Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 8:1-66

8  Iti dayta a tiempo inummong+ ni Solomon+ dagiti lallakay+ ti Israel, dagiti amin a pannakaulo dagiti tribu,+ ti papanguluen dagiti amma,+ ti annak ti Israel, ken Ari Solomon idiay Jerusalem, tapno isang-atda ti lakasa ti tulag+ ni Jehova manipud iti Siudad ni David,+ kayatna a sawen, iti Sion.+  Gapuna amin dagiti lallaki ti Israel naguummongda ken Ari Solomon iti lunar a bulan ti Etanim iti piesta,+ awan sabali, iti maikapito a bulan.+  Iti kasta dimteng dagiti amin a lallakay ti Israel, ket rinugian ti papadi nga awiten+ ti Lakasa.+  Ket immayda a mangisangsang-at iti lakasa ni Jehova ken iti tolda+ ti gimong+ ken kadagiti amin a nasantuan nga aruaten nga adda iti tolda; ket immay a mangisangsang-at+ kadagita ti papadi ken dagiti Levita.+  Ket ni Ari Solomon ken kaduana ti intero a gimong ti Israel, dagidiay mangsalsalimetmet iti tulaganda a pannakisinnarak kenkuana, addada iti sanguanan ti Lakasa, nga agisaksakripisioda+ iti karkarnero ken bakbaka a saan a mabilang wenno madagup gapu iti kinaaduda.+  Kalpasanna ti papadi inserrekda ti lakasa+ ti tulag ni Jehova iti lugarna,+ iti kaunggan a siled ti balay, iti Kasasantuan, iti baba ti paypayak dagiti kerubin.+  Ta inukrad dagiti kerubin ti paypayakda iti ngatuen ti lugar ti Lakasa, iti kasta pinagtalinaed dagiti kerubin a ti Lakasa ken dagiti assiwna nalingedan manipud ngato.+  Ngem atiddog idi dagiti assiw,+ iti kasta dagiti murdong dagiti assiw makitkita idi manipud Nasantuan iti sango ti kaunggan a siled, ngem saan ida a makitkita iti ruar. Ket nagtalinaedda sadiay agingga itoy nga aldaw.+  Awan idi ti aniaman a banag iti Lakasa no di ti dua a tapi ti bato+ nga indulin sadiay ni Moises+ idiay Horeb, idi nakitulag ni Jehova+ iti annak ti Israel bayat a rumrummuarda manipud daga ti Egipto.+ 10  Ket naaramid nga idi rimmuar ti papadi manipud nasantuan a disso, ti met laeng ulep+ pinunnona ti balay ni Jehova. 11  Ket saan a nabaelan ti papadi+ ti agtakder a mangaramid iti panagserbida+ gapu iti ulep, ta ti dayag+ ni Jehova pinunnona ti balay ni Jehova.+ 12  Iti dayta a tiempo kinuna ni Solomon: “Kinuna a mismo ni Jehova nga isu agtaeng iti napuskol a daguyemyem.+ 13  Sibaballigi nga imbangonanka iti balay a natan-ok a pagyanan,+ maysa a naipasdek a disso+ a pagnaedam agingga iti tiempo a di nakedngan.”+ 14  Kalpasanna ti ari insangona ti rupana ket rinugianna a bendisionan+ ti intero a kongregasion ti Israel, bayat a sitatakder idi ti intero a kongregasion ti Israel. 15  Ket kinunana: “Bendito ni Jehova+ a Dios ti Israel, a babaen iti bukodna a ngiwat nagsao ken David+ nga amak ken babaen iti bukodna nga ima nangipaay iti kaitungpalan,+ a kunkunana, 16  ‘Manipud iti aldaw nga inruarko ti ilik nga Israel manipud Egipto saanak a nangpili+ iti siudad manipud kadagiti amin a tribu ti Israel a mangibangon iti balay+ tapno sadiay nga agtalinaed ti naganko;+ ngem piliekto ni David tapno mamangulo iti ilik nga Israel.’+ 17  Ket asideg idi iti puso ni David nga amak ti panangibangon iti balay a maipaay iti nagan ni Jehova a Dios ti Israel.+ 18  Ngem ni Jehova kinunana ken David nga amak, ‘Iti rason nga asideg idi iti pusom ti panangibangon iti balay a maipaay iti naganko, naimbag ti inaramidmo, agsipud ta asideg idi iti pusom.+ 19  Isuna laeng ta saanto a sika ti mangibangon iti balay, no di ket ti anakmo nga aggapu kadagiti lomom isu ti mangibangonto iti balay a maipaay iti naganko.’