Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Corinto 1:1-31

1  Ni Pablo, naayaban nga agbalin nga apostol+ ni Jesu-Kristo babaen ti pagayatan ti Dios,+ kasta met ni Sostenes+ a kabsattayo  agpaay iti kongregasion ti Dios nga adda idiay Corinto,+ kadakayo a nasantipikar+ a naikaykaysa ken Kristo Jesus, naayaban nga agbalin a sasanto,+ agraman kadagiti amin nga iti isuamin a lugar umaw-awag iti nagan+ ti Apotayo, ni Jesu-Kristo, ti Apoda ken Apotayo:+  Maaddaankay koma iti di kaikarian a kinamanangngaasi+ ken talna+ manipud iti Dios nga Amatayo ken iti Apo a ni Jesu-Kristo.+  Kankanayon nga agyamanak iti Dios maipuon kadakayo gapu iti di kaikarian a kinamanangngaasi+ ti Dios a naited kadakayo ken Kristo Jesus;+  nga iti isuamin a banag napabaknangkayo+ kenkuana, iti naan-anay a pannakabael nga agsao ken iti naan-anay a pannakaammo,+  no kasano a ti pangsaksi maipapan iti Kristo+ napatibker kadakayo,  tapno dikay pulos agkurang iti aniaman a sagut,+ bayat a sigagagar nga ur-urayenyo ti pannakaipalgak+ ni Apotayo a Jesu-Kristo.  Patibkerennakayto+ met agingga iti panungpalan, tapno awan koma ti pammabasol kadakayo+ iti aldaw+ ni Apotayo a Jesu-Kristo.+  Ti Dios matalek,+ babaen kenkuana naayabankayo iti pannakiraman+ iti Anakna a ni Jesu-Kristo nga Apotayo. 10  Ita bagbagaankayo,+ kakabsat, babaen ti nagan+ ni Apotayo a Jesu-Kristo a rebbeng nga agsaokayo amin a sangsangkatunos,+ ket awan koma dagiti panaglalasin+ kadakayo, no di ket naan-anay nga agkaykaysakayo koma iti isu met laeng a panunot ken iti isu met laeng a wagas ti panagpampanunot.+ 11  Ta naibutaktak+ kaniak ti maipapan kadakayo, kakabsatko, babaen kadagiti kameng ti balay ni Cloe, nga adda dagiti di panagtutunos kadakayo. 12  Ti kayatko a sawen isu daytoy, a ti tunggal maysa kadakayo kunana: “Kaduanak ni Pablo,” “Ngem siak kaduanak ni Apolos,”+ “Ngem siak kaduanak ni Cefas,” “Ngem siak kaduanak ni Kristo.” 13  Ti Kristo nabingbingay.+ Nailansa aya ni Pablo maipaay kadakayo? Wenno nabautisarankayo+ aya iti nagan ni Pablo? 14  Agyamyamanak ta awan ti binautisarak kadakayo malaksid kada Crispo+ ken Gayo,+ 15  tapno awan makapagkuna a nabautisarankayo iti naganko. 16  Wen, binautisarak met ti sangakabbalayan ni Estefanas.+ No maipapan kadagiti dadduma, diak ammo no adda pay sabali a binautisarak. 17  Ta ni Kristo imbaonnak,+ saan a tapno mangbautisar, no di ket tapno mangideklara iti naimbag a damag, saan a buyogen iti sirib ti panagsasao,+ tapno ti kayo a pagtutuokan ti Kristo saan koma a mapagbalin nga awan serserbina. 18  Ta ti panagsasao maipapan iti kayo a pagtutuokan ket kinamaag+ kadagidiay mapukaw,+ ngem kadatayo a maisalsalakan+ isu dayta ti pannakabalin ti Dios.+ 19  Ta adda a naisurat: “Pukawekto ti sirib dagiti nasaririt a tattao,+ ket ti laing dagiti nalalaing+ a tattao paidekto.”+ 20  Sadino ti ayan ti masirib a tao? Sadino ti ayan ti eskriba?+ Sadino ti ayan ti mannakidebate+ iti daytoy a sistema ti bambanag?+ Saan aya a ti Dios pinagbalinna a kinamaag ti sirib ti lubong?+ 21  Ta yantangay, iti sirib ti Dios, ti lubong babaen ti siribna+ saanna a naammuan ti Dios,+ nakita ti Dios a nasayaat a babaen ti kinamaag+ ti naikaskasaba isalakanna dagidiay mamati. 22  Ta agpadpada a dagiti Judio dumawatda kadagiti pagilasinan+ ken dagiti Griego agsapulda iti sirib;+ 23  ngem ikasabatayo a nailansa ni Kristo,+ kadagiti Judio maysa a pakaigapuan ti pannakaitibkol+ ngem kadagiti nasion kinamaag;+ 24  nupay kasta, kadagidiay naayaban, agpadpada dagiti Judio ken Griego, ni Kristo ti pannakabalin+ ti Dios ken ti sirib+ ti Dios. 25  Agsipud ta ti minamaag a banag ti Dios nasirsirib ngem iti tattao, ket ti nakapuy a banag ti Dios napigpigsa ngem iti tattao.+ 26  Ta makitayo ti panangayabna kadakayo, kakabsat, a saan nga adu a mamasirib+ iti nainlasagan a pamay-an ti naayaban,+ saan nga adu a mannakabalin,+ saan nga adu a natan-ok pannakayanakna; 27  no di ket ti Dios pinilina ti minamaag a bambanag ti lubong,+ tapno maibabainna dagiti masirib a tattao; ket ti Dios pinilina ti nakapuy a bambanag ti lubong, tapno maibabainna ti napigsa a bambanag;+ 28  ket ti Dios pinilina ti awan mamaayna a bambanag ti lubong ken ti bambanag a maum-umsi, ti bambanag nga awan,+ tapno pukawenna+ ti bambanag nga adda, 29  tapno iti kasta awan ti lasag a makapagpasindayag+ iti imatang ti Dios. 30  Ngem gapu kenkuana a naikaykaysakayo ken Kristo Jesus, a nagbalin kadatayo a sirib+ manipud iti Dios, kinalinteg+ met ken pannakasantipikar+ ken pannakaluk-at babaen ti subbot;+ 31  tapno agbalin a kas iti adda a naisurat: “Ti agpasindayag, agpasindayag koma mainaig ken Jehova.”+

Footnotes