Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Pinarsua Kadi ti Dios ti Diablo Tapno Subokennatayo?

Pinarsua Kadi ti Dios ti Diablo Tapno Subokennatayo?

Sungbat ti Biblia

Ipakita ti Biblia a ti Dios saanna a pinarsua ti Diablo. Imbes ketdi, pinarsuana ti maysa a persona a nagbalin a Diablo. Kastoy ti kuna ti Biblia maipapan iti Dios: “Naan-anay ti aramidna, ta amin a daldalanna kinahustisia. Maysa a Dios ti kinamatalek, a kenkuana awan ti di kinahustisia; Isu nalinteg ken napalungdo.” (Deuteronomio 32:3-5) Kadagita a sasao, maikunatayo nga adda idi tiempo a perpekto ken nalinteg ni Satanas a Diablo, kinapudnona, maysa idi kadagiti anghel nga annak ti Dios.

Iti Juan 8:44, kinuna ni Jesus a ti Diablo ket “saan a nagtakder a di maisin iti kinapudno,” a mangipakita a ni Satanas ket sigud a napudno ken awanan basol.

Ngem kas kadagiti dadduma a parsua ni Jehova nga addaan iti pannakabael nga agpanunot, ti anghel a nagbalin a Satanas ket addaan iti wayawaya nga agpili iti naimbag wenno dakes. Gapu ta pinilina a busoren ti Dios ken sinugsoganna a kumanunong kenkuana ti umuna a pagassawaan, inaramidna ti bagina kas Satanas, a ti kayatna a sawen ket “Bumusbusor.”—Genesis 3:1-5; Apocalipsis 12:9.

Ammuem ti Ad-adu Pay

Sadino ti Nagtaudan ti Diablo?

No ti Dios ti nangparsua iti amin a banag, isu kadi ti nangparsua iti Diablo? Kaano a timmaud ti Diablo? Ammuem ti kuna ti Biblia.

Ti Diablo—Apay a Di Pay La Pukawen ti Dios?

Ibaga kadatayo ti Biblia a ni Satanas ket dadaelento ti Dios iti umiso a tiempo. Basaem no apay dina pay inaramid dayta.