Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Corinto 7:1-40

7  Ita no maipapan iti bambanag nga insuratyo, nasayaat a ti maysa a lalaki saanna a sagiden+ ti maysa a babai;  nupay kasta, gapu iti kinasaknap ti pannakiabig,+ tunggal lalaki maaddaan koma iti bukodna nga asawa+ ket tunggal babai maaddaan koma iti bukodna nga asawa.  Ipaay koma ti lalaki iti asawana ti karbenganna;+ ngem ti babai aramidenna met koma ti isu met laeng iti asawana.+  Ti babai saanna a watwaten ti kinaturay iti bukodna a bagi, no di ti asawana;+ kasta met laeng, ti lalaki saanna a watwaten ti kinaturay iti bukodna a bagi, no di ket ti asawana.+  Dikay paidaman ti maysa ken maysa iti dayta,+ malaksid no nagnumuanyo nga agpadpada iti maysa a naituding a tiempo,+ tapno makaipaaykayo iti tiempo iti panagkararag ket makapagdennakayo manen, tapno saannakay nga itultuloy a sulisogen ni Satanas+ gapu iti kaawan ti panangmedmedyo iti bagi.+  Nupay kasta, kunaek daytoy kas panangpalugod,+ saan a kas panagbilin.+  Ngem kayatko nga amin a tattao kaslada koma kaniak a mismo.+ Nupay kasta, tunggal maysa adda bukodna a sagut+ manipud iti Dios, maysa iti kastoy a pamay-an, ti sabali iti kasdiay a pamay-an.  Ita kunaek kadagiti awanan asawa a tattao+ ken kadagiti balo a babbai, naimbag kadakuada nga agtalinaedda a kas met laeng kaniak.+  Ngem no awananda iti panagteppel,+ mangasawada koma, ta nasaysayaat ti mangasawa+ ngem ti sumged iti derrep.+ 10  Kadagiti naasawaan a tattao mangtedak kadagiti pammilin, kaskasdi a saan a siak no di ket ti Apo,+ a ti babai saan a sumina iti asawana;+ 11  ngem no isu agpayso a sumina, agtalinaed koma a di makiasawa wenno no saan makikappia manen iti asawana; ket ti lalaki saanna koma a panawan ti asawana. 12  Ngem kadagiti dadduma kunaek, wen, siak, saan a ti Apo:+ No ti asinoman a kabsat a lalaki addaan iti di mamati nga asawa, ket kaskasdi isu umanamong a makipagnaed kenkuana, saanna koma a panawan; 13  ket ti maysa a babai nga addaan iti di mamati nga asawa, ket kaskasdi isu umanamong a makipagnaed kenkuana, saanna koma a panawan ti asawana a lalaki. 14  Ta ti di mamati a lalaki masantipikar mainaig iti asawana, ket ti di mamati nga asawa a babai masantipikar mainaig iti kabsat; ta no saan a kasta, pudno nga agbalinto a di nadalus ti annakyo,+ ngem ita nasantuanda.+ 15  Ngem no sumina daydiay di mamati,+ bay-an a sumina; ti kabsat a lalaki wenno ti kabsat a babai saan a paadipen iti sidong dagiti kasta a kasasaad, no di ket ti Dios inayabannakayo iti talna.+ 16  Ta, asawa a babai, kasano ti pannakaammom no maisalakanmonto ti asawam?+ Wenno, asawa a lalaki, kasano ti pannakaammom no maisalakanmonto ti asawam?+ 17  Isuna laeng ta, kas iti inted ni Jehova a bingay iti tunggal maysa,+ tunggal maysa magna koma a kas iti panangayab kenkuana ti Dios.+ Ket kasta ti ibilinko+ kadagiti amin a kongregasion. 18  Ti asinoman a tao naayaban aya a nakugit?+ Saan koma nga agbalin a di nakugit. Naayaban aya ti asinoman a tao nga adda iti di pannakakugit?+ Saan koma nga agpakugit.+ 19  Ti pannakakugit+ awan aniaman a kaipapananna, ket ti di pannakakugit+ awan aniaman a kaipapananna, no di ket ti panagtungpal iti bilbilin ti Dios ti adda kaipapananna.+ 20  Iti aniaman a kasasaad a nakaayaban ti tunggal maysa,+ agtalinaed koma iti dayta.+ 21  Naayabanka aya idi maysaka nga adipen? Saannaka koma a pagdanagen dayta;+ ngem no mabalinmo met ti agwayawaya, gammatam ketdi ti gundaway. 