Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Corinto 14:1-40

14  Surotenyo ti ayat, kaskasdi itultuloyyo a sapulen a sireregta dagiti naespirituan a sagut,+ ngem nangnangruna tapno mabalinyo ti agipadto.+  Ta ti agsao iti maysa a pagsasao agsao, saan a kadagiti tattao, no di ket iti Dios, ta awan ti agimdeng,+ ngem agsao kadagiti sagrado a palimed+ babaen ti espiritu.  Nupay kasta, ti agipadto mangpabileg+ ken mangparegta ken mangliwliwa kadagiti tattao babaen ti panagsaona.  Ti agsao iti maysa a pagsasao pabilgenna ti bagina, ngem ti agipadto pabilgenna ti kongregasion.  Ita kayatko nga agsaokay amin kadagiti pagsasao,+ ngem kaykayatko nga agipadtokayo.+ Kinapudnona, ti agipadto dakdakkel ngem ti agsao kadagiti pagsasao,+ malaksid no, iti kinapudnona, agipatarus, tapno ti kongregasion umawat iti pannakapabileg.  Ngem iti daytoy a tiempo, kakabsat, no umayak nga agsasao kadakayo kadagiti pagsasao, ania ti maaramidko kadakayo a pagimbagan malaksid no agsaoak kadakayo babaen ti paltiing+ wenno babaen ti pannakaammo+ wenno babaen ti padto wenno babaen ti sursuro?  Kas met laeng itoy, ti awan biagna a bambanag mangpataudda iti uni,+ uray no plauta wenno arpa; malaksid no pagdudumaenna dagiti aweng, kasanonto a maammuan no ania ti matoktokar iti plauta wenno iti arpa?  Ta pudno unay, no ti trumpeta mangpaguni iti di nalawag nga awag, siasinonto ti agsagana a makibakal?+  Iti kasta met laeng a pamay-an, malaksid no babaen ti dila mangyebkaskayo iti sasao a nalaka a maawatan,+ kasanonto a maammuan no ania ti maisasao? Iti kinapudnona, agsasaokayto iti angin.+ 10  Mabalin nga adda adu unay a kita dagiti uni ti panagsao ditoy lubong, ngem nupay kasta awan ti kita nga awan kaipapananna. 11  No, ngarud, diak maawatan ti puersa ti uni ti panagsao, ganggannaetakto+ iti daydiay agsasao, ket daydiay agsasao ganggannaetto kaniak. 12  Kasta met dakayo, yantangay sireregta nga agtarigagaykayo iti sagsagut ti espiritu,+ ikagumaanyo ti umadu kadakuada maipaay iti pannakapabileg ti kongregasion.+ 13  Gapuna daydiay agsao iti maysa a pagsasao ikararagna koma nga isu makaipatarus.+ 14  Ta no agkarkararagak babaen ti maysa a pagsasao, ti sagut ti espiritu kaniak ti agkarkararag,+ ngem ti panunotko di nabunga. 15  Ania ti maaramid, ngarud? Agkararagakto babaen ti sagut ti espiritu, ngem agkararagakto met buyogen ti panunotko. Agkantaakto iti dayaw+ buyogen ti sagut ti espiritu, ngem agkantaakto met iti dayaw buyogen ti panunotko.+ 16  Ta no saan, no mangidatonka iti panagdayaw buyogen ti sagut ti espiritu, kasanonto a ti tao a nagsaad iti tugaw ti kadawyan a tao kunaenna ti “Amen”+ iti panagyamanmo, yantangay saanna nga ammo ti sasawem? 17  Pudno, agyamanka iti nasayaat a wagas, ngem ti sabali a tao saan a mapabpabileg.+ 18  Agyamanak iti Dios, agsaoak iti ad-adu a pagsasao ngem kadakayo amin.+ 19  Nupay kasta, iti maysa a kongregasion kaykayatko ketdi ti agsao iti lima a sao buyogen ti panunotko, tapno maisurok met ti dadduma babaen ti ngiwat, ngem iti sangapulo a ribu a sao babaen ti maysa a pagsasao.