Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 5:1-18

5  Ket ni Hiram+ nga ari ti Tiro+ imbaonna dagiti adipenna+ ken Solomon, ta nangngegna nga isu ti pinulotanda nga ari a mangsandi iti amana; ta ni Hiram kanayon idi a managayat ken David.+  Ni Solomon nagbaon met ken Hiram, a kunkunana:+  “Sika pagaammom unay a saan a nabalinan ni David nga amak ti mangibangon iti balay maipaay iti nagan ni Jehova a Diosna gapu iti pannakigubat+ nga impalikmutda kenkuana, agingga nga inkabil ida ni Jehova iti baba dagiti dapan ti saksakana.  Ket ita ni Jehova a Diosko impaayannak iti inana iti intero nga aglikmut.+ Awan ti manangsupiat, ket awan ti dakes a mapaspasamak.+  Ket adtoy pampanunotek ti mangibangon iti balay a maipaay iti nagan ni Jehova a Diosko,+ kas iti inkari ni Jehova ken David nga amak, a kunkunana, ‘Ti anakmo nga isaadkonto iti tronom a mangsandi kenka, isu ti mangbangonto iti balay a maipaay iti naganko.’+  Ket ita ibilinmo nga ipukanandak kadagiti sedro manipud Libano;+ ket ti met laeng ad-adipenko kaduadanto ti ad-adipenmo, ket dagiti tangdan ti ad-adipenmo itedkonto kenka maitunos iti isuamin a sawem, ta sika pagaammom unay nga awan asinoman kadakami ti makaammo no kasano ti agpukan iti kaykayo a kas kadagiti Sidonio.”+  Ket naaramid nga apaman a nangngeg ni Hiram+ ti sasao ni Solomon, nangrugi nga agrag-o iti kasta unay, ket kinunana: “Bendito+ ni Jehova ita nga aldaw ta inikkanna ni David iti masirib+ nga anak a mamangulo iti daytoy nakaad-adu nga umili!”+  Iti kasta ni Hiram nagbaon ken Solomon, a kunkunana: “Nangngegko ti impatulodmo kaniak. Iti biangko, aramidekto ti isuamin a pakaragsakam no maipapan iti kaykayo dagiti sedro ken kaykayo dagiti parwa.+  Dagiti met laeng adipenko isalogdanto ida manipud Libano+ agingga iti baybay; ket siak, iti biangko, ikabilkonto ida kadagiti tarikayo a balsa tapno lumasat iti baybay agingga iti lugar nga ipakaammomto kaniak;+ ket pudno unay nga paiwarakto ida sadiay, ket sika, iti biangmo, awitemto ida; ket sika, iti biangmo, aramidemto ti pakaragsakak babaen ti panangitedmo iti taraon a maipaay iti sangakabbalayak.”+ 10  Gapuna ni Hiram nagbalin a manangipaay ken Solomon iti kaykayo dagiti sedro ken kaykayo dagiti parwa maitunos iti isuamin a pakaragsakanna. 11  Ket ni Solomon, iti biangna, nangted ken Hiram iti duapulo a ribu a cor+ a sukat ti trigo kas ab-abasto a taraon maipaay iti sangakabbalayanna ken duapulo a cor a sukat ti nalebbek+ a lana. Dayta idi ti intultuloy nga inted ni Solomon ken Hiram iti tinawentawen.+ 12  Ket ni Jehova, iti biangna, inikkanna ni Solomon iti sirib, kas iti inkarina kenkuana;+ ket naadda ti talna iti nagbaetan da Hiram ken Solomon, ket isuda a dua pinatalgedanda ti maysa a tulag. 13  Ket intultuloy ni Ari Solomon nga inyeg dagidiay naipasalista a maipaay iti pinuersa a panagtrabaho manipud iti intero nga Israel; ket dagidiay naipasalista a maipaay iti pinuersa a panagtrabaho+ nagdagupda iti tallopulo a ribu a lallaki. 14  Ket ibaonna ida idiay Libano iti panagsisinnublat a sagsasangapulo a ribu iti binulan. Iti makabulan agtalinaedda idiay Libano, iti dua a bulan kadagiti pagtaenganda;+ ket ni Adoniram+ ti namangulo kadagidiay naipasalista+ a maipaay iti pinuersa a panagtrabaho.+ 15  Ket ni Solomon naaddaan+ iti pitopulo a ribu nga agbumbunag iti awit+ ken walopulo a ribu nga agtagtaga+ idiay bantay,+ 16  malaksid kadagiti naprinsipean a diputado ni Solomon+ a namangulo iti trabaho, tallo ribu tallo gasut a kapatas+ a namangulo kadagiti tattao nga aktibo iti trabaho. 17  Iti kasta imbilin ti ari a mangkungkongda iti dadakkel a batbato, nangina a batbato,+ tapno isaadda ti pamuon+ ti balay babaen kadagiti bato a tinikapan.+ 18  Gapuna dagiti managibangon ni Solomon ken dagiti managibangon ni Hiram ken dagiti Gebalita+ nagtikapda, ket intultuloyda nga insagana dagiti kayo ken dagiti bato a pangbangon iti balay.

Footnotes