Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 6:1-38

6  Ket naaramid iti maikapat a gasut ket walopulo a tawen kalpasan a rimmuar ti annak ti Israel manipud daga ti Egipto,+ iti maikapat a tawen,+ iti bulan ti Ziv,+ awan sabali, iti maikadua a bulan,+ kalpasan a ni Solomon nagbalin nga ari iti Israel, nga imbangonna ti balay a maipaay ken Jehova.+  Ket ti balay nga imbangon ni Ari Solomon+ a maipaay ken Jehova innem a pulo a kasiko+ ti kaatiddogna, ken duapulo ti kaakabana, ken tallopulo a kasiko ti kangatona.+  Ket ti beranda+ iti sango ti templo ti balay duapulo a kasiko ti kaatiddogna, iti sango ti nagakabaan ti balay. Sangapulo a kasiko idi ti kaunegna dayta, iti sango ti balay.  Ket maipaay iti balay isu nangaramid kadagiti tawa nga agpaakikid dagiti baskagda.+  Kanayonanna, iti umampir iti diding ti balay isu nangibangon iti maysa a patakder iti sidiran iti intero nga aglikmut, nga umampir kadagiti diding ti balay iti intero nga aglikmut ti templo ken iti kaunggan a siled,+ ket nangaramid kadagiti siled iti sidiran+ iti intero nga aglikmut.  Ti kababaan a siled iti sidiran lima a kasiko ti kaakabana, ket daydiay makintengnga innem a kasiko ti kaakabana, ket daydiay maikatlo pito a kasiko ti kaakabana; ta adda dagiti panagkissay iti rukod+ nga inaramidna iti balay iti intero nga aglikmut iti ruar, tapno saan a kumpet kadagiti diding ti balay.+  No maipapan iti balay, bayat a maibangbangon, naibangon iti nakungkongan a bato+ a naaramiden; ket no maipapan kadagiti martilio ken waswasay wenno aniaman a rimrimienta a landok, saan ida a nangngegan iti balay+ bayat a maibangbangon dayta.  Ti pagserkan+ iti kababaan a siled iti sidiran adda iti makannawan a sikigan ti balay, ket babaen ti agrikusrikus nga agdan agpangatoda agingga iti daydiay makintengnga, ken manipud iti daydiay makintengnga agingga iti daydiay maikatlo.  Kanayonanna, intuloyna nga imbangon ti balay tapno malpasna dayta,+ ket ti balay inakkubanna kadagiti awanan ken kadagiti intar a sedro a kayo.+ 10  Mainayon pay, imbangonna dagiti siled iti sidiran+ nga umampir iti intero a balay lima a kasiko ti kangatoda, ket naikapetda iti balay babaen ti kaykayo+ dagiti sedro. 11  Kabayatanna, ti sao ni Jehova dimteng ken Solomon,+ a kunkunana:+ 12  “No maipapan itoy a balay nga ibangbangonmo, no magnakanto kadagiti paglintegak+ ket aramidem dagiti hudisial a pangngeddengko+ ket pudno a salimetmetam dagiti amin a bilinko babaen ti pannagnam kadakuada,+ sigurado nga itungpalkonto met ti saok kenka a sinaok ken David nga amam;+ 13  ket pudno nga agtaengakto iti tengnga ti annak ti Israel,+ ket saankonto a panawan ti ilik nga Israel.”+ 14  Ket intuloy ni Solomon nga imbangon ti balay tapno malpasna dayta.+ 15  Ket binangonna dagiti diding ti balay iti uneg dayta kadagiti tabla a sedro. Manipud suelo ti balay agingga kadagiti pasanggir ti bobida kinalupkopanna dayta iti kayo iti uneg; ket kinalupkopanna ti suelo ti balay kadagiti tabla a parwa.+ 16  Kanayonanna, kadagiti makinlikud a sikigan ti balay nangbangon iti duapulo a kasiko kadagiti tabla a sedro, manipud suelo agingga kadagiti pasanggir, ket nangibangon maipaay iti dayta iti uneg ti kaunggan+ a siled, ti Kasasantuan.+ 17  Ket uppat a pulo a kasiko idi ti balay, awan sabali, ti templo+ iti sangona.+ 18  Ket ti sedro a kayo iti balay iti uneg addaan kitkitikit a sinantabungaw+ nga ar-arkos ken ar-arkos a balangat a sabsabong.