Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

1 Ar-ari 10:1-29

10  Ita ti reyna ti Sheba+ mangmangngegna idi ti damag maipapan ken Solomon mainaig iti nagan ni Jehova.+ Gapuna immay tapno subokenna babaen kadagiti makatikaw a saludsod.+  Kamaudiananna dimteng idiay Jerusalem buyogen ti maysa a makapasiddaaw unay a paraipus,+ kamkamelio+ a mangaw-awit iti lana ti balsamo+ ken adu unay a balitok ken napateg a batbato; ket napan ken Solomon ket rinugianna a sawen kenkuana ti amin nga asideg idi iti pusona.+  Ni Solomon, kalpasanna, insaritana kenkuana ti amin a bambanagna.+ Awan ti banag a nailemmeng iti ari a saanna nga insarita kenkuana.+  Idi a nakita ti reyna ti Sheba ti isuamin a kinasirib ni Solomon+ ken ti balay nga imbangonna,+  ken ti taraon iti lamisaanna+ ken ti panagtugaw dagiti adipenna ken ti panagserbi-iti-lamisaan dagiti serbidorna ken ti pagan-anayda ken dagiti inumenna+ ken dagiti mapuoran a sakripisiona a regular nga indatonna iti balay ni Jehova, iti kasta awanen ti espiritu kenkuana.+  Gapuna kinunana iti ari: “Pudno ti sao a nangngegko idiay bukodko a daga maipapan iti bambanagmo ken maipapan iti kinasiribmo.+  Ket saanak a naaddaan iti pammati kadagiti sao agingga nga immayak tapno makita koma dagiti bukodko a mata; ket, adtoy! saan a naibaga kaniak ti kagudua.+ Ti bambanag a nangngegan isuda nga inimdengak linab-awam iti kinasirib ken kinarang-ay.+  Naragsak dagiti lallakim;+ naragsak+ dagitoy nga adipenmo nga agtaktakder a patinayon iti sanguanam, nga umim-imdeng iti kinasiribmo!+  Mabendito koma ni Jehova a Diosmo,+ a naragsakan+ kenka babaen ti panangisaadna kenka iti trono ti Israel;+ agsipud ta ay-ayaten ni Jehova ti Israel agingga iti tiempo a di nakedngan,+ iti kasta dinutokannaka kas ari+ tapno mangipaayka iti hudisial a pangngeddeng+ ken kinalinteg.”+ 10  Kalpasanna nangted+ iti ari iti sangagasut ket duapulo a talento a balitok+ ken adu unay a lana ti balsamo+ ken napateg a batbato. Uray kaanoman awanen ti dimteng a kaasping dayta a lana ti balsamo no iti kaadu a kas iti inted ti reyna ti Sheba ken Ari Solomon. 11  Ket ti bunggoy dagiti barko ni Hiram+ a nagawit iti balitok manipud Ofir+ nangyegda met manipud Ofir iti kaykayo dagiti algum+ iti dakkel unay a kaadu ken iti napateg a batbato.+ 12  Ket manipud kaykayo dagiti algum nangaramid ti ari kadagiti sadiri maipaay iti balay ni Jehova+ ken maipaay iti balay ti ari, ken kasta met kadagiti arpa+ ken kadagiti pagtokar nga adda kuerdasna+ maipaay kadagiti kumakanta. Ti kaykayo dagiti algum a kas itoy saan pay a dimteng wenno nakita ida agingga itoy nga aldaw. 13  Ket ni met laeng Ari Solomon intedna iti reyna ti Sheba ti isuamin a pakaragsakanna a kiniddawna, malaksid iti intedna kenkuana sigun iti kinaparabur+ ni Ari Solomon. Kalpasan dayta nagbaw-ing ket napan iti bukodna a daga, isu agraman dagiti adipenna.