti tallo; ket inwaswasawasna ti pikana iti tallo gasut a napapatay, ket naaddaan iti pakasarsaritaan a kas kadagiti tallo. 21  Kadagiti tallo isu ad-adda idi a mabigbigbig ngem iti dua a sabali, ket nagbalin a panguluen kadakuada; ket kaskasdi a saan a nakasagpat+ iti umuna a tallo. 22  No maipapan ken Benaias+ nga anak ni Jehoiada,+ ti anak ti maysa a maingel a lalaki, a nagaramid iti adu nga aramid idiay Kabzeel,+ isu kinabilna ti dua nga annak ni Ariel ti Moab; ket isu simmalog ket kinabilna ti maysa a leon+ iti uneg ti bito iti aldaw ti panagtinnag ti niebe. 23  Ket isu ti nangkabil iti lalaki nga Egipcio, maysa a lalaki a nalablabes ti kadakkelna, a lima a kasiko.+ Ket iti ima ti Egipcio adda maysa a pika+ a kas iti pagpulipolan dagiti trabahador iti pagabelan; kaskasdi a simmalog a napan kenkuana nga addaan iti sarukod ket rinabsutna ti pika iti ima ti Egipcio ket pinapatayna babaen iti bukodna a pika.+ 24  Dagitoy a banag inaramid ni Benaias nga anak ni Jehoiada, ket naaddaan iti nagan iti tallo a nabileg a lallaki. 25  Nupay ad-adda idi a mabigbigbig ngem kadagiti tallopulo, kaskasdi a saan a nakasagpat iti saad dagiti umuna a tallo.+ Nupay kasta, insaad ni David a mamangulo iti bukodna a para-guardia.+ 26  No maipapan kadagiti nabileg a lallaki kadagiti puersa militar, adda da Asael+ a kabsat ni Joab, Elhanan+ nga anak ni Dodo ti Betlehem, 27  Sammot+ a Harorita, Helez a Pelonita,+ 28  Ira+ nga anak ni Ikkes a Tecoita, Abi-ezer nga Anatotita,+ 29  Sibbecai+ a Husatita, Ilai nga Ahohita,+ 30  Maharai+ a Netofatita,+ Heled+ nga anak ni Baanah a Netofatita, 31  Itai nga anak ni Ribai+ ti Gabaa+ iti annak ni Benjamin,+ Benaias a Piratonita,+ 32  Hurai manipud kadagiti naapres a ginget ti Gaas,+ Abiel nga Arbatita, 33  Azmavet a Baharumita,+ Eliaba a Saalbonita, 34  ti annak ni Hasem a Gizonita, Jonatan+ nga anak ni Sage a Hararita, 35  Ahiam nga anak ni Sacar+ a Hararita, Elifal+ nga anak ni Ur, 36  Hefer a Mequeratita, Ahias a Pelonita, 37  Hezro a Carmelita,+ Naarai nga anak ni Ezbai, 38  Joel a kabsat ni Natan,+ Mibhar nga anak ni Hagri, 39  Zelec nga Ammonita, Naharai a Berotita, ti agaw-awit iti armas ni Joab nga anak ni Zeruia, 40  Ira nga Itrita, Gareb+ nga Itrita, 41  Urias+ a Heteo,+ Zabad nga anak ni Alai, 42  Adina nga anak ni Siza a Rubenita, maysa a pannakaulo dagiti Rubenita, a kenkuana adda tallopulo; 43  Hanan nga anak ni Maaca, ken Josafat a Mitnita, 44  Uzzia nga Asteratita, Sama ken Jeiel, ti annak ni Hotam nga Aroerita, 45  Jediael nga anak ni Simri, ken Joha a kabsatna a Tizita, 46  Eliel a Mahavita, ken Jeribai ken Josavias nga annak ni Elnaam, ken Itma a Moabita. 47  Da Eliel ken Obed ken Jaasiel a Mezobaita.

Footnotes