Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 14:1-31

14  Iti dayta met laeng a tiempo nagsakit+ ni Abias nga anak ni Jeroboam.  Gapuna kinuna ni Jeroboam iti asawana: “Tumakderka, pangngaasim, ket masapul a manglimlimoka+ tapno saanda a maammuan a sika ti asawa ni Jeroboam, ket masapul a mapanka idiay Silo. Adtoy! Sadiay ti ayan ni Ahias+ a mammadto. Isu daydiay nagsao mainaig kaniak maipapan iti panagbalin nga ari iti daytoy nga ili.+  Ket masapul a mangitugotka ita imam iti sangapulo a tinapay+ ken nawarakiwakan a tintinapay ken sangagorgorita+ a diro, ket masapul a sumrekka a mapan kenkuana.+ Pudno unay nga isunto ti mangibaga kenka no ania ti mapasamak iti ubing.”+  Ket ti asawa ni Jeroboam inaramidna ti kasta. Gapuna timmakder ket napan idiay Silo+ ket dimteng iti balay ni Ahias. Ita ni met laeng Ahias saanen a makakita, ta naginteken dagiti matana gapu iti edadna.+  Ket ni met laeng Jehova kinunana ken Ahias: “Adtoy ti asawa ni Jeroboam nga um-umay tapno agkiddaw iti sao manipud kenka maipapan iti anakna; ta isu masakit. Kastoy ken kasdiay ti rebbeng a panagsaom kenkuana. Ket mapasamakto nga apaman a dumteng, pagbalinennanto ti bagina a di mabigbig.”+  Ket naaramid nga apaman a nangngeg ni Ahias ti arimpadek dagiti sakana bayat nga um-umay idi iti pagserkan, rinugianna a kunaen: “Sumrekka, sika nga asawa ni Jeroboam.+ Apay a pagbalbalinem ti bagim a di mabigbig idinto ta maibabaonak kenka buyogen ti maysa a nakaro a mensahe?  Mapanka, sawem ken Jeroboam, ‘Daytoy ti kinuna ni Jehova a Dios ti Israel: “Iti rason nga inngatoka manipud iti tengnga ti ilim, tapno itudingka koma a panguluen iti ilik nga Israel,+  ket pinisangko+ nga inyadayo ti pagarian manipud iti balay ni David ket intedko kenka, ket saanka a nagbalin a kas ken adipenko a David, a nangsalimetmet kadagiti bilinko ken simmurot kaniak buyogen ti isuamin a pusona babaen ti panagaramid laeng iti umiso kadagiti matak,+  no di ket nangrugika nga agtignay a dakdakes ngem kadagidiay amin nga immun-una ngem sika, ken napanka ket nangaramidka maipaay kenka iti sabali a dios+ ken sinukog a ladladawan+ tapno pagrurodennak,+ ket siak ti imbellengmo iti likudam;+ 10  iti dayta a rason adtoy mangipagtengak iti didigra iti balay ni Jeroboam, ket pudno unay a gessatekto ken Jeroboam ti asinoman nga umisbo iti pader,+ daydiay awan gawgawayna ken awan patpategna iti Israel;+ ket pudno a mangaramidakto iti naan-anay a panangsagad iti likudan ti balay ni Jeroboam,+ kas iti panangikkat ti maysa iti ibleng agingga a maibelleng dayta.+ 11  Daydiay matay a kukua ni Jeroboam iti siudad, kanento dagiti aso;+ ket daydiay matay iti tay-ak, kanento dagiti agtatayab iti langlangit,+ agsipud ta sinao dayta ni Jehova a mismo.”’ 12  “Ket sika, tumakderka, mapanka iti balaymo. Inton dagiti sakam sumrekda iti siudad sigurado a matayto ti ubing. 13  Ket pudno a dung-awanto+ ti intero nga Israel ken itabonda, agsipud ta daytoy laeng a kukua ni Jeroboam ti dumtengto iti lugar a pagitabonan; iti rason a nasarakan kenkuana iti balay ni Jeroboam ti maysa a banag a naimbag maipaay ken Jehova a Dios ti Israel.+ 14  Ket sigurado a mangpatanorto ni Jehova maipaay kenkuana iti maysa nga ari+ iti Israel a manggessatto iti balay ni Jeroboam iti naibaga nga aldaw, ket ania no itan a mismo?