+ 20  Ket intungpal ni Jehova ti saona+ a sinaona, tapno tumakderak iti saad ni David nga amak ket agtugawak iti trono ti Israel,+ kas iti sinao ni Jehova, ken tapno maibangonko ti balay a maipaay iti nagan ni Jehova a Dios ti Israel,+ 21  ken tapno mangsapulak sadiay iti lugar a maipaay iti Lakasa nga ayan ti tulag+ ni Jehova a pinatalgedanna kadagidi ammatayo idi inruarna ida manipud daga ti Egipto.” 22  Ket nangrugi a nagtakder ni Solomon iti sango ti altar+ ni Jehova iti sanguanan ti intero a kongregasion ti Israel, ket inukradna ita dagiti dakulapna a maiturong iti langlangit;+ 23  ket kinunana: “O Jehova a Dios ti Israel,+ awan ti Dios a kas kenka+ iti langlangit sadi ngato wenno iti daga ditoy baba, a mangsalsalimetmet iti tulag ken iti naayat a kinamanangngaasi+ kadagiti adipenmo+ a magmagna iti imatangmo buyogen ti isuamin a pusoda,+ 24  sika a nangsalimetmet maipaay ken adipenmo a David nga amak iti daydiay inkarim kenkuana, iti kasta inaramidmo ti kari babaen iti bukodmo a ngiwat, ken babaen iti bukodmo nga ima inaramidmo ti kaitungpalan, kas itoy nga aldaw.+ 25  Ket ita, O Jehova a Dios ti Israel, salimetmetam maipaay ken adipenmo a David nga amak daydiay inkarim kenkuana, a kinunam, ‘Awanto ti magessat a lalaki kenka manipud sanguanak nga agtugaw iti trono ti Israel,+ no la ket annadanto ti annakmo ti dalanda babaen ti pannagnada iti imatangko a kas iti pannagnam iti imatangko.’ 26  Ket ita, O Dios ti Israel, mapaneknekan koma a mapagpiaran ti karim+ nga inkarim ken adipenmo a David nga amak, pangngaasim. 27  “Ngem pudpudno kadi nga agnaedto ti Dios iti rabaw ti daga?+ Adtoy! Ti langlangit,+ wen, ti langit ti langlangit,+ saandaka a malaon;+ anian nga ad-adda pay, ngarud, daytoy balay+ nga imbangonko! 28  Ket bumaw-ingkanto a sumango iti kararag+ ti adipenmo ken iti panagkiddawna iti parabur,+ O Jehova a Diosko, tapno imdengam ti agpakpakaasi nga ikkis ken ti kararag nga ikarkararag ti adipenmo iti sanguanam ita nga aldaw;+ 29  tapno silulukat koma dagita matam+ a naiturong iti daytoy a balay iti rabii ken aldaw, a naiturong iti lugar a nagkunaam, ‘Ti naganko maaddanto sadiay,’+ tapno imdengam ti kararag nga ikararag ti adipenmo a sisasango iti daytoy a lugar.+ 30  Ket imdengamto ti panagkiddaw iti parabur+ iti biang ti adipenmo ken ti ilim nga Israel nga ikararagda a sisasango iti daytoy a lugar; ket sika denggem koma iti disso a pagnanaedam, iti langlangit,+ ket denggemto ken pakawanem.+ 31  “No ti maysa a tao agbasol a maikaniwas iti padana a tao,+ ket pudno a mangipataw kenkuana iti lunod tapno panungsungbatenna iti lunod,+ ket iti kaaddana iti lunod isu pudno nga umay iti sanguanan ti altarmo iti daytoy a balay, 32  no kasta sika denggem koma manipud langlangit, ket agtignaykanto ket ukomem dagiti adipenmo babaen ti panangibatadmo a nadangkes daydiay nadangkes babaen ti panangikabilmo ti dalanna iti rabaw ti bukodna nga ulo,+ ken babaen ti panangibatadmo a nalinteg daydiay nalinteg+ babaen ti panangitedmo kenkuana ti maitunos iti bukodna a kinalinteg.+ 33  “No ti ilim nga Israel maabak iti sanguanan ti kabusor,+ agsipud ta nagtultuloyda a nagbasol a maikaniwas kenka,+ ket pudno nga agsublida kenka+ ket idayawda ti naganmo+ ket agkararagda+ ken agkiddawda iti parabur a sumango kenka iti daytoy a balay,+ 34  no kasta sika denggem koma manipud langlangit, ket pakawanemto ti basol ti ilim nga Israel+ ket isublimto ida+ iti daga nga intedmo kadagidi ammada.