Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 20:1-43

20  No maipapan ken Ben-hadad+ nga ari ti Siria, inummongna a sangsangkamaysa dagiti amin a puersa militarna ken kasta met ti tallopulo ket dua nga ari a kaduana+ ken kabkabalio+ ken karkaruahe,+ ket simmang-at ket linakubna+ ti Samaria+ ket nakirupak iti dayta.  Kalpasanna nangibaon kadagiti mensahero+ a mapan ken Acab nga ari ti Israel idiay siudad. Ket kinunana kenkuana: “Daytoy ti kinuna ni Ben-hadad,  ‘Ti pirakmo ken ti balitokmo kukuak, ken ti assawam ken ti annakmo, dagiti kalilibnosan, kukuak.’”+  Iti daytoy simmungbat ti ari ti Israel ket kinunana: “Maitunos iti saom, apok nga ari, kukuanak agraman ti amin a kukuak.”+  Idi agangay nagsubli dagiti mensahero ket kinunada: “Daytoy ti kinuna ni Ben-hadad, ‘Nagbaonak kenka, a kinunak: “Ti pirakmo ken ti balitokmo ken ti assawam ken ti annakmo itedmonto kaniak.  Ngem iti agarup kastoy a tiempo inton bigat ibaonkonto kenka dagiti adipenko, ket sukimatendanto a siaannad ti balaymo ken dagiti balay ti ad-adipenmo; ket mapasamakto a tunggal banag a makaay-ayo+ kadagita matam ikabildanto iti imada, ket ipanawdanto dayta.”’”  Iti kasta ti ari ti Israel inayabanna amin dagiti lallakay iti daga+ ket kinunana: “Imutektekanyo, pangngaasiyo, ket kitaenyo ta didigra ti sapsapulen daytoy a tao;+ ta isu nagbaon kaniak maipaay iti assawak ken iti annakko ken iti pirakko ken iti balitokko, ket saanko nga inkedked ida kenkuana.”  Idin kinuna kenkuana dagiti amin a lallakay ken dagiti amin nga umili: “Dika agtulnog, ket saanka koma nga umannugot.”  Gapuna kinunana kadagiti mensahero ni Ben-hadad: “Sawenyo iti apok nga ari, ‘Amin a nagbaonam iti adipenmo idi damo aramidek; ngem daytoy a banag saanko a kabaelan nga aramiden.’” Iti kasta pimmanaw dagiti mensahero ket inyegda kenkuana ti sao. 10  Ni Ben-hadad nagbaon ita kenkuana ket kinunana: “Kasta koma ti aramiden kaniak dagiti didios,+ ket kasta koma ti inayonda iti dayta,+ no ti tapok ti Samaria umdasto kadagiti rinakrakem maipaay iti amin a tattao a sumurot kaniak!”+ 11  Kalpasanna simmungbat ti ari ti Israel ket kinunana: “Dakayo a lallaki, sawenyo kenkuana, ‘Dika ipalubos a ti maysa nga agbarbarikes+ agpasindayag maipapan iti bagina a kasla maysa a mangwarwarwar.’”+ 12  Ket naaramid nga apaman a nangngegna daytoy a sao, bayat nga isu ken ti ar-ari umin-inumda+ idi kadagiti abong-abong, dagus a kinunana kadagiti adipenna: “Agsaganakayo!” Ket rinugianda ti agsagana maibusor iti siudad. 13  Ket, adtoy! maysa a mammadto ti immasideg ken Acab nga ari ti Israel+ ket kalpasanna kinunana: “Daytoy ti kinuna ni Jehova,+ ‘Nakitam kadi ti isuamin daytoy a dakkel a bunggoy? Adtoy itedko dayta ita imam ita nga aldaw, ket pudno unay a maammuamto a siak ni Jehova.’”+ 14  Idin kinuna ni Acab: “Babaen iti siasino?” nga iti dayta kinunana: “Daytoy ti kinuna ni Jehova, ‘Babaen kadagiti agtutubo a lallaki ti piprinsipe dagiti masaksakupan a distrito.’” Kamaudiananna kinunana: “Siasinonto ti mangilukat iti panagbabakal?” nga iti dayta kinunana: “Sika!” 15  Ket innalana ti bilang dagiti agtutubo a lallaki ti piprinsipe dagiti masaksakupan a distrito, ket dua gasut tallopulo ket duada;+ ket kalpasan kadakuada innalana ti bilang dagiti amin nga umili, ti amin nga annak ti Israel, pito a ribu. 16  Ket rinugianda ti rummuar iti agmatuon bayat nga agbarbartek+ ni Ben-hadad kadagiti abong-abong, isu agraman ti ar-ari, ti tallopulo ket dua nga ar-ari a tumultulong kenkuana. 