Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 17:1-24

17  Ket ni Elias+ a Tisbita manipud kadagiti agnanaed iti Galaad+ kinunana ken Acab: “Kas sibibiag+ ni Jehova a Dios ti Israel nga iti sanguananna sitatakderak,+ kabayatan dagitoy a tawen awanto ti dumteng a linnaaw wenno uray tudo,+ malaksid no ibilin ti saok!”+  Dimteng ita kenkuana ti sao+ ni Jehova, a kunkunana:  “Pumanawka ditoy, ket masapul a bumaw-ingka nga agpadaya ket aglemmengka+ idiay naapres a ginget ti Kerit a dayaen ti Jordan.  Ket mapasamakto nga uminumka manipud iti naapres a ginget,+ ket pudno unay a bilinekto dagiti wak+ nga abastuandaka sadiay iti taraon.”+  Dagus a napan ket inaramidna ti maitunos iti sao ni Jehova,+ ket ngarud napan ket nagnaed iti igid ti naapres a ginget ti Kerit a dayaen ti Jordan.  Ket dagiti met laeng wak nangyegda kenkuana iti tinapay ken karne iti bigat ken tinapay ken karne iti rabii, ket immin-inum manipud naapres a ginget.+  Ngem naaramid iti ngudo ti sumagmamano nga aldaw a ti naapres a ginget nagmaga,+ agsipud ta awan dimteng a bayakabak iti rabaw ti daga.  Ti sao ni Jehova dimteng ita kenkuana, a kunkunana:+  “Tumakderka, mapanka idiay Sarepta,+ a kukua ti Sidon, ket masapul nga agnaedka sadiay. Adtoy! Pudno unay a bilinekto sadiay ti maysa a babai, maysa a balo, nga abastuannaka iti taraon.” 10  Iti kasta timmakder ket napan idiay Sarepta ket dimteng iti pagserkan ti siudad; ket, adtoy! ti maysa a babai, maysa a balo, adda sadiay nga agur-urnong kadagiti pedaso a kayo. Gapuna immawag kenkuana ket kinunana: “Pangngaasim, iyalaannak iti sangkasimsim a danum iti maysa a basehas tapno uminumak.”+ 11  Idi mapanen tapno mangala, immawag kenkuana ket kinunana: “Pangngaasim, iyalaannak iti sangkabassit a tinapay+ iti imam.” 12  Gapu itoy kinunana: “Kas sibibiag ni Jehova a Diosmo,+ awananak iti nagbukel a tinapay,+ no di sangarakem+ laeng nga arina iti dakkel a burnay ken sangkabassit a lana+ iti putik; ket adtoy agur-urnongak iti sumagmamano a pedaso a kayo, ket mapanakto ket mangisaganaak iti agpaay kaniak ken iti anakko, ket kasapulan a kanenmi dayta ket mataykamin.”+ 13  Idin kinuna kenkuana ni Elias: “Dika agbuteng.+ Mapanka, aramidem ti maitunos iti saom. Isuna laeng ta manipud iti adda dita iyaramidannak nga umuna iti bassit a nagbukel a tinapay,+ ket iruarmonto dayta kaniak, ket kalpasanna mabalinmo ti mangisagana iti agpaay kenka ken iti anakmo. 14  Ta daytoy ti kinuna ni Jehova a Dios ti Israel, ‘Ti met laeng dakkel a burnay ti arina saanto a maibusan, ket ti met laeng putik ti lana saanto a makurangan agingga iti aldaw a panangted ni Jehova ti bayakabak iti rabaw ti daga.’”+ 15  Gapuna napan ket inaramidna ti maitunos iti sao ni Elias; ket nagtultuloy a mangan, isu agraman kenkuana ken ti sangakabbalayanna, iti adu nga aldaw.+ 16  Ti met laeng dakkel a burnay ti arina saan a naibusan, ket ti met laeng putik ti lana saan a nakurangan,+ maitunos iti sao ni Jehova a sinaona babaen ken Elias. 17  Ket naaramid kalpasan dagitoy a banag a ti anak ti babai, ti apo-a-babai ti balay, nagsakit, ket ti sakitna kimmaro unay iti kasta awan anges a nabati kenkuana.+ 18  Gapu itoy kinunana ken Elias: “Ania ti bibiangko kenka,+ O lalaki ti pudno a Dios? Immayka kaniak tapno ipalagipmo ti biddutko+ ken tapno papatayem ti anakko.” 19  Ngem kinunana kenkuana: “Itedmo kaniak ti anakmo.” Iti kasta innalana manipud saklotna ket inawitna nga inyuli iti siled iti pangatepan,+ a pagnanaedanna idi, ket impaiddana iti bukodna a sopa.+ 20  Ket rinugianna ti immawag ken Jehova ket kinunana: “O Jehova a Diosko,+ masapul kadi nga iyegmo met ti pannakadangran iti balo a pakipagtataengak kas ganggannaet babaen ti panangpapatay iti anakna?” 21  Ket inyunnatna ti bagina iti rabaw ti ubing+ iti tallo a daras ket immawag ken Jehova ket kinunana: “O Jehova a Diosko, pangngaasim, ti kararua+ daytoy nga ubing pasubliem kenkuana.” 22  Kamaudiananna inimdengan ni Jehova ti timek ni Elias,+ iti kasta ti kararua ti ubing nagsubli kenkuana ket nagbiag.+ 23  Innala ita ni Elias ti ubing ket imbabana iti balay manipud iti siled iti pangatepan ket intedna iti inana; ket idin kinuna ni Elias: “Kitaem, sibibiag ti anakmo.”+ 24  Kalpasan dayta ti babai kinunana ken Elias: “Ita, kinapudnona, ammokon a maysaka a lalaki ti Dios+ ket ti sao ni Jehova iti ngiwatmo pudno.”+

Footnotes