Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 15:1-34

15  Ket iti maikasangapulo ket walo a tawen ni Ari Jeroboam+ nga anak ni Nebat,+ ni Abiam nagbalin nga ari iti Juda.+  Tallo a tawen a nagturay idiay Jerusalem; ket ti nagan ti inana Maaca+ nga apoko ni Abisalom.+  Ket nagna iti amin a basbasol ni amana nga inaramidna nga immun-una ngem isu; ket ti pusona saan idi a naan-anay+ ken Jehova a Diosna, kas iti puso ni David nga amana.+  Ta, maigapu ken David,+ nangted kenkuana ni Jehova a Diosna iti maysa a pagsilawan+ idiay Jerusalem babaen ti panangpatanorna iti anakna kalpasan kenkuana ken panamagtalinaedna nga adda ti Jerusalem,+  agsipud ta inaramid ni David ti umiso kadagiti mata ni Jehova, ket saan a simiasi iti aniaman a banag nga imbilinna kenkuana iti amin nga al-aldaw ti panagbiagna,+ ti laeng maipapan ken Urias a Heteo.+  Ket ti met laeng pannakigubat naaramid iti nagbaetan da Rehoboam ken Jeroboam iti amin nga al-aldaw ti panagbiagna.+  No maipapan iti dadduma pay kadagiti pasamak ni Abiam ken amin nga inaramidna, saanda aya a naisurat iti libro+ dagiti pasamak iti al-aldaw ti ar-ari ti Juda? Adda met pannakigubat a napasamak iti nagbaetan da Abiam ken Jeroboam.+  Kamaudiananna nakikaidda ni Abiam kadagidi ammana ket intabonda idiay Siudad ni David;+ ket ni Asa+ nga anakna nangrugi nga agturay a mangsandi kenkuana.  Iti maikaduapulo a tawen ni Jeroboam nga ari ti Israel, ni Asa nagturay kas ari ti Juda. 10  Ket uppat a pulo ket maysa a tawen a nagturay idiay Jerusalem; ket ti nagan ti apongna a baket Maaca+ nga apoko ni Abisalom.+ 11  Ket inaramid ni Asa no ania ti umiso kadagiti mata ni Jehova, kas ken David nga amana.+ 12  Iti kasta dagiti lallaki a balangkantis iti templo pinagtalawna iti daga+ ket inikkatna amin dagiti makadurmen nga idolo+ nga inaramid dagidi ammana.+ 13  No maipapan pay ken Maaca+ nga apongna a baket, inikkatna manipud kina-ina a reyna,+ agsipud ta nangaramid iti nakaal-alingget nga idolo iti sagrado a teddek; a kalpasan dayta pinukan ni Asa ti nakaal-alingget nga idolona+ ket pinuoranna+ idiay naapres a ginget ti Kidron.+ 14  Ket saanna nga inikkat+ dagiti nangato a disso.+ Nupay kasta, ti mismo a puso ni Asa naan-anay idi ken Jehova iti amin nga al-aldawna.+ 15  Ket ti bambanag a pinagsanto ni amana ken ti bambanag a pinagsantona rinugianna nga iserrek iti uneg ti balay ni Jehova, pirak ken balitok ken ar-aruaten.+ 16  Ket ti met laeng pannakigubat naaramid iti nagbaetan da Asa ken Baasa+ nga ari ti Israel iti amin nga al-aldawda. 17  Iti kasta simmang-at ni Baasa nga ari ti Israel maibusor iti Juda ket rinugianna a bangonen ti Rama,+ tapno awan palubosanna a rummuar wenno sumrek a mapan ken Asa nga ari ti Juda.+ 18  Gapu iti dayta innala ni Asa ti isuamin a pirak ken balitok a natedda kadagiti gameng ti balay ni Jehova ken kadagiti gameng ti balay ti ari ket inkabilna ida iti ima dagiti adipenna; ket ita ni Ari Asa impatulodna ida ken Ben-hadad+ nga anak ni Tabrimon nga anak ni Hezion, ti ari ti Siria,+ nga agnanaed idiay Damasco,+ a kunkunana: 19  “Adda maysa a tulag iti nagbaetanta, iti nagbaetan ni amak ken ni amam. Adtoy nangipatulodak kenka iti rangkap+ a pirak ken balitok. Umayka, rakrakem ti tulagmo ken Baasa nga ari ti Israel, tapno pumanaw koma kaniak.”