+ 20  Kakabsat, dikay agbalin nga ubbing no kadagiti pannakabalin iti pannakaawat,+ no di ket agbalinkayo a maladaga no iti kinadakes;+ ngem agbalinkayo a nataenganen kadagiti pannakabalin ti pannakaawat.+ 21  Iti Linteg adda a naisurat: “‘Babaen kadagiti dila dagiti ganggannaet ken babaen kadagiti bibig dagiti sangsangaili+ agsaoakto iti daytoy nga ili,+ ket uray pay kasta saandakto nga ipangag,’ kuna ni Jehova.”+ 22  Iti kasta dagiti pagsasao agpaayda a pagilasinan,+ saan a kadagiti manamati, no di ket kadagiti di manamati,+ idinto ta ti panagipadto ket, saan nga agpaay kadagiti di manamati, no di ket agpaay kadagiti manamati.+ 23  Gapuna, no ti intero a kongregasion aguurnong iti maysa a lugar ket agsaoda amin kadagiti pagsasao,+ ngem sumrek dagiti kadawyan a tattao wenno dagiti di manamati, saandanto ngata a kunaen nga agmauyongkayo? 24  Ngem no agipadpadtokayo amin ket ti asinoman a di manamati wenno kadawyan a tao sumrek, isu matubngar babaen kadakuada amin,+ mausig a siiinget babaen iti amin; 25  maiparangarang dagiti palimed ti pusona,+ iti kasta iruknoynanto ti rupana ket agdaydayaw iti Dios, nga idekdeklarana: “Ti Dios pudno nga adda iti tengngayo.”+ 26  Ania ti maaramid, ngarud, kakabsat? No aguurnongkayo, ti maysa addaan iti salmo, ti sabali addaan iti sursuro, ti sabali addaan iti paltiing, ti sabali addaan iti pagsasao, ti sabali addaan iti panangipaulog.+ Maaramid koma ti amin a bambanag a maipaay a pakapabilgan.+ 27  Ket no ti asinoman agsao iti maysa a pagsasao, makedngan koma agingga iti dua wenno tallo laeng, ken agsisinnublatda; ket adda koma agipatarus.+ 28  Ngem no awan ti managipatarus, isu agulimek koma iti kongregasion ket agsao iti bagina+ ken iti Dios. 29  Kanayonanna, agsao koma ti dua wenno tallo a mammadto,+ ket ti dadduma lasinenda koma ti kaipapananna.+ 30  Ngem no adda paltiing iti sabali+ bayat a situtugaw sadiay, agulimek koma daydiay immun-una. 31  Ta mabalinyo amin ti agipadto+ a sinaggaysa, tapno makasursuro amin ken maparegta amin.+ 32  Ket dagiti sagut ti espiritu dagiti mammadto iturayan dagiti mammadto. 33  Ta ti Dios ket Dios, saan a ti riribuk,+ no di ket ti talna.+ Kas kadagiti amin a kongregasion dagiti sasanto, 34  dagiti babbai agulimekda+ koma kadagiti kongregasion, ta di maipalubos nga agsaoda, no di ket agpasakupda koma,+ a kas iti kuna ti Linteg.+ 35  Ngarud, no kayatda a sursuruen ti maysa a banag, agsaludsodda koma kadagiti bukodda nga assawa idiay pagtaengan, ta nakababain+ a ti maysa a babai agsao iti kongregasion. 36  Ania? Dakayo aya ti naggapuan ti sao ti Dios,+ wenno agingga laeng aya kadakayo ti dimmanonanna? 37  No ti asinoman pagarupenna nga isu mammadto wenno naisagutan iti espiritu, bigbigenna koma ti bambanag nga isursuratko kadakayo, agsipud ta bilin ida ti Apo.+ 38  Ngem no ti asinoman ket ignorante, isu agtultuloy nga ignorante. 39  Gapuna, kakabsatko, itultuloyyo a sapulen a sireregta ti panagipadto,+ ngem nupay kasta dikay iparit ti panagsao kadagiti pagsasao.+ 40  No di ket ti amin a bambanag maaramid koma a sitatakneng ken sigun iti urnos.+

Footnotes