+ 35  “No ti langit marikpan iti kasta awan dumteng a tudo,+ agsipud ta nagtultuloyda a nagbasol+ a maikaniwas kenka, ket pudno nga agkararagda a sumango iti daytoy a lugar+ ket idayawda ti naganmo, ket tumallikudda iti basolda, agsipud ta intultuloymo a pinarigat ida,+ 36  no kasta sika denggem koma manipud langlangit, ket pakawanemto ti basol dagiti adipenmo, ti mismo nga ilim nga Israel, agsipud ta isurom+ kadakuada ti naimbag a dalan a rebbeng a pagnaanda;+ ket mangipaaykanto iti tudo+ iti rabaw ti dagam nga intedmo iti ilim kas pagtatawidan a sanikua. 37  “No kas pagarigan ti nakaro a bisin+ dumteng iti daga, no kas pagarigan dumteng ti angol,+ no kas pagarigan dumteng ti pannakakset, buot,+ dagiti dudon,+ dagiti ipes;+ no kas pagarigan ti kabusorda lakubenna ida iti daga dagiti ruanganda—aniaman a kita ti saplit, aniaman a kita ti sakit— 38  uray ania a kararag,+ uray ania a panagkiddaw iti parabur+ ti maaramid iti biang ti asinoman a tao wenno ti intero nga ilim nga Israel,+ agsipud ta ammoda tunggal maysa ti saplit ti bukodna a puso,+ ket pudno nga ukradenda dagiti dakulapda a maiturong iti daytoy a balay,+ 39  no kasta sika denggem koma manipud langlangit,+ ti naipasdek a disso a pagnanaedam,+ ket mamakawankanto+ ket agtignayka+ ket itdem iti tunggal maysa ti maitunos iti amin a daldalanna,+ agsipud ta ammom ti pusona+ (ta sika laeng ti makaammo unay iti puso ti amin nga annak ti sangatauan);+ 40  iti panggep nga agbutengda+ koma kenka iti amin nga al-aldaw a sibibiagda iti rabaw ti daga nga intedmo kadagidi ammami.+ 41  “Ken kasta met iti ganggannaet,+ a saan a paset ti ilim nga Israel ken pudno nga umay manipud adayo a daga gapu iti naganmo+ 42  (ta mangngegdanto ti maipapan iti naindaklan a naganmo+ ken ti maipapan iti napigsa nga imam+ ken ti maipapan iti siuunnat a takiagmo), ket isu pudno nga umay ket agkararag a sisasango iti daytoy a balay,+ 43  sika umimdengka koma manipud langlangit, ti naipasdek a disso a pagnanaedam,+ ket aramidemto ti maitunos iti isuamin nga umawagan kenka ti ganggannaet;+ tapno amin dagiti ili ti daga maammuanda ti naganmo+ tapno agbutengda kenka a kas met laeng ti panagbuteng ti ilim nga Israel, ken tapno maammuanda a ti mismo a naganmo nayawag iti daytoy a balay nga imbangonko.+ 44  “No kas pagarigan ti ilim mapan iti gubat+ maibusor iti kabusorda iti dalan a pangibaonam kadakuada,+ ket pudno nga agkararagda+ ken Jehova iti turong ti siudad a pinilim+ ken ti balay nga imbangonko a maipaay iti naganmo,+ 45  ti kararagda ken ti panagkiddawda iti parabur denggemto met manipud langlangit, ket ipakatmonto ti panangukom gapu kadakuada.+ 46  “No kas pagarigan agbasolda a maikaniwas kenka+ (ta awan ti tao a saan nga agbasol),+ ket kasapulan nga agpungtotka unay kadakuada ket baybay-am ida iti kabusor, ket dagiti manangkautiboda pudno nga ipanda ida a kautibo iti daga ti kabusor iti adayo wenno iti asideg;+ 47  ket pudno a makapagpampanunotda iti daga a nakaipananda a kautibo,+ ket pudno nga agsublida+ ken agkiddawda+ kenka iti parabur iti daga dagiti manangkautiboda,+ a kunkunada, ‘Nagbasol+ ken nagbiddutkami,+ nagtignaykami a sidadangkes’;+ 48  ket pudno nga agsublida kenka buyogen ti isuamin a pusoda+ ken buyogen ti isuamin a kararuada iti daga dagiti kabusorda a nangipanaw kadakuada a kautibo, ket pudno nga agkararagda kenka iti turong ti dagada nga intedmo kadagidi ammada, ti siudad a pinilim ken ti balay nga imbangonko a maipaay iti naganmo;+ 49  denggemto met manipud langlangit, ti naipasdek a disso a pagnanaedam,+ ti kararagda ken ti panagkiddawda iti parabur, ket ipakatmonto ti panangukom gapu kadakuada,+ 50  ket pakawanemto+ ti ilim a nagbasol+ a maikaniwas kenka ken amin a salungasingda+ a babaen kadagita nagsalungasingda a maikaniwas kenka;+ ket pagbalinemto ida a makaasian+ iti sanguanan dagiti manangkautiboda ket kaasiandanto ida 51  (ta isuda ti ilim ken tawidmo,+ nga inruarmo manipud Egipto,+ manipud uneg ti urno a landok),+ 52  tapno silulukat koma dagiti matam iti panagkiddaw ti adipenmo iti parabur ken iti panagkiddaw ti ilim nga Israel iti parabur,+ babaen ti panangimdengmo kadakuada iti isuamin nga umawaganda kenka.