Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 21:1-29

21  Ket naaramid kalpasan dagitoy a banag nga adda idi maysa a kaubasan a kukua ni Nabot a Jezraelita, nga adda idiay Jezrael,+ iti sibay ti palasio ni Acab nga ari ti Samaria.  Gapuna ni Acab nagsao ken Nabot, a kunkunana: “Itedmo+ kaniak ti kaubasam,+ tapno agserbi kaniak a kas minuyongan+ ti natnateng,+ ta asideg dayta iti balayko; ket bay-am a mangtedak kenka kas sandi dayta iti kaubasan a nasaysayaat ngem dayta. Wenno no naimbag kadagita matam,+ mangtedakto kenka iti kuarta kas gatad daytoy.”  Ngem ni Nabot kinunana ken Acab: “Narigat a pagarupen+ iti biangko, manipud panangmatmat ni Jehova,+ nga itedko kenka ti pagtatawidan a sanikua dagidi ammak.”+  Iti kasta dimteng ni Acab iti balayna, naalidunget ken naliday gapu iti sao a sinao kenkuana ni Nabot a Jezraelita, idi kinunana: “Saankonto nga ited kenka ti pagtatawidan a sanikua dagidi ammak.” Kalpasanna nagidda iti sopana ket pinagtalinaedna a nakabaw-ing ti rupana,+ ket saan a nangan iti tinapay.  Kamaudiananna simrek a napan kenkuana ni Jezebel+ nga asawana ket sinaona kenkuana: “Apay a naliday ti espiritum+ ken saanka a mangmangan iti tinapay?”  Gapuna sinaona kenkuana: “Agsipud ta nagsaoak ken Nabot a Jezraelita ket kinunak kenkuana, ‘Itedmo kaniak ti kaubasam maipaay iti kuarta. Wenno, no kayatmo, bay-am a mangtedak kenka iti sabali a kaubasan kas sandi dayta.’ Ngem kinunana, ‘Saankonto nga ited kenka ti kaubasak.’”+  Idin kinuna kenkuana ni Jezebel nga asawana: “Sika kadi ti mangak-akem itan ti kinaari iti Israel?+ Bumangonka, manganka iti tinapay ket bay-am nga agragsak ta pusom. Siakto ti mangited kenka ti kaubasan ni Nabot a Jezraelita.”+  Iti kasta nagsurat iti sursurat+ iti nagan ni Acab ket sinelioanna ida babaen iti seliona,+ ket impatulodna ti sursurat kadagiti lallakay+ ken kadagiti natan-ok nga adda iti siudadna nga agnanaed a kadua ni Nabot.  Ngem insuratna iti sursurat, a kunkunana:+ “Mangiwaragawagkayo iti panagayunar, ket pagtugawenyo ni Nabot a pannakaulo dagiti umili. 10  Ket mamagtugawkayo iti sanguananna iti dua a lallaki,+ awan kaes-eskanna+ a tattao, ket saksianda koma ti maibusor kenkuana,+ a kunkunada, ‘Inlunodmo ti Dios ken ti ari!’+ Ket isu iruaryo ket uborenyo tapno matay.”+ 11  Gapuna dagiti lallaki iti siudadna, dagiti lallakay ken dagiti natan-ok nga agnanaed iti siudadna, inaramidda kas iti impatulod kadakuada ni Jezebel, kas iti naisurat iti sursurat nga impatulodna kadakuada.+ 12  Nangiwaragawagda iti panagayunar+ ket pinagtugawda ni Nabot a pannakaulo dagiti umili. 13  Idin simrek ti dua kadagiti lallaki, awan kaes-eskanna a tattao, ket nagtugawda iti sanguananna; ket rinugian dagiti awan kaes-eskanna a lallaki a saksian ti maibusor kenkuana, awan sabali, ni Nabot, iti sanguanan dagiti umili, a kunkunada: “Ni Nabot inlunodna ti Dios ken ti ari!”+ Kalpasan dayta isu inruarda agingga iti wayaway ti siudad ket inuborda iti batbato, iti kasta natay.