Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Corinto 15:1-58

15  Ita ipakaammok kadakayo, kakabsat, ti naimbag a damag+ nga indeklarak kadakayo,+ nga inawatyo met, a pagtaktakderanyo met,+  a babaen iti dayta maisalsalakankayo+ met, babaen iti sasao a pinangideklarak kadakayo ti naimbag a damag, no petpetpetanyo a siiirut dayta, malaksid no, iti kinapudnona, nagbalinkayo a manamati nga awanan panggep.+  Ta inyawatko kadakayo, mairaman iti immuna a bambanag, daydiay inawatko met,+ a ni Kristo natay maipaay kadagiti basoltayo sigun iti Kasuratan;+  ket isu naitabon,+ wen, nga isu naibangon+ iti maikatlo nga aldaw+ sigun iti Kasuratan;+  ket nagparang ken Cefas,+ kalpasanna iti sangapulo ket dua.+  Kalpasan dayta nagparang iti nasurok a lima gasut a kakabsat iti maymaysa a gundaway, a ti kaaduan kadakuada addada agingga iti agdama,+ ngem sumagmamano ti naturogen ken patay.  Kalpasan dayta isu nagparang ken Santiago,+ kalpasanna kadagiti amin nga apostol;+  ngem kaudian iti amin nagparang met kaniak+ a kasla iti maysa a nayanak a kurang ti aldawna.  Ta siak ti kanunumuan+ kadagiti apostol, ken saanak a maikari a maawagan apostol, agsipud ta indadanesko+ ti kongregasion ti Dios. 10  Ngem babaen ti di kaikarian a kinamanangngaasi ti Dios+ kastoyakon. Ket ti di kaikarian a kinamanangngaasina kaniak saan a nagbalin nga ubbaw,+ no di ket nagbannogak iti nalablabes ngem kadakuada amin,+ kaskasdi saan a siak no di ket ti di kaikarian a kinamanangngaasi ti Dios nga adda kaniak.+ 11  Nupay kasta, uray no siak wenno isuda, kasta ti ikaskasabami ket kasta ti pinatiyo.+ 12  Ita no ni Kristo maikaskasaba nga isu naibangon manipud kadagiti natay,+ kasano a ti sumagmamano kadakayo kunaenda nga awan ti panagungar dagiti natay?+ 13  Kinapudnona, no awan ti panagungar dagiti natay, uray ni Kristo saan met a naibangon.+ 14  Ngem no ni Kristo saan a naibangon, ti panangaskasabami pudno unay nga ubbaw, ken ti pammatitayo ubbaw.+ 15  Mainayon pay, masarakankami met nga ulbod a saksi ti Dios,+ agsipud ta sinaksianmi+ maibusor iti Dios nga imbangonna ti Kristo,+ ngem saanna nga imbangon no pudpudno a saan a maibangon dagiti natay.+ 16  Ta no saan a maibangon dagiti natay, uray ni Kristo saan met a naibangon. 17  Kanayonanna, no ni Kristo saan a naibangon, awan serserbi ti pammatiyo; addakayo pay laeng iti basbasolyo.+ 18  Iti kinapudnona, met, dagidiay naturog ken patay a naikaykaysa+ ken Kristo napukawda.+ 19  No iti daytoy laeng a biag a nanginanamatayo ken Kristo,+ kadagiti amin a tattao datayo ti nakakaasi unay. 20  Nupay kasta, ita ni Kristo naibangonen manipud kadagiti natay,+ ti umuna a bungbunga+ kadagidiay naturog ken patay.+ 21  Ta yantangay ti ipapatay+ ket gapu iti maysa a tao, ti panagungar+ dagiti natay ket gapu met iti maysa a tao. 22  Ta no kasano a ken Adan matmatay ti amin,+ kasta met nga iti Kristo mapagbiagto ti amin.+ 23  Ngem tunggal maysa iti bukodna a saad: ni Kristo ti umuna a bungbunga,+ kalpasanna dagidiay kukua ti Kristo kabayatan ti kaaddana.+ 24  Sumaganad, ti panungpalan, inton iyawatna ti pagarian iti Dios ken Amana, inton ti isuamin a gobierno ken isuamin nga autoridad ken pannakabalin maiyegnan iti pannakapukaw.+ 25  Ta isu masapul nga agturay kas ari agingga a ti Dios naikabilnan amin dagiti kabusorna iti babaen dagiti sakana.+ 26  Kas ti maudi a kabusor, ni patay mapukawto.+ 27  Ta ti Dios “impasakupna ti amin a bambanag iti baba dagiti sakana.”+ Ngem no kunaenna a ‘naipasakup ti amin a bambanag,’+ nalawag a saanna nga iraman daydiay nangipasakup iti amin a bambanag kenkuana.+ 28  Ngem inton ti amin a bambanag naipasakupen kenkuana,+ iti kasta ti Anak a mismo ipasakupnanto met ti bagina iti Daydiay+ a nangipasakup iti amin a bambanag kenkuana, tapno ti Dios agbalinto nga amin a bambanag iti tunggal maysa.+ 29  Ta no saan a kasta, anianto ti aramiden dagidiay mababautisaran maipaay iti panggep a panagbalin a natnatay?+ No saanto a pulos maibangon dagiti natay,+ apay a mababautisaranda+ met maipaay iti panggep a panagbalin a kasta? 