Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Corinto 4:1-21

4  Ti maysa a tao ibilangnakami koma a kas dagiti sakup+ ni Kristo ken dagiti mayordomo+ ti sagrado a palpalimed+ ti Dios.  Malaksid pay, iti daytoy a kaso, ti sapsapulen kadagiti mayordomo+ ket ti maysa a tao masarakan a matalek.+  Ita maysa a nagbassit unay a banag kaniak a mausigak babaen kadakayo wenno babaen ti natauan a pangukoman.+ Uray siak diak usigen ti bagik.  Ta awan ammok+ nga aniaman a banag maibusor iti bagik. Kaskasdi a babaen iti daytoy saanak a mapaneknekan a nalinteg, no di ket ti mangusig kaniak isu ni Jehova.+  Gapuna dikay ukomen+ ti aniaman a banag sakbay ti naikeddeng a tiempo, agingga nga umay ti Apo,+ nga agpadpada a mangyegto iti lawag+ kadagiti nalimed a banag ti sipnget ken mangiparangarang kadagiti pammatigmaan ti puspuso,+ ket iti kasta tunggal maysa dumtengto kenkuana ti dayawna manipud iti Dios.+  Ita, kakabsat, dagitoy a banag inyallatiwko tapno maipakatko iti bagik ken ni Apolos+ maipaay iti pagimbaganyo, tapno iti kasomi masursuroyo koma ti paglintegan: “Dikay lumbes iti bambanag a naisurat,”+ tapno saankayo koma nga agtangsit+ tunggal maysa a pabor iti maysa maibusor iti sabali.+  Ta siasino ti mamagbalin kenka a naiduma+ iti sabali? Kinapudnona, ania ti adda kenka a dika inawat?+ No, ita, pudno nga inawatmo dayta,+ apay nga agpasindayagka+ a kasla dika inawat dayta?  Napnekankay kadin? Nabaknangkay kadin?+ Nangrugikay kadin nga agturay kas ar-ari+ nga awankami? Ket pudno a kayatko a nangrugikayon nga agturay kas ar-ari, tapno makipagturaykami met kadakayo kas ar-ari.+  Ta pagarupek a ti Dios inkabilnakami nga apostol a maudi a maipabuya+ kas lallaki a naituding iti ipapatay,+ agsipud ta nagbalinkami a bubuyaen iti teatro+ iti lubong, ken kadagiti anghel,+ ken kadagiti tattao.+ 10  Maagkami+ gapu ken Kristo, ngem masiribkayo+ ken Kristo; nakapuykami,+ ngem napigsakayo;+ naimbag ti pakasarsaritaanyo,+ ngem kababainkami.+ 11  Agingga itoy met laeng nga oras agtultuloykami a mabisin+ ken kasta met a mawaw+ ken kurang ti pannakakawesna+ ken makabkabil+ ken awanan pagtaengan+ 12  ken agbannog,+ nga agtartrabahokami babaen iti bukodmi nga im-ima.+ No marabrabngiskami, mangbendisionkami;+ no maidaddadaneskami, agibturkami;+ 13  no mapadpadakeskami, agpakaasikami;+ nagbalinkami a kas basura ti lubong, ti gabsuon a rugit ti amin a bambanag, agingga ita.+ 14  Isursuratko dagitoy a banag, saan a tapno pabainankayo, no di ket tapno bagbagaankayo kas annakko a dungdungnguen.+ 15  Ta uray no maaddaankayo iti sangapulo ribu a manangisuro+ ken Kristo, pudno unay nga awanankayo iti adu nga amma;+ ta ken Kristo Jesus nagbalinak nga amayo babaen ti naimbag a damag.+ 16  Dawatek kadakayo, ngarud, agbalinkayo a tumutulad kaniak.+ 17  Dayta ti makagapu nga ibaonko kadakayo ni Timoteo,+ yantangay isu ti dungdungnguen ken matalek nga anakko+ iti Apo; ket ipalagipnanto kadakayo dagiti pamay-ak mainaig ken Kristo Jesus,+ no kasano a mangisursuroak iti isuamin a lugar iti tunggal kongregasion. 18  Agtangsit ti dadduma+ a kasla iti kinapudnona saanak nga umayen kadakayo. 19  Ngem umayakto kadakayo iti mabiit, no pagayatan ni Jehova,+ ket maammuakto, saan a ti sasao dagidiay agtangsit, no di ket ti pannakabalinda. 20  Ta ti pagarian ti Dios agpannuray saan nga iti sasao, no di ket iti pannakabalin.+ 21  Ania ti kayatyo? Umayakto kadi kadakayo nga addaan pagbaut,+ wenno buyogen ti ayat ken kinaalumamay iti espiritu?+

Footnotes