Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

1 Ar-ari 2:1-46

2  Ket dagiti aldaw ni David nagin-inutda nga immasideg a maipaay iti ipapatayna;+ ket binilinna ni Solomon nga anakna, a kunkunana:  “Mapanakon iti dalan ti intero a daga,+ ket masapul a bumilegka+ ken agbalinka a malalaki.+  Ket masapul a salimetmetam ti pagrebbengan ken Jehova a Diosmo babaen ti pannagnam iti daldalanna,+ babaen ti panangsalimetmetmo kadagiti paglinteganna, kadagiti bilinna ken kadagiti hudisial a pangngeddengna+ ken kadagiti pammaneknekna, sigun ti adda a naisurat iti linteg ni Moises,+ tapno makapagtignayka a simamanakem iti isuamin nga aramidem ken iti sadinoman a bumaw-ingam;  tapno itungpal ni Jehova ti saona a sinaona maipapan kaniak,+ a kunkunana, ‘No annadanto ti annakmo+ ti dalanda babaen ti pannagnada+ iti imatangko iti kinapudno+ buyogen ti isuamin a pusoda+ ken buyogen ti isuamin a kararuada, awanto ti magessat a lalaki kenka manipud panagtugaw iti trono ti Israel.’+  “Ket sika met pagaammom unay no ania ti inaramid kaniak ni Joab nga anak ni Zeruia+ nga inaramidna iti dua a panguluen ti buybuyot ti Israel, kada Abner+ nga anak ni Ner ken Amasa+ nga anak ni Jeter,+ idi pinapatayna ida ken inkabilna ti dara+ ti gubat iti tiempo ti talna ken inkabilna ti dara ti gubat iti sinturonna a naipalikmut iti padingpadingna ken kadagiti pallokana nga adda kadagiti sakana.  Ket masapul nga agtignayka maitunos iti kinasiribmo,+ ket dika ipalubos a dagiti ubanna bumaba a sitatalna+ idiay Sheol.+  “Ket iti annak ni Barzillai+ a Galaadita rebbeng a watwatem ti naayat a kinamanangngaasi, ket masapul a mairamanda kadagidiay mangmangan iti lamisaanmo;+ ta kasta ti wagas nga iyaasidegda+ kaniak idi nagtalawak iti sanguanan ni Absalom a kabsatmo.+  “Ket adtoy adda kenka ni Simei+ nga anak ni Gera a Benjaminita manipud Bahurim,+ ket isu ti nangidawdawat iti pakadaksak buyogen ti nakas-ang a lunod+ idi aldaw a napanak idiay Mahanaim;+ ken isu ti simmalog a sumabet kaniak idiay Jordan,+ iti kasta insapatak kenkuana babaen ken Jehova, a kinunak, ‘Saankanto a papatayen babaen ti kampilan.’+  Ket ita dika bay-an a di nadusa,+ ta maysaka a masirib+ a lalaki ket pagaammom unay no ania ti rebbeng nga aramidem kenkuana, ket masapul nga ipababam dagiti ubanna+ a sidadara idiay Sheol.”+ 10  Kalpasanna nakikaidda ni David kadagidi ammana+ ket naitabon idiay Siudad ni David.+ 11  Ket dagiti aldaw a panagturay ni David iti Israel uppat a puloda a tawen.+ Idiay Hebron+ nagturay iti pito a tawen,+ ket idiay Jerusalem nagturay iti tallopulo ket tallo a tawen.+ 12  No maipapan ken Solomon, nagtugaw iti trono ni David nga amana;+ ket nagin-inut a naipasdek a sititibker unay ti kinaarina.+ 13  Idi agangay ni Adonias nga anak ni Haggit immay ken Bat-seba,+ ina ni Solomon. Gapu itoy kinunana: “Sikakappia kadi ti iyaaymo?”+ nga iti dayta kinunana: “Sikakappia.” 14  Ket kinunana: “Adda banag nga ibagak kenka.” Gapuna kinunana: “Agsaoka.”+ 15  Ket intuloyna: “Sika pagaammom unay a ti kinaari agbalin koma idi a kukuak, ket ti intero nga Israel inturongda kaniak ti rupada tapno agbalinak nga ari;+ ngem ti kinaari naibaw-ing ket nagbalin a kukua ti kabsatko, ta manipud ken Jehova a nagbalin a kukuana.