Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Corinto 6:1-20

6  Ti kadi asinoman kadakayo nga addaan kaso+ maibusor iti sabali maituredna ti mapan iti pangukoman iti saklang dagiti nakillo a tattao,+ ket saan nga iti saklang dagiti sasanto?+  Wenno dikay aya ammo a dagiti sasanto ukomendanto+ ti lubong?+ Ket no ukomenyonto ti lubong, dikay aya maikari a mangusig iti nagbabassit unay+ a bambanag?  Dikay aya ammo a mangukomtayto kadagiti anghel?+ Apay, ngarud, a saan nga iti bambanag iti daytoy a biag?  No, ngarud, addaankayo iti usigen a bambanag iti daytoy a biag,+ dagiti aya lallaki a maum-umsi iti kongregasion ti ikabilyo a kas uk-ukom?+  Agsasaoak tapno tignayenkayo nga agbain.+ Pudno aya nga awan maysa a masirib a tao+ iti tengngayo a makabaelto a mangukom iti nagbabaetan ti kakabsatna,  no di ket ti kabsat mapan iti pangukoman agraman ti kabsat, ket iti saklang pay dagiti di manamati?+  Ngarud, pudno a kaipapananna ti naan-anay a pannakaabakyo ta agdidinnarumkayo+ iti maysa ken maysa. Apay a dikay koma lattan baybay-an a maranggasankayo?+ Apay a dikay koma lattan baybay-an a masaurkayo?+  Iti kasupadina, mangranggas ken mangsaurkayo, ket ti pay met ngarud kakabsatyo.+  Ania! Dikay aya ammo a dagiti nakillo a tattao didanto tawiden ti pagarian ti Dios?+ Dikay payaw-awan. Uray dagiti mannakiabig,+ wenno dagiti managrukbab iti idolo,+ wenno dagiti mannakikamalala,+ wenno dagiti lallaki a maipaay kadagiti di nainkasigudan a panggep,+ wenno dagiti lallaki a makikaidda kadagiti lallaki,+ 10  wenno dagiti mannanakaw, wenno dagiti naagum+ a tattao, wenno dagiti managbarbartek,+ wenno dagiti manangrabngis, wenno dagiti manangkikil didanto tawiden ti pagarian ti Dios.+ 11  Ket kaskasdi a kasta idi ti sumagmamano kadakayo.+ Ngem naugasankayon,+ ngem nasantipikarkayon,+ ngem naideklarakayon a nalinteg+ iti nagan ni Apotayo a Jesu-Kristo+ ken babaen iti espiritu ti Diostayo.+ 12  Amin a bambanag nainkalintegan kaniak; ngem saan nga amin a bambanag makapasayaat.+ Amin a bambanag nainkalintegan+ kaniak; ngem diakto palubosan ti bagik a paiturayan iti aniaman a banag.+ 13  Dagiti taraon maipaayda iti tian, ket ti tian maipaay kadagiti taraon;+ ngem ti Dios pukawennanto dayta ken dagita nga agpadpada.+ Ita ti bagi saan a maipaay iti pannakiabig, no di ket maipaay iti Apo;+ ket ti Apo maipaay iti bagi.+ 14  Ngem ti Dios agpadpada nga imbangonna ti Apo+ ken ibangonnatayto manipud ken patay+ babaen ti pannakabalinna.+ 15  Dikay aya ammo a dagiti bagiyo ket kamkameng+ ni Kristo?+ Alaekto aya, ngarud, ti kamkameng ti Kristo ket pagbalinek ida a kamkameng ti maysa a balangkantis?+ Saan koma a pulos mapasamak dayta! 16  Ania! Dikay aya ammo a ti maitipon iti balangkantis ket maymaysa a bagi? Ta, “Dagiti dua,” kunana, “agbalindanto a maymaysa a lasag.”+ 17  Ngem ti maitipon iti Apo maymaysa+ nga espiritu.+ 18  Adaywanyo ti pannakiabig.+ Tunggal sabali pay a basol a maaramid ti maysa a tao adda iti ruar ti bagina, ngem ti mangyugali iti pannakiabig agbasbasol a maikaniwas iti bukodna a bagi.+ 19  Ania! Dikay aya ammo a ti bagiyo isu ti templo+ ti nasantuan nga espiritu nga adda iti unegyo,+ nga adda kadakayo manipud iti Dios? Kasta met, saanyo a kukua ti bagbagiyo,+ 20  ta nagatangkayo iti maysa a gatad.+ Padayagenyo ngarud ti Dios+ iti bagiyo.+

Footnotes