+ 15  Ket pudno a kabilento ni Jehova ti Israel, a kas iti runo nga aglugayog iti danum;+ ket sigurado a parutennanto+ ti Israel iti daytoy nasayaat a daga+ nga intedna kadagidi ammada, ket pudno nga iwarawarananto+ ida iti labes ti Karayan,+ iti rason a nagaramidda kadagiti sagrado a teddekda,+ iti kasta pinagrurodda+ ni Jehova. 16  Ket iyawatnanto ti Israel+ maigapu kadagiti basol ni Jeroboam a kadagita a nagbasol ken kadagita a napagbasolna ti Israel.”+ 17  Iti kasta timmakder ti asawa ni Jeroboam ket napan iti dalanna ket dimteng idiay Tirza.+ Bayat ti idadatengna idi iti arsadanan ti balay, ti met laeng ubing natay. 18  Gapuna intabonda, ket isu dinungdung-awan ti intero nga Israel, maitunos iti sao ni Jehova a sinaona babaen ken adipenna nga Ahias a mammadto. 19  Ket ti dadduma pay kadagiti pasamak ni Jeroboam, no kasano a nakigubat+ ken no kasano a nagturay, sadiay naisuratda iti libro+ dagiti pasamak iti al-aldaw ti ar-ari ti Israel. 20  Ket dagiti aldaw a panagturay ni Jeroboam duapulo ket dua a tawenda, a kalpasan dayta isu nakikaidda kadagidi ammana;+ ket ni Nadab+ nga anakna nangrugi nga agturay a mangsandi kenkuana. 21  No maipapan ken ni Rehoboam+ nga anak ni Solomon, nagbalin nga ari idiay Juda. Uppat a pulo ket maysa ti tawen ni Rehoboam idi nangrugi nga agturay, ket nagturay iti sangapulo ket pito a tawen idiay Jerusalem, ti siudad+ a pinili ni Jehova manipud kadagiti amin a tribu+ ti Israel tapno ikabilna ti naganna sadiay.+ Ket ti nagan ti inana Naama nga Ammonita.+ 22  Ket inaramid ti Juda no ania ti dakes kadagiti mata ni Jehova,+ iti kasta ginargarida+ nga agimon nga ad-adda pay ngem iti amin nga inaramid dagidi ammada babaen kadagiti basolda a nagbasolanda.+ 23  Ket nagtultuloyda met a nangbangon maipaay iti bagbagida kadagiti nangato a disso+ ken kadagiti sagrado a munmon+ ken kadagiti sagrado a teddek+ iti rabaw ti tunggal nangato a turod+ ken iti sirok ti tunggal nabaludbod a kayo.+ 24  Ket uray ti lalaki a balangkantis iti templo adda idi iti daga.+ Nagtignayda maitunos iti amin a nakarimrimon a bambanag dagiti nasion a pinagtalaw ni Jehova iti sanguanan ti annak ti Israel.+ 25  Ket naaramid iti maikalima a tawen ni Ari Rehoboam a ni Sisac+ nga ari ti Egipto simmang-at a maibusor iti Jerusalem. 26  Ket naalana dagiti gameng ti balay ni Jehova ken dagiti gameng ti balay ti ari;+ ket ti isuamin innalana.+ Ket innalana amin dagiti balitok a kalasag nga inaramid ni Solomon.+ 27  Gapuna nangaramid ni Ari Rehoboam kadagiti gambang a kalasag a pangsandi kadagita, ket intalekna ida iti panangaywan ti papanguluen dagiti tumataray,+ dagiti guardia iti pagserkan ti balay ti ari.+ 28  Ket mapasamak a tunggal dumteng ti ari iti balay ni Jehova, awiten ida dagiti tumataray, ket insublida ida iti siled-ti-guardia dagiti tumataray.+ 29  Ket ti dadduma pay kadagiti pasamak ni Rehoboam ken amin nga inaramidna, saanda aya a naisurat iti libro+ dagiti pasamak kadagiti tiempo ti ar-ari ti Juda? 30  Ket ti met laeng pannakigubat kanayon a napasamak iti nagbaetan da Rehoboam ken Jeroboam.+ 31  Kamaudiananna nakikaidda ni Rehoboam kadagidi ammana ket naitabon a kadua dagidi ammana idiay Siudad ni David.+ Ket ti nagan ti inana Naama nga Ammonita.+ Ket ni Abiam+ nga anakna nangrugi nga agturay a mangsandi kenkuana.

Footnotes