Mapan iti linaonna

Mapan iti segundario a pagpilian

Dagiti Saksi ni Jehova

Iloko

Kasanok a Masalakniban ti Bagik no Adda Mangbastos Kaniak?

Kasanok a Masalakniban ti Bagik no Adda Mangbastos Kaniak?

Sungbat ti Biblia

Usigem dagitoy a praktikal a balakad ti Biblia:

  1. Agtignayka a nanakman. Agbalin a mannakigayyem ken nadayaw kadagiti katrabahuam, ngem dika makigayyem a kasla anamongam ti seksual nga interesda.—Mateo 10:16; Colosas 4:6.

  2. Agkaweska iti nanakman. Saan a nasayaat ti impresionda kenka no makagargari ti panagkawkawesmo. Iparegta ti Biblia a ti panagkawkawestayo ket mangipakita iti “kinaemma ken kinasimbeng ti panunot.”—1 Timoteo 2:9.

  3. Piliem a naimbag ti gagayyemmo. No makikaduaka kadagidiay mangipalubos wenno paggugustoda ti agalembong wenno flirting, mabalin a kasta met ti panangtratoda kenka.—Proverbio 13:20.

  4. Liklikam dagiti naalas a sasao. Pumanawkan no ti saritaan ket agturongen iti “narugit nga estoria, minamaag a sasao, wenno naalas nga angaw.”—Efeso 5:4, God’s Word Bible.

  5. Liklikam dagiti makasulisog a kasasaad. Kas pagarigan, agannadka kadagiti awis nga agbati kalpasan ti trabaho nga awan met ti napateg a rason.—Proverbio 22:3.

  6. Agbalinka a natibker ken prangka. No binastosdaka, ibagam iti nangbastos kenka saanmo a kayat ti inaramidna. (1 Corinto 14:9) Kas pagarigan, “Kanayonak a sagiden, isardengmon ta diak kayat dayta.” Mabalinmo ti agsurat iti nangbastos kenka ken ibagam ti riknam ken no ania ti kayatmo a mapasamak inton sumaruno. Ilawlawagmo ti takdermo a naibatay iti moral ken narelihiosuan a patpatiem.—1 Tesalonica 4:3-5.

  7. Agpatulongka. No agtultuloy ti panangbastosda kenka, ipulongmo iti mapagtalkam a gayyem, kapamiliam, wenno katrabahuam wenno asinoman a nakatulongen kadagiti biktima ti panangbastos. (Proverbio 27:9) Dakkel ti naitulong ti kararag kadagiti adu a biktima ti panangbastos. Uray no dimo pay napadpadasan ti nagkararag, dimo tagibassiten ti tulong nga ipaay ni Jehova, “ti Dios ti amin a liwliwa.”—2 Corinto 1:3.

Ti panangbastos ket mangpataud iti narigat a kasasaad iti pagtrabahuan iti adu, ngem makatulong ti Biblia.

 

Ammuem ti Ad-adu Pay

SALUDSOD DAGITI AGTUTUBO

Ania ti Aramidek no Adda Mangbastos Kaniak?

Ammuem no ania ti panangbastos ken ti mabalinmo nga aramiden no sika ti biktima.

TI PAGWANAWANAN

Dagiti Problema ti Babbai

Iti intero a lubong, ti kinaranggas ken diskriminasion ti mangparparigat kadagiti babbai iti intero a panagbiagda. Apay?