+ 16  Ket ita adda maysa a kiddaw a dawatek kenka. Dika pagtallikuden ti rupak.”+ Iti kasta kinunana kenkuana: “Agsaoka.” 17  Ket kinunana: “Pangngaasim, sawem ken Solomon nga ari (ta saannanto a pagtallikuden ta rupam) nga itedna koma kaniak ni Abisag+ a Sunamita+ kas asawa.” 18  Iti daytoy kinuna ni Bat-seba: “Naimbag! Siak agsaoakto iti ari maipaay kenka.” 19  Gapuna ni Bat-seba simrek a napan ken Ari Solomon tapno agsao kenkuana maipaay ken Adonias.+ Dagus a timmakder ti ari+ tapno sumabet kenkuana ket nagruknoy kenkuana.+ Kalpasanna nagtugaw iti tronona ket nagpaikabil iti trono a maipaay iti ina ti ari, tapno makapagtugaw iti makannawanna.+ 20  Ket kinunana: “Adda maysa a bassit a kiddaw a dawatek kenka. Dika pagtallikuden ti rupak.” Gapuna kinuna kenkuana ti ari: “Dawatem, inak; ta diakto pagtallikuden ta rupam.” 21  Ket kinunana: “Maited koma ni Abisag a Sunamita ken Adonias a kabsatmo kas asawa.” 22  Gapu itoy simmungbat ni Ari Solomon ket kinunana iti inana: “Ket apay a kidkiddawem ni Abisag a Sunamita a maipaay ken Adonias? Kiddawem met maipaay kenkuana ti kinaari+ (agsipud ta isu ti kabsatko nga in-inauna ngem siak),+ mismo a maipaay kenkuana ken maipaay ken Abiatar+ a padi ken maipaay ken Joab+ nga anak ni Zeruia.”+ 23  Gapu iti dayta nagsapata ni Ari Solomon babaen ken Jehova, a kunkunana: “Kasta koma ti aramiden kaniak ti Dios, ken kasta koma ti inayonna iti dayta,+ no saan a maibusor iti bukodna a kararua a sinao ni Adonias daytoy a banag.+ 24  Ket ita, kas sibibiag ni Jehova+ a nangipasdek a sititibker kaniak+ ken mamagtalinaed kaniak a situtugaw iti trono ni David nga amak+ ken nangaramid iti balay+ a maipaay kaniak kas iti sinaona,+ ita nga aldaw mapapatayto ni Adonias.”+ 25  Dagus a nagbaon ni Ari Solomon babaen ken Benaias+ nga anak ni Jehoiada; ket isu dinuklosna, iti kasta isu natay.+ 26  Ket ti ari kinunana ken Abiatar+ a padi: “Mapanka idiay Anatot+ kadagiti talonmo! Ta maikarika iti ipapatay;+ ngem iti daytoy nga aldaw saanka a papatayen, agsipud ta inawitmo ti lakasa ti Soberano nga Apo Jehova+ iti sanguanan ni David nga amak,+ ken agsipud ta nagsagabaka iti pannakaparigat bayat ti isuamin a tiempo a nagsagaba ni amak iti pannakaparigat.”+ 27  Gapuna ni Solomon pinagtalawna ni Abiatar iti panagserbi kas padi ni Jehova, tapno tungpalenna ti sao ni Jehova a sinaona maibusor iti balay ni Eli+ idiay Silo.+ 28  Ket ti met laeng damag dimteng agingga ken Joab+—ta ni met laeng Joab nagannayas a sumurot ken Adonias,+ nupay saan a nagannayas a sumurot ken Absalom+—ket ni Joab nagkamang idiay tolda+ ni Jehova ket nagkapet a siiirut kadagiti sara ti altar.+ 29  Idin naibaga ken Ari Solomon: “Ni Joab nagkamang idiay tolda ni Jehova, ket sadiay isu adda iti sibay ti altar.” Gapuna ni Solomon imbaonna ni Benaias nga anak ni Jehoiada, a kunkunana: “Mapanka, duklosem!”+ 30  Iti kasta dimteng ni Benaias idiay tolda ni Jehova ket kinunana kenkuana: “Daytoy ti kinuna ti ari, ‘Rummuarka!’” Ngem kinunana: “Saan! Ta ditoy+ ti pakatayakto.” Gapuna nangyeg ni Benaias iti sao iti ari, a kunkunana: “Daytoy ti sinao ni Joab, ket daytoy ti insungbatna kaniak.” 31  Idin kinuna kenkuana ti ari: “Aramidem ti kas iti sinaona ket duklosem; ket isu itabonmonto ket ipanawmo kaniak ken iti balay ni amak ti dara+ a di maiparbeng a naibukbok nga imbuyat ni Joab.