22  Ta asinoman nga adda iti Apo a naayaban bayat a maysa nga adipen ket nawayawayaan a tao+ ti Apo; kasta met a ti naayaban bayat a maysa a siwayawaya a tao+ ket adipen+ ni Kristo. 23  Nagatangkayo iti maysa a gatad;+ isardengyo ti agpapaadipen+ kadagiti tattao. 24  Iti aniaman a kasasaad+ a nakaayaban ti tunggal maysa, kakabsat, agtalinaed koma iti dayta a naitimpuyog iti Dios. 25  Ita no maipapan kadagiti birhen awananak iti bilin manipud iti Apo, ngem itedko ti kapanunotak+ kas maysa nga impakitaan ti Apo+ iti asi tapno agmatalek.+ 26  Gapuna pagarupek a naimbag daytoy gapu iti panagkasapulan ditoy nga adda kadatayo, a naimbag iti maysa a lalaki nga agtalinaed a kas iti kasasaadna.+ 27  Naisinggalutka aya iti maysa nga asawa a babai?+ Isardengmo ti agsapul ti pannakailapsut.+ Naluk-atanka aya manipud iti maysa nga asawa a babai? Isardengmo ti agsapul iti asawa. 28  Ngem uray pay no nangasawaka, saanka a makabasol.+ Ket no ti tao a birhen nangasawa, dayta a tao saan a makabasol. Nupay kasta, dagidiay mangasawa addaandanto ti rigat iti lasagda.+ Ngem ilikliklikkayo. 29  Mainayon pay, daytoy kunaek, kakabsat, ti tiempo a nabati ket ababan.+ Manipud ita dagiti lallaki nga addaan assawa agbalinda koma a kasla awanan,+ 30  ken kasta met dagidiay agsangit agbalinda a kas kadagidiay di agsangit, ket dagidiay agrag-o kas kadagidiay di agrag-o, ken dagidiay gumatang kas kadagidiay di agtagtagikua, 31  ket dagidiay mangus-usar iti lubong+ kas kadagidiay di mangus-usar a naan-anay iti dayta; ta ti buya daytoy a lubong agbaliwbaliw.+ 32  Kinapudnona, kayatko a siwayawayakayo iti pakaringgoran.+ Ti awanan asawa a lalaki maringgoran iti bambanag ti Apo, no kasano a magun-odanna ti anamong ti Apo. 33  Ngem ti naasawaan a lalaki maringgoran+ iti bambanag ti lubong, no kasano a magun-odanna ti anamong ti asawana,+ 34  ket isu nabingbingay. Kanayonanna, ti awanan asawa a babai, ken ti birhen, maringgoran iti bambanag ti Apo,+ tapno isu agbalin a nasantuan agpadpada iti bagina ken iti espirituna. Nupay kasta, ti naasawaan a babai maringgoran iti bambanag ti lubong, no kasano a magun-odanna ti anamong ti asawana.+ 35  Ngem sasawek daytoy a maipaay iti kabukbukodanyo a pagsayaatan, saan a tapno mangipakatak iti silo kadakayo, no di ket tapno tignayenkayo iti daydiay mayanatup+ ken iti daydiay kaipapananna ti naynay a panagserbi iti Apo nga awan ti makasinga.+ 36  Ngem no ti asinoman pagarupenna a di umiso ti panagtigtignayna maipaay iti kinabirhenna,+ no dayta ket iti labes ti kinalasbang ti kinaagtutubo, ket kastoy ti rebbeng a pannakaaramidna, aramidenna koma no ania ti kayatna; isu di agbasol. Mangasawada koma.+ 37  Ngem no ti asinoman sititibker a nakaikeddeng iti pusona, nga awan panagkasapulanna, no di ket addaan kinaturay iti bukodna a pagayatan ket inaramidna daytoy a pangngeddeng iti bukodna a puso, a pagtalinaedenna ti bukodna a kinabirhen, naimbagto ti aramidenna.+ 38  Iti kasta daydiay met mangited ti kinabirhenna iti pannakiasawa naimbag ti aramidenna,+ ngem daydiay saan a mangited iti dayta iti pannakiasawa naim-imbagto ti aramidenna.+ 39  Ti asawa a babai naisinggalut bayat ti amin a tiempo a ti asawana sibibiag.+ Ngem no ti asawana maturogto ken patay, isu siwayawaya a makiasawa iti siasinoman a kayatna, isuna laeng ta iti Apo.+ 40  Ngem isu naragragsak no agtalinaed a kas iti kasasaadna,+ sigun iti kapanunotak. Pudno unay a pagarupek nga adda met kaniak ti espiritu ti Dios.+

Footnotes