+ 20  Iti kasta ni Ben-hadad inimdenganna ni Ari Asa ket imbaonna ti papanguluen dagiti puersa militar a kukuana maibusor kadagiti siudad ti Israel ket kinabilna ti Ijon+ ken Dan+ ken Abel-bet-maaca+ ken ti intero a Kinneret, agingga iti intero a daga ti Neftali.+ 21  Ket naaramid nga apaman a nangngegan dayta ni Baasa, dagus nga insardengna a binangon ti Rama+ ket intuloyna ti nagnaed idiay Tirza.+ 22  Ket ni Ari Asa, iti biangna, pinaayabanna ti intero a Juda+—awan nailaksid—ket binunagda dagiti bato ti Rama ken dagiti kayona, a pinagbangbangon ni Baasa; ket rinugian a bangonen ni Ari Asa babaen kadagita ti Geba+ idiay Benjamin, ken ti Mizpa.+ 23  No maipapan iti dadduma pay kadagiti amin a pasamak ni Asa ken isuamin a kinamannakabalinna ken amin nga inaramidna ken kadagiti siudad a binangonna, saanda aya a naisurat iti libro+ dagiti pasamak iti al-aldaw ti ar-ari ti Juda? Idi laeng tiempo a panaglakayna+ a nagsakit kadagiti sakana.+ 24  Kamaudiananna nakikaidda ni Asa kadagidi ammana+ ket naitabon a kadua dagidi ammana idiay Siudad ni David nga amana;+ ket ni Jehosafat+ nga anakna nangrugi nga agturay a mangsandi kenkuana. 25  No maipapan ken Nadab+ nga anak ni Jeroboam, nagbalin nga ari iti Israel iti maikadua a tawen ni Asa nga ari ti Juda; ket nagtultuloy nga agturay iti Israel iti dua a tawen. 26  Ket inar-aramidna no ania ti dakes+ kadagiti mata ni Jehova ket nagna iti dalan ni amana+ ken iti basolna nga iti dayta a napagbasolna ti Israel.+ 27  Ket ni Baasa+ nga anak ni Ahias iti balay ni Isacar rinugianna ti makikumplot maibusor kenkuana; ket isu kinabil ni Baasa idiay Gibbeton,+ a kukua dagiti Filisteo, bayat a ni Nadab ken ti intero nga Israel laklakubenda idi ti Gibbeton. 28  Gapuna isu pinapatay ni Baasa iti maikatlo a tawen ni Asa nga ari ti Juda ket nangrugi nga agturay a mangsandi kenkuana.+ 29  Ket naaramid nga apaman a nagbalin nga ari, kinabilna ti isuamin a balay ni Jeroboam. Saanna nga impalubos a matedda ti asinoman nga agang-anges a kukua ni Jeroboam agingga a natalipuposna ida, maitunos iti sao ni Jehova a sinaona babaen ken adipenna nga Ahias a Silonita,+ 30  maigapu kadagiti basol ni Jeroboam a kadagita a nagbasol+ ken kadagita a napagbasolna ti Israel ken babaen ti pangrurrurodna a pinangrurodna ken Jehova a Dios ti Israel.+ 31  No maipapan iti dadduma pay kadagiti pasamak ni Nadab ken amin nga inaramidna, saanda aya a naisurat iti libro+ dagiti pasamak iti al-aldaw ti ar-ari ti Israel? 32  Ket ti met laeng pannakigubat naaramid iti nagbaetan da Asa ken Baasa nga ari ti Israel iti amin nga al-aldawda.+ 33  Iti maikatlo a tawen ni Asa nga ari ti Juda, ni Baasa nga anak ni Ahias nagbalin nga ari iti intero nga Israel idiay Tirza iti duapulo ket uppat a tawen.+ 34  Ket inar-aramidna no ania ti dakes kadagiti mata ni Jehova+ ket nagna iti dalan ni Jeroboam+ ken iti basolna nga iti dayta a napagbasolna ti Israel.+

Footnotes