+ 53  Ta sika inlasinmo ida kas tawidmo manipud kadagiti amin nga ili ti daga,+ kas iti sinaom babaen ken Moises+ nga adipenmo idi iruruarmo dagidi ammami manipud Egipto, O Soberano nga Apo Jehova.” 54  Ket naaramid nga, apaman a nalpas ni Solomon a nagkararag ken Jehova buyogen ti isuamin daytoy a kararag ken panagkiddaw iti parabur, timmakder manipud sanguanan ti altar ni Jehova, manipud panagparintumengna+ a dagiti dakulapna siuukrad a naiturong iti langlangit;+ 55  ket rinugianna ti agtakder+ ken mangbendision+ iti intero a kongregasion ti Israel buyogen ti natbag a timek, a kunkunana: 56  “Bendito koma ni Jehova,+ a nangipaay iti lugar a paginanaan iti ilina nga Israel maitunos iti amin nga inkarina.+ Awan ti napaay a maysa a sao+ iti isuamin a naimbag a karina nga inkarina babaen ken Moises nga adipenna.+ 57  Ni Jehova a Diostayo adda koma kadatayo+ no kasano nga adda idi kadagidi ammatayo.+ Saannatay koma a panawan wenno baybay-an,+ 58  tapno pagannayasen kenkuana ti pusotayo+ a magna iti amin a daldalanna+ ken mangsalimetmet kadagiti bilinna+ ken kadagiti alagadenna+ ken kadagiti hudisial a pangngeddengna,+ nga intedna kas bilin kadagidi ammatayo. 59  Ket dagitoy a sasaok a pinangkiddawko iti parabur iti saklang ni Jehova asideg+ koma ken Jehova a Diostayo iti aldaw ken rabii, tapno maipakatna ti panangukom gapu iti adipenna ken panangukom gapu iti ilina nga Israel kas maikalikagum iti inaldaw;+ 60  iti panggep nga amin dagiti ili ti daga maammuanda+ a ni Jehova ti pudno a Dios.+ Awanen ti sabali.+ 61  Ket ti pusoyo masapul nga agbalin a naan-anay+ ken Jehova a Diostayo babaen ti pannagnayo kadagiti alagadenna ken babaen ti panangsalimetmetyo kadagiti bilinna a kas itoy nga aldaw.” 62  Ket ti ari ken ti intero nga Israel a naikuyog kenkuana agidatdatonda idi iti naindaklan a sakripisio iti sanguanan ni Jehova.+ 63  Ket indaton ni Solomon dagiti sakripisio a pakikaykaysa+ a masapul nga idatonna ken Jehova, duapulo ket dua a ribu a baka ken sangagasut ket duapulo a ribu a karnero,+ tapno ti ari ken ti amin nga annak ti Israel mainaguraranda+ ti balay ni Jehova. 64  Iti dayta nga aldaw masapul a ti ari santipikarenna ti tengnga ti paraangan nga adda iti sanguanan ti balay ni Jehova,+ agsipud ta sadiay masapul nga idatagna ti mapuoran a sakripisio ken ti daton a bukbukel ken ti taba a paspaset ti sakripisio a pakikaykaysa; ta ti altar a gambang+ nga adda iti sanguanan ni Jehova bassit unay a manglaon iti mapuoran a sakripisio ken ti daton a bukbukel ken ti taba+ a paspaset dagiti sakripisio a pakikaykaysa. 65  Ket rinambakan ni Solomon ti piesta iti dayta a tiempo,+ ken ti intero nga Israel a naikuyog kenkuana, maysa a dakkel a kongregasion+ manipud seserkan ti Hamat+ agingga idiay naapres a ginget ti Egipto,+ iti sanguanan ni Jehova a Diostayo iti pito nga aldaw ken sabali pay a pito nga aldaw,+ sangapulo ket uppat nga aldaw. 66  Iti maikawalo nga aldaw pinagawidna dagiti umili;+ ket nangrugida a mangbendision iti ari ken mapan kadagiti pagtaenganda, nga agragrag-oda+ ken maragragsakan ti pusoda+ gapu iti isuamin a kinaimbag+ nga inaramid ni Jehova maipaay ken David nga adipenna ken maipaay iti Israel nga ilina.

Footnotes