Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 4:1-34

4  Ket ni Ari Solomon nagtultuloy nga ari iti intero nga Israel.+  Ket dagitoy ti piprinsipe+ nga adda idi kenkuana: Ni Azarias nga anak ni Sadok,+ ti padi;  ni Elioref ken ni Ahias, nga annak ni Sisa, dagiti sekretario;+ ni Jehosafat+ nga anak ni Ahilud, ti agilislista;  ken ni Benaias+ nga anak ni Jehoiada isu ti namangulo iti buyot,+ ken ni Sadok ken ni Abiatar+ papadida;  ken ni Azarias nga anak ni Natan+ isu ti namangulo kadagiti diputado, ken ni Zabud nga anak ni Natan maysa a padi, ti gayyem+ ti ari;  ken ni Ahisar isu ti namangulo iti sangakabbalayan, ken ni Adoniram+ nga anak ni Abda, namangulo kadagidiay naipasalista a maipaay iti pinuersa a panagtrabaho.+  Ket ni Solomon addaan idi iti sangapulo ket dua a diputado a mamangulo iti intero nga Israel, ket impaayanda ti ari ken ti sangakabbalayanna iti taraon. Agrikus iti tunggal maysa ti panangipaay iti taraon maysa a bulan iti tawen.+  Ket dagitoy ti nagnaganda: Ti anak ni Hur, idiay nakabambantay a rehion ti Efraim;+  ti anak ni Deker, idiay Macaz ken idiay Saalbim+ ken Bet-semes+ ken Elon-bet-hanan; 10  ti anak ni Hesed, idiay Arubot (adda kenkuana ti Socoh ken ti intero a daga ti Hefer);+ 11  ti anak ni Abinadab, iti isuamin a pantok ti bantay ti Dor+ (ni Tafat, anak a babai ni Solomon, nagbalin a mismo nga asawana); 12  ni Baana nga anak ni Ahilud, idiay Taanac+ ken Megiddo+ ken intero a Bet-sean,+ nga adda iti abay ti Zaretan+ iti baba ti Jezrael,+ manipud Bet-sean agingga iti Abel-mehola+ agingga iti rehion ti Jocmeam;+ 13  ti anak ni Geber, idiay Ramot-galaad+ (adda kenkuana dagiti purok a tolda ni Jair+ nga anak ni Manases, isuda nga adda idiay Galaad;+ adda kenkuana ti rehion ti Argob,+ nga adda idiay Basan:+ innem a pulo a dadakkel a siudad nga addaan pader ken balunet a gambang); 14  ni Ahinadab nga anak ni Iddo, idiay Mahanaim;+ 15  ni Ahimaaz, idiay Neftali+ (isu, met, innalana ni Basemat, anak a babai ni Solomon, kas asawa);+ 16  ni Baana nga anak ni Husai, idiay Aser+ ken Bealot; 17  ni Jehosafat nga anak ni Parua, idiay Isacar;+ 18  ni Simei+ nga anak ni Ela, idiay Benjamin;+ 19  ni Geber nga anak ni Uri, idiay daga ti Galaad,+ ti daga ni Sihon+ nga ari dagiti Amoreo,+ ken ni Og+ nga ari ti Basan,+ ket adda maysa a diputado a namangulo iti amin a sabsabali pay a diputado nga adda idi iti daga. 20  Ti Juda ken ti Israel aduda, kas kadagiti binukel ti darat nga adda iti igid ti baybay ti kinaaduda,+ a mangmangan ken umin-inum ken agragrag-oda.+ 21  No maipapan ken Solomon, nagturay iti amin a pagarian manipud iti Karayan+ agingga iti daga dagiti Filisteo ken agingga iti beddeng ti Egipto. Nangyegda kadagiti sagut ken nagserbida ken Solomon iti amin nga al-aldaw ti panagbiagna.+ 22  Ket ti kadawyan idi a taraon ni Solomon iti tunggal aldaw ket tallopulo a cor+ a sukat ti nasayaat nga arina ken innem a pulo a cor a sukat ti arina, 23  sangapulo a nalulukmeg a baka ken duapulo a maipaspastor a baka ken sangagasut a karnero, malaksid iti sumagmamano a kalakian nga ugsa+ ken gasgasela+ ken korkorso ken pinalukmeg a kakkakok. 24  Ta saksakupenna idi ti isuamin iti daytoy a deppaar ti Karayan,+ manipud Tifsa agingga idiay Gaza,+ uray ti amin nga ar-ari iti daytoy a deppaar ti Karayan;+ ket ti met laeng talna+ nagbalin a kukuana iti tunggal rehionna, iti intero nga aglikmut. 25  Ket ti Juda+ ken ti Israel nagtultuloy nga agnaed iti kinatalged,+ tunggal maysa iti sirok ti bukodna a puon ti ubas ken iti sirok ti bukodna a kayo a higos,+ manipud Dan agingga idiay Beer-seba,+ iti amin nga al-aldaw ni Solomon. 26  Ket ni Solomon naaddaan iti uppat a pulo a ribu a kuadra ti kabkabalio+ maipaay kadagiti karuahena+ ken sangapulo ket dua a ribu a kumakabalio. 27  Ket dagitoy a diputado+ inabastuanda ni Ari Solomon ken isuamin nga umadani iti lamisaan ni Ari Solomon iti taraon, tunggal maysa iti bulanna. Awan ti binay-anda nga agkurang. 28  Ket ti sebada ken ti garami a maipaay kadagiti kabalio ken maipaay kadagiti sangkakuyogan a kabkabalio+ intultuloyda nga impan iti sadinoman idi a lugar, tunggal maysa sigun iti rebbengenna.+ 29  Ket ti Dios nagtultuloy a nangted ken Solomon iti sirib+ ken pannakaawat+ iti dakkel unay a rukod ken iti kinalawa ti puso,+ kas iti darat nga adda iti aplaya.+ 30  Ket ti sirib ni Solomon dakdakkel unay+ ngem ti sirib dagiti amin a taga Daya+ ken ti isuamin a sirib ti Egipto.+ 31  Ket isu nasirsirib ngem ti asinoman a sabali a tao, ngem ni Etan+ nga Ezrahita ken ni Heman+ ken ni Calcol+ ken ni Darda nga annak ni Mahol; ket ti panagdindinamagna dimmanon kadagiti amin a nasion iti intero nga aglawlaw.+ 32  Ket isu makapagsao iti tallo ribu a proverbio,+ ket dagiti kantana+ sangaribu ket lima. 33  Ket isu agsao maipapan kadagiti kayo, manipud iti sedro nga adda idiay Libano+ agingga iti hisopo+ a tumpuar iti pader; ket isu agsao maipapan kadagiti animal+ ken maipapan kadagiti agtaytayab a parsua+ ken maipapan iti aggargaraw a bambanag+ ken maipapan kadagiti ikan.+ 34  Ket nagtultuloyda nga immay manipud kadagiti amin nga ili tapno dumngegda iti sirib ni Solomon,+ manipud a mismo iti amin nga ar-ari ti daga a nakangngeg iti siribna.+

Footnotes