+ 14  Ket ti dagsen ti balitok+ a dimteng ken Solomon iti maysa a tawen nagdagup iti innem a gasut innem a pulo ket innem a talento a balitok,+ 15  malaksid iti naggapu kadagiti lallaki nga agdaldaliasat ken iti gunggona manipud kadagiti agtagtagilako ken iti amin nga ar-ari+ dagiti Arabo+ ken kadagiti gobernador ti daga. 16  Ket nangaramid ni Ari Solomon iti dua gasut a dadakkel a kalasag a balitok a nagamporan+ (innem a gasut a siklo a balitok ti inkabilna iti tunggal dakkel a kalasag),+ 17  ken tallo gasut a sarapa a balitok a nagamporan (tallo a mina a balitok ti inkabilna iti tunggal sarapa).+ Kalpasanna inkabil ida ti ari idiay Balay ti Bakir ti Libano.+ 18  Kanayonanna, ti ari nangaramid iti dakkel a trono+ a marfil+ ket kinalupkopanna iti balitok a napasudi.+ 19  Adda innem a tukad agingga iti trono, ket ti trono addaan nagbukel a balawbaw iti likudanna, ket adda pagipatayan iti takiag iti daytoy a sikigan ken iti dayta a sikigan iti igid ti pagtugawan, ket dua a leon+ ti sitatakder iti sibay dagiti pagipatayan iti takiag.+ 20  Ket adda sangapulo ket dua a leon a sitatakder sadiay iti rabaw ti innem a tukad, iti daytoy a sikigan ken iti dayta a sikigan. Awanen ti sabali pay a pagarian a nakaaramid iti aniaman a kaasping dayta.+ 21  Ket amin dagiti basehas a paginuman ni Ari Solomon naaramid iti balitok, ken amin dagiti basehas iti Balay ti Bakir ti Libano+ naaramid iti puro a balitok.+ Awan ti naaramid iti pirak; idi kaaldawan ni Solomon naibilang dayta kas awan a pulos kapapay-anna. 22  Ta ti ari addaan iti bunggoy dagiti barko ti Tarsis+ iti baybay a naikuyog iti bunggoy dagiti barko ni Hiram. Maminsan iti tunggal tallo a tawen dumteng ti bunggoy dagiti barko ti Tarsis a nagkarga iti balitok+ ken pirak, marfil,+ ken bakbakes ken kadagiti paboreal. 23  Gapuna ni Ari Solomon dakdakkel idi iti kinabaknang+ ken kinasirib+ ngem iti amin a sabsabali nga ar-ari iti daga. 24  Ket ti amin a tattao iti daga sapsapulenda idi ti rupa ni Solomon tapno denggenda ti siribna nga inkabil ti Dios iti pusona.+ 25  Ket nangyegda tunggal maysa iti sagutna,+ ar-aruaten a pirak+ ken ar-aruaten a balitok ken kawkawes ken armas+ ken lana ti balsamo, kabkabalio ken mulmulo,+ kas tinawen a kadawyan nga aramid.+ 26  Ket nagtultuloy a nagurnong ni Solomon iti ad-adu pay a karuahe ken kabkabalio a pakigubat; ket naaddaan iti sangaribu uppat a gasut a karuahe ken sangapulo ket dua a ribu a kabalio a pakigubat,+ ket pinagtalinaedna ida a naisaad kadagiti siudad ti karuahe ken asideg iti ari idiay Jerusalem.+ 27  Ket ti ari pinagbalinna ti pirak idiay Jerusalem a kasla kadagiti bato,+ ket ti sedro a kayo pinagbalinna a kasla kadagiti kayo a sikomoro nga adda idiay Sefela gapu iti dakkel a kaaduda.+ 28  Ket adda idi ti panagangkat manipud Egipto kadagiti kabalio a naadda ken Solomon, ket ti bunggoy dagiti komersiante ti ari alaenda a mismo ti pangen dagiti kabalio maipaay iti maysa a gatad.+ 29  Ket ti maysa a karuahe nakayugalian a nairuar ket naangkat manipud Egipto iti innem a gasut a kapisi a pirak, ken ti maysa a kabalio iti sangagasut ket limapulo; ket kasta idi iti amin nga ar-ari dagiti Heteo+ ken iti ar-ari ti Siria. Babaen kadakuada nga inaramidda ti panagangkat.

Footnotes