+ 14  Nagbaonda ita ken Jezebel, a kunkunada: “Ni Nabot nauboren iti kasta natay.”+ 15  Ket naaramid nga, apaman a nangngeg ni Jezebel a ni Nabot nauboren iti kasta natay, dagus a ni Jezebel kinunana ken Acab: “Tumakderka, tagikuaem ti kaubasan ni Nabot a Jezraelita,+ nga inkitakitna nga ited kenka maipaay iti kuarta; ta ni Nabot saanen a sibibiag, no di ket natayen.” 16  Ket naaramid nga, apaman a nangngeg ni Acab a ni Nabot natayen, dagus a timmakder ni Acab tapno sumalog a mapan iti kaubasan ni Nabot a Jezraelita, tapno tagikuaenna dayta.+ 17  Ket ti sao ni Jehova+ dimteng ken Elias+ a Tisbita, a kunkunana: 18  “Tumakderka, sumalogka tapno sabtem ni Acab nga ari ti Israel, nga adda idiay Samaria.+ Isu adda idiay kaubasan ni Nabot, a sadiay simmalog tapno tagikuaenna dayta. 19  Ket masapul nga agsaoka kenkuana, a kunaem, ‘Daytoy ti kinuna ni Jehova: “Namapatayka kadi+ ken nangtagikuaka pay?”’+ Ket masapul nga agsaoka kenkuana, a kunaem, ‘Daytoy ti kinuna ni Jehova: “Iti lugar+ a nangdildilan dagiti aso iti dara ni Nabot, dagiti aso dildilandanto ti daram, ti mismo a daram.”’”+ 20  Ket ni Acab kinunana ken Elias: “Nasarakannak kadi, O kabusorko?”+ nga iti dayta kinunana: “Nasarakanka. ‘Iti rason nga inlakom ta bagim tapno aramidem no ania ti dakes kadagiti mata ni Jehova,+ 21  adtoy mangipagtengak kenka iti didigra;+ ket pudno unay a mangaramidakto iti naan-anay a panangsagad kenka+ ket gessatek ken Acab ti asinoman nga umisbo iti pader+ ken daydiay awan gawgawayna ken awan patpategna iti Israel. 22  Ket pudno unay nga itudingkonto ti balaymo kas iti balay ni Jeroboam+ nga anak ni Nebat ken kas iti balay ni Baasa+ nga anak ni Ahias, gapu iti salungasing a babaen iti dayta nagsalungasingka ket kalpasanna pinagbasolmo ti Israel.’+ 23  Ket no maipapan met ken Jezebel sinao ni Jehova, a kunkunana, ‘Dagiti mismo nga aso lamutendanto ni Jezebel iti sangkadisso a daga ti Jezrael.+ 24  Asinoman a kukua ni Acab a matay idiay siudad lamutento dagiti aso; ket asinoman a matay idiay tay-ak ibusento dagiti agtatayab iti langlangit.+ 25  Awan mailaklaksid, awan ti asinoman a nagbalin a kas ken Acab,+ a nangilako iti bagina tapno aramidenna no ania ti dakes kadagiti mata ni Jehova, nga insugsog+ ni Jezebel+ nga asawana. 26  Ket isu nagtignay iti nakarimrimon unay babaen ti isusurotna kadagiti makadurmen nga idolo,+ a kas met laeng iti amin nga inaramid dagiti Amoreo, a pinagtalaw ni Jehova iti sanguanan ti annak ti Israel.’”+ 27  Ket naaramid nga apaman a nangngeg ni Acab dagitoy a sasao, rinay-abna dagiti kawesna ket nangikabil iti tinakpil+ iti lasagna; ket nagayunar ket nagtultuloy a nagidda iti tinakpil ken nagna a siuupay unay.+ 28  Ket ti sao ni Jehova dimteng ken Elias a Tisbita, a kunkunana: 29  “Nakitam kadi no kasano nga impakumbaba ni Acab ti bagina maigapu kaniak?+ Iti rason nga impakumbabana ti bagina gapu kaniak, saankonto nga ipagteng ti didigra iti mismo a kaaldawanna.+ Iti kaaldawan ti anakna ipagtengkonto ti didigra iti balayna.”+

Footnotes