17  Idi a dagiti agtutubo a lallaki+ ti piprinsipe dagiti masaksakupan a distrito rimmuarda nga immuna, dagus a nagbaon ni Ben-hadad; ket immayda a nangibaga kenkuana, a kunkunada: “Adda lallaki a rimmuar manipud Samaria.” 18  Iti kasta kinunana: “Uray no maipaay iti kappia a rimmuarda, rebbeng a kemmegenyo ida a sibibiag; wenno uray maipaay iti bakal a rimmuarda, rebbeng a kemmegenyo ida a sibibiag.”+ 19  Ket dagitoy dagidiay rimmuar manipud iti siudad, dagiti agtutubo a lallaki ti piprinsipe dagiti masaksakupan a distrito ken dagiti puersa militar nga adda iti likudanda. 20  Ket rinugianda a papatayen tunggal maysa ti lalakina; ket nagtalaw+ dagiti Sirio,+ ket kinamat ida ti Israel, ngem ni Ben-hadad nga ari ti Siria nakatalaw a sisasakay iti kabalio a kaduana dagiti kumakabalio. 21  Ngem ti ari ti Israel rimmuar ket kinabkabilna dagiti kabalio ken dagiti karuahe,+ ket pinapatayna dagiti Sirio iti dakkel a pananggudas. 22  Kamaudiananna ti mammadto+ immasideg iti ari ti Israel ket kinunana kenkuana: “Mapanka, papigsaem ti bagim+ ket imutektekam ken kitaem no ania ti aramidem;+ ta iti panangrugi ti tawen sumang-at a bumusor kenka ti ari ti Siria.”+ 23  No maipapan kadagiti adipen ti ari ti Siria, kinunada kenkuana: “Ti Diosda maysa a Dios ti bambantay.+ Dayta ti makagapu a napigpigsada ngem datayo. Gapuna, iti sabali a bangir, makirupaktayo kadakuada iti patad a daga ket kitaentayo no saantayto a napigpigsa ngem isuda. 24  Ken aramidem daytoy a banag: Ikkatem ti ar-ari+ tunggal maysa manipud saadna ket mangisaadka kadagiti gobernador imbes nga isuda.+ 25  No maipapan kenka, rebbeng a mangbilangka maipaay kenka iti puersa militar a katupag ti puersa militar a napasag manipud dasigmo, iti kabalio maipaay iti kabalio ken karuahe maipaay iti karuahe; ket makirupaktayo kadakuada iti patad a daga ket kitaentayo no saantayto a napigpigsa ngem isuda.”+ Gapuna inimdenganna ti timekda ket inaramidna ti kasta. 26  Ket naaramid iti panangrugi ti tawen a ni Ben-hadad inurnongna dagiti Sirio+ ket simmang-at idiay Afek+ maipaay iti pannakibakal iti Israel. 27  No maipapan iti annak ti Israel, naurnongda ken naabastuanda+ ket inrugida ti rummuar a sumabet kadakuada; ket nagpakarso ti annak ti Israel iti sanguananda a kasla dua a babassit nga arban dagiti kalding, bayat a dagiti Sirio, iti biangda, pinunnoda ti daga.+ 28  Idin immasideg ti lalaki ti pudno a Dios+ ket kinunana iti ari ti Israel, wen, kinunana: “Daytoy ti kinuna ni Jehova, ‘Iti rason a kinuna dagiti Sirio: “Ni Jehova maysa a Dios ti bambantay, ket saan a maysa a Dios ti nababa a tantanap,” itedkonto ita imam ti isuamin daytoy a dakkel a bunggoy,+ ket pudno unay a maammuanyonto a siak ni Jehova.’”+ 29  Ket nagtultuloyda a nagpakarso iti pito nga aldaw, dagitoy iti sanguanan dagidiay.+ Ket naaramid iti maikapito nga aldaw a nangrugi ti panagbabakal; ket ti annak ti Israel pinapatayda dagiti Sirio, sangagasut a ribu a lallaki a magmagna iti maysa nga aldaw. 30  Ket dagidiay natedda nagkamangda idiay Afek,+ iti siudad; ket ti pader nagtuang iti duapulo ket pito a ribu a lallaki a natedda.