+ Amin dayta ket sedro a kayo; awan ti bato a makita. 19  Ket ti kaunggan+ a siled iti laem ti balay insaganana iti uneg, tapno ikabil sadiay ti lakasa+ ti tulag+ ni Jehova. 20  Ket ti kaunggan a siled duapulo a kasiko ti kaatiddogna, ken duapulo a kasiko ti kaakabana,+ ken duapulo a kasiko ti kangatona; ket kinalupkopanna dayta iti puro a balitok,+ ket kinalupkopanna ti altar+ iti sedro a kayo. 21  Ket ni Solomon kinalupkopanna+ ti uneg ti balay iti puro a balitok,+ ket nangibanteng iti kinawar+ a balitok iti sango ti kaunggan a siled,+ ket kinalupkopanna dayta iti balitok. 22  Ket ti sibubukel a balay kinalupkopanna iti balitok,+ agingga a nalpas ti intero a balay; ket ti intero nga altar+ a tumurong iti kaunggan a siled kinalupkopanna iti balitok.+ 23  Kanayonanna, nangaramid idiay kaunggan a siled iti dua a kerubin+ a tabla ti kayo-ti-lana, sangapulo a kasiko ti katayag ti tunggal maysa.+ 24  Ket lima a kasiko ti maysa a payak ti kerubin, ken lima a kasiko ti sabali a payak ti kerubin. Sangapulo a kasiko dayta manipud murdong ti payakna agingga iti murdong ti payakna.+ 25  Ket ti maikadua a kerubin sangapulo a kasiko. Ti dua a kerubin addaanda iti agpada a rukod ken agpada a sukog. 26  Ti katayag ti maysa a kerubin sangapulo a kasiko, ken kasta met ti sabali a kerubin. 27  Kalpasanna inkabilna dagiti kerubin iti uneg ti makin-uneg a balay, iti kasta inukradda ti paypayak dagiti kerubin.+ Gapuna ti payak ti maysa dimmanon agingga iti diding ket ti payak ti sabali a kerubin dumanon idi agingga iti sabali a diding; ket dagiti payakda tumurong iti tengnga ti balay, nga agsinnabet ti payak ken payak.+ 28  Mainayon pay, kinalupkopanna dagiti kerubin iti balitok.+ 29  Ket amin dagiti diding ti balay iti aglikmut kinitikitanna kadagiti nayukrit a kitikit dagiti kerubin+ ken ladladawan ti kayo a palma+ ken uk-ukrit a sabsabong,+ iti uneg ken iti ruar; 30  ket ti suelo+ ti balay kinalupkopanna iti balitok, iti uneg ken iti ruar. 31  Ket ti pagserkan iti kaunggan a siled inyaramidanna kadagiti ridaw+ a tabla ti kayo-ti-lana:+ dagiti makin-igid nga adigi, dagiti bautek ken maysa nga apagkalima. 32  Ket ti dua a ridaw naaramidda iti tabla ti kayo-ti-lana, ket nangikitikit iti rabawda kadagiti kitikit a kerkerubin ken ladladawan ti kayo a palma ken ti uk-ukrit a sabsabong, ket kinalupkopanna ida iti balitok; ket inkalupkopna ti balitok iti rabaw dagiti kerubin ken dagiti ladawan ti kayo a palma. 33  Ket kasta ti wagas a panangaramidna iti pagserkan iti templo, dagiti bautek a tabla ti kayo-ti-lana, kuadrado. 34  Ket ti dua a ridaw naaramidda iti kayo a parwa.+ Ti dua a rikep ti maysa a ridaw nagpuligosda kadagiti pagpusiposan, ket ti dua a rikep ti sabali a ridaw nagpuligosda kadagiti pagpusiposan.+ 35  Ket nangikitikit iti kerkerubin ken ladladawan ti kayo a palma ken uk-ukrit a sabsabong, ket nangikalupkop iti naingpis unay a balitok kadagiti ladawan.+ 36  Ket ti makin-uneg+ a paraangan imbangonna babaen iti tallo nga intar+ ti tinikapan a bato ken maysa nga intar dagiti awanan a sedro a kayo. 37  Iti maikapat a tawen naisaad ti pamuon+ ti balay ni Jehova, iti lunar a bulan ti Ziv;+ 38  ket iti maikasangapulo ket maysa a tawen, iti lunar a bulan ti Bul, awan sabali, ti maikawalo a bulan, ti balay nalpas+ no maipapan kadagiti amin a detalyena ken iti isuamin a planona;+ iti kasta pito a tawen nga imbangonna dayta.

Footnotes