Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Corinto 10:1-33

10  Ita diak kayat nga ignorantekayo, kakabsat, a dagidi ammatayo addada amin idi iti baba ti ulep+ ket limmasatda amin iti baybay+  ket nabautisaranda amin ken Moises+ babaen iti ulep ken iti baybay;  ket nanganda amin iti isu met laeng a naespirituan a taraon+  ken imminumda amin iti isu met laeng a naespirituan nga inumen.+ Ta immin-inumda manipud iti naespirituan a dakkel a bato+ a simmurot kadakuada, ket dayta a dakkel a bato+ kaipapananna ti Kristo.+  Nupay kasta, iti kaaduan kadakuada saan nga inyebkas ti Dios ti anamongna,+ ta napasagda+ idiay let-ang.  Ita dagitoy a banag nagbalinda a pagulidanantayo, tapno ditay agbalin a tattao nga agtartarigagay iti makadangran a bambanag,+ a kas met ti panangtarigagayda kadakuada.  Dikay met agbalin a managrukbab iti idolo, kas iti inaramid ti sumagmamano kadakuada;+ kas adda a naisurat: “Nagtugaw dagiti umili tapno mangan ken uminumda, ket timmakderda tapno agraragsakda.”+  Ditay met iyugali ti pannakiabig, a kas iti sumagmamano kadakuada a nakiabig,+ tapno laeng mapasag, duapulo ket tallo a ribu kadakuada iti maysa nga aldaw.+  Ditay met suboken ni Jehova,+ kas iti sumagmamano kadakuada a nangsubok+ kenkuana, tapno laeng mapukawda babaen kadagiti serpiente.+ 10  Dikay met agbalin a managtanabutob, a kas iti sumagmamano kadakuada a nagtanabutob,+ tapno laeng mapukawda babaen iti manangdadael.+ 11  Ita dagitoy a banag napagteng kadakuada kas pagulidanan, ket naisuratda a pammakdaar+ kadatayo a nadatngan dagiti panungpalan dagiti sistema ti bambanag.+ 12  Iti kasta ti mangipagarup nga isu sitatakder agannad koma a saan a maikulbo.+ 13  Awan ti sulisog a nangkemmeg kadakayo malaksid iti kadawyan kadagiti tattao.+ Ngem ti Dios matalek,+ ket saannanto nga ipalubos a masulisogkayo iti labes ti kabaelanyo nga itured,+ no di ket maigiddan iti pannakasulisog aramidennanto met ti dalan a pagruaran+ tapno mabalinanyo nga ibturan dayta. 14  Gapuna, dungdungnguek, pagtalawanyo+ ti idolatria.+ 15  Agsaoak a kas iti tattao nga addaan pannakaawat;+ ipatoyo a mismo no ania ti kunaek. 16  Ti kopa+ ti bendision a bendisionantayo, saan aya a pannakiraman dayta iti dara ti Kristo? Ti tinapay a pisientayo,+ saan aya a pannakiraman dayta iti bagi ti Kristo?+ 17  Agsipud ta adda maymaysa a tinapay, datayo, nupay adutayo,+ ket maymaysa a bagi,+ ta makiramramantayo amin iti dayta maymaysa a tinapay.+ 18  Kitaenyo daydiay Israel nga adda iti nainlasagan a pamay-an:+ Saan aya a dagidiay mangan kadagiti sakripisio makiramramanda iti altar?+ 19  Ania, ngarud, ti kunaek? A ti naisakripisio iti idolo adda kapapay-anna, wenno ti idolo adda kapapay-anna?+ 20  Saan; no di ket kunaek a ti bambanag nga isakripisio dagiti nasion isakripisioda kadagiti sairo,+ ket saan nga iti Dios; ket diak kayat nga agbalinkayo a makiramraman kadagiti sairo.+ 21  Dikay mabalin ti uminum iti kopa ni Jehova+ ken iti kopa dagiti sairo; dikay mabalin ti makiraman iti “lamisaan ni Jehova”+ ken iti lamisaan dagiti sairo. 22  Wenno “gargarientayo aya nga agimon ni Jehova”?+ Napigpigsatayo+ aya ngem isu? 23  Amin a bambanag nainkalintegan; ngem saan nga amin a bambanag makapasayaat.+ Amin a bambanag nainkalintegan;+ ngem saan nga amin a bambanag makapabileg.+ 24  Tunggal maysa itultuloyna koma a sapulen, saan a ti bukodna a pagsayaatan,+ no di ket ti pagsayaatan ti sabali a tao.+ 25  Tunggal banag a mailako idiay tiendaan ti karne itultuloyyo a kanen,+ a dikay agim-imtuod maigapu iti konsiensiayo;+ 26  ta “kukua ni Jehova+ ti daga ken ti linaonna.”+ 27  No ti asinoman kadagiti di manamati awisennakayo ket tarigagayanyo ti mapan, kanenyo ti amin a banag a maipasango kadakayo,+ a dikay agim-imtuod maigapu iti konsiensiayo.+ 28  Ngem no ti asinoman kunaenna kadakayo: “Daytoy ket banag a naidaton kas sakripisio,” dikay kanen maigapu iti daydiay nangibutaktak iti dayta ken maigapu iti konsiensia.+ 29  “Konsiensia,” kunak, saan a ti bukodmo, no di ket ti konsiensia ti sabali a tao. Ta apay koma a ti wayawayak ukomen ti konsiensia ti sabali a tao?+ 30  No makiramramanak a buyogen ti panagyaman, apay a mapagsawanak a sibabassawang gapu iti daydiay pagyamanak?+ 31  Gapuna, uray no mangmangan wenno umin-inum wenno agar-aramidkayo iti aniaman pay a banag, aramidenyo ti amin a bambanag a maipaay iti dayag ti Dios.+ 32  Liklikanyo ti agbalin a pakaigapuan ti pannakaitibkol+ kadagiti Judio kasta met kadagiti Griego ken iti kongregasion ti Dios, 33  a kas met ti panangay-ayok iti amin a tattao iti amin a bambanag,+ a diak sapsapulen ti bukodko a pagsayaatan+ no di ket ti pagsayaatan dagiti adu, tapno maisalakanda koma.+

Footnotes