Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 19:1-21

19  Kalpasanna ni Acab+ imbagana ken Jezebel+ ti amin nga inaramid ni Elias ken ti amin a maipapan iti panangpapatayna kadagiti amin a mammadto babaen ti kampilan.+  Gapu iti dayta nagbaon ni Jezebel iti mensahero a mapan ken Elias, a kunkunana: “Kasta koma ti aramiden dagiti didios,+ ket kasta koma ti inayonda iti dayta,+ no iti kastoy a tiempo inton bigat saankonto a pagbalinen ti kararuam a kas iti kararua ti tunggal maysa kadakuada!”  Ket nagbuteng. Iti kasta timmakder ket nangrugi a mapan maipaay iti kararuana+ ket dimteng idiay Beer-seba,+ a kukua ti Juda.+ Kalpasanna imbatina sadiay ti katulonganna.  Ket isu napan idiay let-ang iti maysa nga aldaw a panagbaniaga, ket idi agangay dimteng ket nagtugaw iti sirok ti maysa a kayo a retama.+ Ket rinugianna a kiddawen a matay koman ti kararuana ket kinunana: “Umanayen dayta! Ita, O Jehova, alaem ti kararuak,+ ta saanak a naim-imbag ngem kadagidi ammak.”  Kamaudiananna nagidda ket nakaturog iti sirok ti kayo a retama.+ Ngem, adtoy! ita isu sinagid+ ti maysa nga anghel.+ Kalpasanna kinunana kenkuana: “Bumangonka, manganka.”  Idi kimmita, ay ket, adda iti uluananna ti maysa a nagbukel a tinapay+ iti rabaw ti pinapudot a batbato ken sangapuronggo a danum. Ket nangrugi a mangan ken uminum, a kalpasan dayta nagidda manen.  Idi agangay nagsubli ti anghel+ ni Jehova iti maikadua a daras ket isu sinagidna ket kinunana: “Bumangonka, manganka, ta ti panagbaniaga nawatiwat unay maipaay kenka.”+  Gapuna bimmangon ket nangan ken imminum, ket nagtultuloy a napan buyogen ti bileg dayta a taraon iti uppat a pulo nga aldaw+ ken uppat a pulo a rabii agingga iti bantay ti pudno a Dios, ti Horeb.+  Sadiay iti kamaudiananna simrek iti maysa a rukib,+ tapno busbosenna koma ti rabii sadiay; ket, adtoy! adda ti sao ni Jehova maipaay kenkuana, ket kinunana kenkuana: “Ania ti ar-aramidem ditoy, Elias?”+ 10  Iti daytoy kinunana: “Naan-anay a nagimonak+ maipaay ken Jehova a Dios ti buybuyot; ta ti annak ti Israel binaybay-anda ti tulagmo,+ dagiti altarmo rinebbada,+ ken dagiti mammadtom pinapatayda babaen ti kampilan,+ iti kasta siak laeng ti natedda;+ ket rugianda a sapulen ti kararuak tapno ikkatenda.”+ 11  Ngem kinuna dayta: “Rummuarka, ket masapul nga agtakderka iti bantay iti sanguanan ni Jehova.”+ Ket, adtoy! lumablabas idi ni Jehova,+ ket ti maysa a dakkel ken napigsa nga angin mangbesbessang idi kadagiti bantay ken mangburburak kadagiti nabato a rangkis iti sanguanan ni Jehova.+ (Ni Jehova awan iti angin.) Ket kalpasan ti angin adda idi maysa a panagkintayeg.+ (Ni Jehova awan iti panagkintayeg.) 12  Ket kalpasan ti panagkintayeg adda idi maysa nga apuy.+ (Ni Jehova awan iti apuy.) Ket kalpasan ti apuy adda idi maysa a natalinaay, nababa a timek.+ 13  Ket naaramid nga apaman a nangngeg dayta ni Elias, dagus a binungonna ti rupana iti opisial a kawesna+ ket rimmuar ket nagtakder iti pagserkan ti rukib; ket, adtoy! adda maysa a timek maipaay kenkuana, ket kinuna kenkuana dayta: “Ania ti ar-aramidem ditoy, Elias?”+ 14  Gapu itoy kinunana: “Naan-anay a nagimonak maipaay ken Jehova a Dios ti buybuyot; ta ti annak ti Israel binaybay-anda ti tulagmo,+ dagiti altarmo rinebbada, ken dagiti mammadtom pinapatayda babaen ti kampilan, iti kasta siak laeng ti natedda; ket rugianda a sapulen ti kararuak tapno ikkatenda.”+ 15  Kinuna ita kenkuana ni Jehova: “Mapanka, agsublika iti dalanmo a mapan idiay let-ang ti Damasco;+ ket masapul a sumrekka ket pulotam+ ni Hazael+ kas ari iti Siria. 16  Ket ni Jehu+ nga apoko ni Nimsi+ rebbeng a pulotam kas ari iti Israel; ket ni Eliseo+ nga anak ni Safat manipud Abel-mehola+ rebbeng a pulotam kas mammadto a mangsandi kenka.+ 17  Ket mapasamakto a daydiay makatalaw iti kampilan ni Hazael,+ papatayento ni Jehu;+ ket daydiay makalibas iti kampilan ni Jehu, papatayento ni Eliseo.+ 18  Ket nangiteddaak iti pito ribu idiay Israel,+ amin dagiti tumeng a saan a nagparintumeng ken Baal,+ ken tunggal ngiwat a saan a nangagep+ kenkuana.” 19  Iti kasta napan manipud sadiay ket nasarakanna ni Eliseo nga anak ni Safat bayat nga agar-arado+ idi buyogen ti sangapulo ket dua a paris iti sanguananna, ket isu adda iti maikasangapulo ket dua. Gapuna nagturong a limmabas kenkuana ni Elias ket impalladawna kenkuana ti opisial a kawesna.+ 20  Iti kasta pinanawanna dagiti toro ket napan nga agtartaray a simmurot ken Elias ket kinunana: “Palubosannak, pangngaasim, nga agepak ni amak ken ni inak.+ Kalpasanna sumurotakto kenka.” Gapu itoy kinunana kenkuana: “Mapanka, agsublika; ta ania ti inaramidko kenka?” 21  Gapuna nagsubli manipud panangsurot kenkuana ket kalpasanna nangala iti sangaparis kadagiti toro ket insakripisiona+ ida, ket babaen iti ramramit+ dagiti toro inlambongna ti lasagda ket kalpasanna intedna kadagiti umili, ket nanganda. Kalpasan dayta timmakder ket napan simmurot ken Elias ket rinugianna ti agserbi+ kenkuana.

Footnotes