Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Corinto 9:1-27

9  Saanak aya a siwayawaya?+ Saanak aya a maysa nga apostol?+ Diak aya nakita ni Jesus nga Apotayo?+ Saan aya a dakayo ti gapuanak iti Apo?  No saanak nga apostol iti sabsabali, pudno unay nga apostolak kadakayo, ta dakayo ti selio a mamatpatalged+ iti kinaapostolko mainaig iti Apo.  Ti depensak kadagidiay mangusig kaniak isu ti sumaganad:+  Saan kadi nga addaankami iti autoridad a mangan+ ken uminum?  Saan kadi nga addaankami iti autoridad a mangikuyog iti kabsat a babai a kas asawa,+ a kas met ti dadduma nga apostol ken ti kakabsat ti Apo+ ken ni Cefas?+  Wenno ni laeng aya Bernabe+ ken siak ti awanan autoridad a mangliklik iti sekular a trabaho?+  Siasino kadi ti agserbi uray kaano a kas soldado a bukodna ti gastos? Siasino ti agmula iti kaubasan ket di mangan iti bungana?+ Wenno siasino ti mangipastor iti arban ket saan nga agtaraon manipud gatas ti arban?+  Sasawek aya dagitoy a banag babaen kadagiti natauan a pagalagadan?+ Wenno saan aya a sawen met ti Linteg+ dagitoy a banag?  Ta iti linteg ni Moises adda a naisurat: “Dika busalan ti toro no agir-irik iti bukbukel.”+ Dagiti aya toro ti pakaseknan ti Dios? 10  Wenno naan-anay aya a maigapu kadatayo a sawenna dayta? Pudno unay a maigapu kadatayo a naisurat dayta,+ agsipud ta ti tao nga agarado rebbeng nga agarado a siiinanama ket ti tao nga agirik rebbeng nga aramidenna ti kasta a siiinanama nga agbalin a makiranud.+ 11  No nakaimulakami kadakayo iti naespirituan a bambanag,+ dakkel aya a banag no agapitkaminto manipud kadakayo iti bambanag a maipaay iti lasag?+ 12  No dagiti sabali a tattao makiramanda iti daytoy nga autoridad kadakayo,+ saan aya nga ad-adda pay a kastakami? Nupay kasta, saanmi nga inusar daytoy nga autoridad,+ no di ket ib-ibturanmi ti amin a bambanag, tapno saankami a makaipaay iti aniaman a lapped iti naimbag a damag+ maipapan iti Kristo. 13  Dikay aya ammo a dagiti lallaki a mangar-aramid kadagiti sagrado nga annongen manganda+ iti bambanag ti templo, ket dagidiay naynay nga agserserbi+ iti altar adda bingayda iti altar maipaay iti bagbagida? 14  Iti kastoy met a pamay-an, ti Apo imbilinna+ kadagidiay mangiwarwaragawag iti naimbag a damag nga agbiagda babaen ti naimbag a damag.+ 15  Ngem diak inusar ti uray maysa kadagitoy a sagana.+ Kinapudnona, diak insurat dagitoy a banag tapno agbalin koma a kasta iti kasasaadko, ta nasaysayaat a matayak ngem iti—awan ti tao a mamagbalin nga awan mamaayna ti rasonko nga agpasindayag!+ 16  Ita, no idekdeklarak ti naimbag a damag,+ saan a rason dayta tapno agpasindayagak, ta ti panagkasapulan+ naipabaklay kaniak. Pudno unay, asiak+ pay no diak indeklara ti naimbag a damag! 17  No situtulok+ nga aramidek daytoy, adda gunggonak;+ ngem no aramidek dayta a maibusor iti pagayatak, kaskasdi nga addaanak iti kinamayordomo+ a naitalek kaniak. 18  Ania, ngarud, ti gunggonak? Tapno bayat nga idekdeklarak ti naimbag a damag maipaayko nga awan bayadna ti naimbag a damag,+ iti panggep a saanko nga aramaten nga aglablabes ti autoridadko iti naimbag a damag. 19  Ta, nupay siwayawayaak manipud iti isuamin a tattao, pinagbalinko ti bagik nga adipen+ ti isuamin, tapno magun-odko+ ti kaaduan a tattao. 20  Ket ngarud kadagiti Judio nagbalinak a kas maysa a Judio,+ tapno magun-odko dagiti Judio; kadagidiay adda iti sidong ti linteg nagbalinak a kas adda iti sidong ti linteg,+ nupay awanak a mismo iti sidong ti linteg,+ tapno magun-odko dagidiay adda iti sidong ti linteg. 21  Kadagidiay awanan linteg+ nagbalinak a kas awanan linteg,+ nupay saanak nga awanan linteg iti Dios no di ket adda iti sidong ti linteg+ ken Kristo,+ tapno magun-odko dagidiay awanan linteg. 22  Kadagiti nakapuy nagbalinak a nakapuy, tapno magun-odko dagiti nakapuy.+ Nagbalinak nga amin a bambanag iti amin a kita ti tattao,+ tapno iti amin a pamay-an maisalakanko ti sumagmamano. 23  Ngem aramidek ti amin a bambanag maipagapu iti naimbag a damag, tapno agbalinak a manangiranud+ iti dayta iti sabsabali. 24  Dikay aya ammo a dagiti tumataray+ iti lumba agtarayda amin, ngem maysa laeng ti umawat iti gunggona?+ Agtaraykayo+ iti kasta a wagas tapno magun-odanyo dayta.+ 25  Mainayon pay, tunggal tao a makisalsalisal watwatenna ti panagteppel+ iti amin a bambanag. Ita, siempre, aramidenda dayta tapno makagun-odda iti agrupsa a korona,+ ngem datayo maysa a di agrupsa.+ 26  Gapuna, ti wagas a panagtarayko+ di mapagduaduaan; ti wagas a panangiturongko kadagiti danogko saan a kasla panangkabkabil iti angin;+ 27  no di ket disdisnogek ti bagik+ ket ad-adipenek, tapno, kalpasan a nakaskasabaak ti sabsabali, uray kasano siak saanak nga agbalin a di naanamongan.+

Footnotes