+ No maipapan ken Ben-hadad, nagtalaw+ ket iti kamaudiananna dimteng iti siudad iti kaunggan+ a siled. 31  Gapuna kinuna kenkuana dagiti adipenna: “Adtoy, ita, nangngegmi a ti ar-ari iti balay ti Israel ket ar-ari ti naayat a kinamanangngaasi.+ Pangngaasim, palubosannakami a mangawit iti tinakpil+ kadagiti lomomi+ ken taltali iti ul-ulomi, ket palubosannakami a mapan iti ari ti Israel. Bareng taginayonennanto a sibibiag ta kararuam.”+ 32  Iti kasta nagbarikesda iti tinakpil kadagiti lomoda, agraman taltali iti ul-uloda, ket simrekda a napan iti ari ti Israel ket kinunada: “Kinuna ni adipenmo a Ben-hadad, ‘Pangngaasim, bay-am nga agbiag ti kararuak.’” Iti daytoy kinunana: “Sibibiag kadi pay? Isu kabsatko.” 33  Gapuna dagiti lallaki+ imbilangda dayta a kas partaan ket sidadaras nga imbilangda dayta kas kabukbukodanna a pangngeddeng, ket kinunada: “Ni Ben-hadad ket kabsatmo.” Gapuna kinunana: “Umaykayo, sukonenyo.” Iti kasta ni Ben-hadad rimmuar a napan kenkuana; ket isu dagus a pinagluganna iti karuahe.+ 34  Kinuna ita kenkuana ni Ben-hadad: “Dagiti siudad+ nga innala ni amak manipud iti amam isublikto; ket mangitudingkanto iti kalkalsada maipaay kenka idiay Damasco a kas met laeng iti panangituding ni amak idiay Samaria.” “Ket no maipapan kaniak, iti maysa a tulag+ papanawenkanto.” Gapuna pinatalgedanna ti maysa a tulag kenkuana ket pinapanawna. 35  Ket ti maysa a lalaki iti annak dagiti mammadto+ kinunana iti gayyemna babaen iti sao+ ni Jehova: “Kabilennak, pangngaasim.” Ngem ti lalaki nagkitakit a mangkabil kenkuana. 36  Gapuna kinunana kenkuana: “Iti rason a saanmo nga inimdengan ti timek ni Jehova, adtoy pumanawkanto kaniak, ket sigurado a papatayennakanto ti maysa a leon.” Kalpasan dayta pimmanaw iti sibayna, ket nasarakan ti leon+ ket pinapatayna.+ 37  Ket nakasarak iti sabali pay a lalaki ket kinunana: “Kabilennak, pangngaasim.” Gapuna kinabil ti lalaki, kinabilna ken sinugatanna. 38  Kalpasanna napan ti mammadto ket nagtakder a siiintek a mangur-uray iti ari iti igid ti dalan, ket nagtalinaed a manglimlimo+ babaen iti maysa a patapat kadagiti matana. 39  Ket naaramid a bayat a lumablabas ti ari, isu nagpukkaw iti ari ket kinunana:+ “Ti met laeng adipenmo rimmuar a napan iti kapuskolan ti bakal; ket, adtoy! ti maysa a lalaki pampanawanna idi ti linia, ket immay nangyeg kaniak iti maysa a lalaki ket kalpasanna kinunana, ‘Bantayam daytoy a lalaki. No iti aniaman a pamay-an isu mapukaw, ti kararuam+ kasapulanto met a maisukat iti kararuana,+ wenno no saan maysa a talento a pirak ti timbangemto.’+ 40  Ket naaramid a bayat a ti adipenmo aktibo ditoy ken idiay, ay ket, isu nagpukaw.” Gapuna kinuna kenkuana ti ari ti Israel: “Kasta ti bukodmo a pannakaukom. Sika ti nangikeddeng.”+ 41  Kalpasan dayta sidadaras nga inikkatna ti patapat kadagiti matana, ket nabigbig ti ari ti Israel, nga isu naggapu kadagiti mammadto.+ 42  Kinunana ita kenkuana: “Daytoy ti kinuna ni Jehova, ‘Iti rason a binay-am a makalapsut ita imam ti lalaki a naikeddeng kaniak maipaay iti pannakadadael,+ ta kararuam masapul a maisukat iti kararuana,+ ken ti ilim maisukat iti ilina.’”+ 43  Iti kasta ti ari ti Israel napan iti dalanna nga agturong iti balayna, naalidunget ken naliday,+ ket dimteng idiay Samaria.+

Footnotes