30  Apay nga agpegpeggadtayo met iti tunggal oras?+ 31  Inaldaw a sangsanguek ti ipapatay.+ Pasingkedak daytoy babaen ti panagrag-o+ gapu kadakayo, kakabsat, nga adda kaniak ken Kristo Jesus nga Apotayo. 32  No, kas iti tattao, nakirupakak kadagiti narungsot nga animal idiay Efeso,+ ania ti pagimbaganna kaniak? No saan a maibangon dagiti natay, “mangan ken uminumtayo, ta inton bigat mataytayo.”+ 33  Dikay payaw-awan. Dagiti dakes a pannakitimpuyog dadaelenda dagiti makagunggona nga ugali.+ 34  Agriingkayo a maipaay iti kinamanagparbeng+ iti nalinteg a pamay-an ket dikay iyugali ti panagbasol, ta ti sumagmamano awananda ti pannakaammo iti Dios.+ Agsasaoak tapno tignayenkayo nga agbain.+ 35  Nupay kasta, addanto agkuna: “Kasano ti pannakaibangon dagiti natay? Wen, iti ania a kita ti bagi nga umayda?”+ 36  Sika a di nainkalintegan a tao! Ti imulam di mapagbiag malaksid no umuna pay a matay;+ 37  ket no maipapan iti imulam, imulam, saan a ti bagi a tumaudto, no di ket bukel a lamolamo,+ mabalin nga, iti trigo wenno aniaman kadagiti dadduma pay; 38  ngem ikkan ti Dios iti bagi+ kas iti nakaay-aywanna,+ ket iti tunggal maysa kadagiti bin-i ikkanna iti bukodna a bagi. 39  Saan nga amin a lasag ket agpapada a lasag, no di ket adda maysa iti sangatauan, ken adda sabali a lasag iti an-animal, ken sabali a lasag kadagiti tumatayab, ken sabali iti ikan.+ 40  Ket adda nailangitan a bagbagi,+ ken naindagaan a bagbagi;+ ngem ti dayag+ ti nailangitan a bagbagi maysa a kita, ket ti naindagaan a bagbagi sabali a kita. 41  Ti dayag ti init+ maysa a kita, ket ti dayag ti bulan+ sabali, ket ti dayag dagiti bituen+ sabali; iti kinapudnona, ti bituen naiduma ti dayagna iti sabali a bituen. 42  Gapuna kasta met ti panagungar dagiti natay.+ Maimula iti panagrupsa, maibangon iti di panagrupsa.+ 43  Maimula iti pannakaibabain,+ maibangon iti pannakaipadayag.+ Maimula iti kinakapuy,+ maibangon iti pannakabalin.+ 44  Maimula a pisikal a bagi,+ maibangon a naespirituan a bagi.+ No adda pisikal a bagi, adda met naespirituan. 45  Naisurat pay a kastoy: “Ti umuna a tao a ni Adan nagbalin a kararua a sibibiag.”+ Ti maudi nga Adan nagbalin a mangted-biag+ nga espiritu.+ 46  Nupay kasta, ti umuna ket, saan a daydiay naespirituan, no di ket daydiay pisikal, kalpasanna daydiay naespirituan.+ 47  Ti immuna a tao nagtaud iti daga ken naaramid iti tapok;+ ti maikadua a tao naggapu idiay langit.+ 48  Kas daydiay naaramid iti tapok,+ kasta met ngarud dagidiay naaramid iti tapok; ket kas iti daydiay nailangitan,+ kasta met ngarud dagidiay nailangitan.+ 49  Ket no kasano a naadda kadatayo ti ladawan+ daydiay naaramid iti tapok, maaddanto met kadatayo ti ladawan+ daydiay nailangitan. 50  Nupay kasta, kunaek daytoy, kakabsat, a ti lasag ken dara saanda a mabalin a tawiden ti pagarian ti Dios,+ uray ti panagrupsa saanna a tawiden ti di panagrupsa.+ 51  Adtoy! Ibagak kadakayo ti maysa a sagrado a palimed: Ditayto maturog amin ken patay, no di ket mabaliwantayto amin,+ 52  iti apagkanito, iti panagkirem ti mata, kabayatan ti kamaudianan a trumpeta. Ta aguninto ti trumpeta,+ ket dagiti natay maibangondanto a di agrupsa, ket mabaliwantayto. 53  Ta daytoy nga agrupsa masapul nga agkawes iti di panagrupsa,+ ket daytoy a mortal + masapul nga agkawes iti imortalidad. 54  Ngem inton daytoy nga agrupsa agkawes iti di panagrupsa ket daytoy a mortal agkawes iti imortalidad, iti kasta ti pagsasao maaramidto kas adda a naisurat: “Ni patay+ maalimon iti agnanayon.”+ 55  “Patay, sadino ti ayan ti panagballigim? Patay, sadino ti ayan ti panniludmo?”+ 56  Ti pannilud+ a mangpataud iti ipapatay isu ti basol, ngem ti pannakabalin a maipaay iti basol isu ti Linteg.+ 57  Ngem pagyamanan iti Dios, ta itedna kadatayo ti balligi babaen ken Apotayo a Jesu-Kristo!+ 58  Iti kasta, dungdungnguek a kakabsat, agbalinkayo a natibker,+ di magaraw, a kankanayon nga aduankayo ti aramiden iti trabaho ti Apo,+ nga ammoyo a ti panagbannogyo saan nga ubbaw+ mainaig iti Apo.

Footnotes