+ 32  Ket pudno unay nga isublinto ni Jehova ti darana iti rabaw ti mismo nga ulona,+ agsipud ta dinuklosna ti dua a lallaki a nalinlinteg ken nasaysayaat ngem isu,+ ket pinapatayna ida babaen ti kampilan, idinto ta saan nga ammo a mismo ni amak a David,+ awan sabali, ni Abner+ nga anak ni Ner a panguluen ti buyot ti Israel+ ken ni Amasa+ nga anak ni Jeter a panguluen ti buyot ti Juda.+ 33  Ket ti darada masapul nga agsubli iti rabaw ti ulo ni Joab ken iti rabaw ti ulo dagiti putotna agingga iti tiempo a di nakedngan;+ ngem ken ni David+ ken kadagiti putotna ken iti balayna ken iti tronona maaddanto ti talna agingga iti tiempo a di nakedngan manipud ken Jehova.”+ 34  Idin simmang-at ni Benaias nga anak ni Jehoiada+ ket dinuklosna ket pinapatayna;+ ket naitabon iti bukodna a balay idiay let-ang. 35  Kalpasan dayta ti ari insaadna ni Benaias+ nga anak ni Jehoiada a mangsandi kenkuana a mamangulo iti buyot;+ ken ni Sadok a padi inkabil ti ari iti saad ni Abiatar.+ 36  Kamaudiananna nagbaon ti ari ket pinaayabanna ni Simei+ ket kinunana kenkuana: “Ibangonam ti bagim iti balay idiay Jerusalem, ket masapul nga agnaedka sadiay ken saanka a rummuar manipud sadiay agingga iti daytoy a lugar ken iti dayta. 37  Ket mapasamakto nga iti aldaw ti iruruarmo ken no bumallasiwka iti naapres a ginget ti Kidron,+ di agbiddut nga ammuem a mataykanto a di bumurong.+ Ti panagbasol iti dara gapu kenka maiparabawto iti mismo nga ulom.”+ 38  Gapu itoy kinuna ni Simei iti ari: “Ti sao naimbag. Kas iti sinao ti apok nga ari kasta ti aramidento ti adipenmo.” Ket ni Simei nagtultuloy a nagnaed idiay Jerusalem iti adu nga aldaw. 39  Ket naaramid iti ngudo ti tallo a tawen a dua nga adipen+ ni Simei nagtalawda a napan ken Aquis+ nga anak ni Maaca nga ari ti Gat;+ ket dagiti tattao immayda imbaga ken Simei, a kunkunada: “Adtoy! Dagiti adipenmo addada idiay Gat.” 40  Dagus a timmakder ni Simei ket siniliaanna ti asnona ket napan idiay Gat ken ni Aquis tapno sapulenna dagiti adipenna; a kalpasan dayta napan ni Simei ket inyegna dagiti adipenna manipud Gat. 41  Idin naibaga ken Solomon: “Ni Simei rimmuar manipud Jerusalem a napan idiay Gat ket nagsubli.” 42  Gapu iti dayta nagbaon ti ari ket pinaayabanna+ ni Simei ket kinunana kenkuana: “Saan aya a pinagsapataka babaen ken Jehova tapno mapakdaaranka,+ a kinunak, ‘Iti aldaw a rummuarka ken no umayka ditoy ken idiay di agbiddut nga ammuem a mataykanto a di bumurong,’ ket gapuna saan aya a kinunam kaniak, ‘Naimbag ti sao a nangngegko’?+ 43  Apay, ngarud, a dika sinalimetmetan ti sapata ni Jehova+ ken ti bilin a sidadaeg nga impaalagadko kenka?”+ 44  Ket ti ari kinunana ken Simei: “Sika pudno unay nga ammom ti isuamin a panangdangran a pagaammo unay ta pusom nga inaramidmo ken David nga amak;+ ket pudno unay nga isublinto ni Jehova iti rabaw ti bukodmo nga ulo ti panangdangranmo.+ 45  Ngem ni Ari Solomon mabendisionanto,+ ket ti met laeng trono ni David maipasdekto a sititibker iti sanguanan ni Jehova iti agnanayon.”+ 46  Gapuna ti ari binilinna ni Benaias nga anak ni Jehoiada, a rimmuar kalpasanna ket dinuklosna, iti kasta natay.+ Ket ti pagarian naipasdek a sititibker iti ima ni Solomon.+

Footnotes