Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Cronicas 10:1-14

10  Ket dagiti Filisteo,+ iti biangda, nakigubatda iti Israel; ket nagtalaw dagiti lallaki ti Israel manipud sanguanan dagiti Filisteo ket nagtultuloyda a napasag a napapatay idiay Bantay Gilboa.+  Ket dagiti Filisteo nagtalinaedda a siaasideg ken Saul ken iti annakna; ket dagiti Filisteo pinapatayda ni Jonatan+ ken ni Abinadab+ ken ni Malqui-sua,+ annak ni Saul.+  Ket ti panagrurupak kimmaro maibusor ken Saul; ket iti kamaudiananna isu nasarakan dagidiay mangibibiat iti bai, ket sinugatan dagiti bumibiat.+  Idin kinuna ni Saul iti agaw-awit iti armasna:+ “Asutem ta kampilanmo+ ket salputennak iti dayta, tapno saan koma nga umay dagitoy di nakugit+ a lallaki ket sigurado a pagpalaluandak.”+ Ket saan idi a timmulok ti agaw-awit iti armasna,+ agsipud ta mabuteng iti kasta unay. Gapuna innala ni Saul ti kampilan ket rinugmaanna dayta.+  Idi nakita ti agaw-awit iti armasna a natayen ni Saul, ngarud rinugmaanna met ti kampilan ket natay.+  Iti kasta natay ni Saul ken ti tallo nga annakna,+ ket amin dagiti kameng ti balayna natayda a sangsangkamaysa.  Idi nga amin dagiti lallaki ti Israel nga adda iti nababa a tanap nakitada a nagtalawda ket natayen ni Saul ken ti annakna, ngarud rinugianda a panawan dagiti siudadda ket nagtalawda;+ a kalpasan dayta immay dagiti Filisteo ket nagnaedda kadakuada.  Ket naaramid iti sumaganad nga aldaw nga, idi immay dagiti Filisteo tapno bakasanda+ dagiti napapatay, nasarakanda ni Saul ken ti annakna a napasag idiay Bantay Gilboa.+  Ket isu binakasanda ken inikkatda ti ulona+ ken ti kabalna ket nagbaonda iti daga dagiti Filisteo iti intero nga aglikmut tapno pakaammuan+ dagiti idoloda+ ken dagiti umili. 10  Kamaudiananna inkabilda ti kabalna iti balay ti diosda,+ ket ti bangabangana inlansada iti balay ni Dagon.+ 11  Ket amin dagidiay adda iti Jabes+ idiay Galaad nangngegda ti maipapan iti amin nga inaramid dagiti Filisteo ken Saul.+ 12  Gapuna timmakder ti amin a maingel a lallaki ket innalada ti bangkay ni Saul ken dagiti bangkay ti annakna ket inyegda ida idiay Jabes ket intabonda dagiti tulangda iti sirok ti dakkel a kayo+ idiay Jabes;+ ket nagay-ayunarda+ iti pito nga aldaw. 13  Iti kasta natay ni Saul gapu iti saanna a kinamatalek a babaen iti dayta isu nagtignay nga awanan pammati+ maibusor ken Jehova maipapan iti sao ni Jehova a saanna a sinalimetmetan ken kasta met gapu iti panagkiddawna iti maysa a mannakiuman iti espiritu+ tapno agimtuod. 14  Ket saan a nagimtuod ken Jehova.+ Gapuna isu pinapatayna ket inyawatna ti kinaari ken David nga anak ni Jesse.+

Footnotes