Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania Dagiti Tulbek iti Panangtarus iti Biblia?

Ania Dagiti Tulbek iti Panangtarus iti Biblia?

Sungbat ti Biblia

Ilawlawag a mismo ti Biblia no ania ti masapul nga aramidem tapno matarusam dayta. Aniaman ti kasasaadmo iti biag, ti mensahe ti Dios a nailanad iti Biblia ket “saan a nakarigrigat kenka, saan met nga adayo.”—Deuteronomio 30:11.

Tulbek iti panangtarus iti Biblia

  1. Maaddaanka iti umiso a kababalin. Akseptarem ti Biblia kas Sao ti Dios. Agbalinka a napakumbaba, yantangay kagura ti Dios ti natangsit. (1 Tesalonica 2:13; Santiago 4:6) Nupay kasta, saanka a basta mamatpati lattan—kayat ti Dios nga usarem ti ‘pannakabalinmo nga agrason.’—Roma 12:1, 2.

  2. Agkararagka maipaay iti sirib. Dika agkammatalek iti bukodmo a pannakaawat,” kuna ti Proverbio 3:5. Imbes ketdi, ‘itultuloymo ti dumawat iti Dios’ iti sirib tapno matarusam ti Biblia.—Santiago 1:5.

  3. Regular nga agadalka. Dakdakkel ti magunggonam iti panagadalmo iti Biblia no regular nga aramidem dayta saan ket a sagpaminsan laeng.—Josue 1:8.

  4. Topiko por topiko nga adalem. Ti topiko por topiko a panagadal, nga usigem no ania ti kuna ti Biblia maipapan iti maysa a topiko wenno suheto, ket epektibo a pamay-an tapno maammuam no ania ti isursuro ti Kasuratan. Mangrugika kadagiti pamunganayan a sursuro, sa isarunom nga adalen dagiti naun-uneg a topiko. (Hebreo 6:1, 2) Matakuatamto a mabalinmo a pagdidiligen dagiti teksto ken masursuromto a dagiti nagduduma a paset ti Biblia ti mangilawlawag met laeng iti linaonna, uray kadagiti paset a “narigat a maawatan.”—2 Pedro 3:16.

  5. Agpatulongka. Iparparegta ti Biblia nga agpatulongtayo kadagiti makatarus iti Biblia. (Aramid 8:30, 31) Mangituktukon dagiti Saksi ni Jehova iti libre a programa iti panagadal iti Biblia. Kas kadagiti nagkauna a Kristiano, us-usarenda ti Kasuratan a tumulong kadagiti sabsabali a mangtarus iti talaga nga isursuro ti Biblia.—Aramid 17:2, 3.

Bambanag a dimo kasapulan

  1. Nailubongan a sirib wenno nangato nga adal. Natarusan dagiti 12 nga apostol ni Jesus ti Kasuratan ken insuroda dayta kadagiti sabsabali, uray no imbilang dagiti dadduma a tattao dagiti apostol kas “awan adalna ken gagangay.”—Aramid 4:13.

  2. Kuarta. Libre a maammuam no ania ti isursuro ti Biblia. Imbaga ni Jesus kadagiti adalanna: “Inawatyo nga awan bayadna, itedyo nga awan bayadna.”—Mateo 10:8.

 

Ammuem ti Ad-adu Pay

Apay nga Adalem ti Biblia?

Mangipapaay ti Biblia kadagiti sungbat ti agkakapateg a saludsod ti minilion a tattao iti intero a lubong. Kayatmo kadi met ti matulongan?

Ti Biblia—Libro a Naggapu iti Dios

Kasano a matulongannaka ti Biblia a mangrisut kadagiti parikutmo? Apay a mapagtalkam dagiti padtona?

Panangbirok iti Tulong Tapno Maawatan ti Biblia

No nadisenio ti Biblia a nalaka a maawatan, apay a kasapulam latta ti tulong tapno maawatam dayta?