Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Padto?

Ania ti Padto?

Sungbat ti Biblia

Ti padto ket mensahe wenno pakaammo a naggapu iti Dios. Kuna ti Biblia a dagiti propeta ket ‘nagsao manipud iti Dios bayat nga idaldalan ida ti nasantuan nga espiritu.’ (2 Pedro 1:20, 21) Isu a ti maysa a propeta wenno mammadto ti umawat iti mensahe ti Dios ket ipakaammona dayta iti sabsabali.Aramid 3:18.

Kasano a nakaawat dagiti propeta kadagiti impormasion manipud iti Dios?

Nagusar ti Dios iti nagduduma a pamay-an tapno mayallatiwna dagiti pampanunotna kadagiti propetana:

  • Panangisurat. Inusar ti Dios daytoy a pamay-an iti naminsan idi direkta nga insuratna ti Sangapulo a Bilin ket intedna dayta ken Moises.Exodo 31:18.

  • Pannakisarita babaen kadagiti anghel. Kas pagarigan, inusar ti Dios ti maysa nga anghel tapno maibagana ken Moises ti mensahe nga ipakaammona iti Faraon ti Egipto. (Exodo 3:2-4, 10) Kadagiti gundaway a masapul ti eksakto a sasao, binilin ti Dios dagiti anghel a mangidiktar iti mensahena, kas iti inaramidna idi kinunana ken Moises: “Isuratmo maipaay kenka dagitoy a sasao, agsipud ta maitunos kadagitoy a sasao a mamatalgedak iti tulag kenka ken iti Israel.”—Exodo 34:27. *

  • Sirmata. Adda dagiti gundaway a naipakita dagiti sirmata iti propeta bayat a nakariing. (Isaias 1:1; Habakuk 1:1) Dadduma ti kasla aktual a napasamak ta uray la nakiraman ti immawat iti sirmata. (Lucas 9:28-36; Apocalipsis 1:10-17) Iti dadduma met a gundaway, naipakita dagiti sirmata bayat a kasla matmaturog ti nakaitedan dayta ngem mapupuotanna ti mapaspasamak iti aglawlawna. (Aramid 10:10, 11; 22:17-21) Impakaammo met ti Dios ti mensahena babaen iti tagtagainep bayat a matmaturog ti propeta.Daniel 7:1; Aramid 16:9, 10.

  • Panangidalan iti panunot. Indalan ti Dios ti pampanunot dagiti propetana tapno mayallatiw ti mensahena. Dayta ti kaipapanan ti ibagbaga ti Biblia: “Amin a Kasuratan impaltiing ti Dios.” Ti sasao nga “impaltiing ti Dios” ket mabalin a maipatarus kas “impuyot ti Dios.” (2 Timoteo 3:16; The Emphasised Bible) Inusar ti Dios ti nasantuan nga espirituna, wenno ti us-usarenna a puersa, tapno “ipuyotna” dagiti ideyana iti panunot dagiti adipenna. Ti mensahe ket naggapu iti Dios, ngem ti propeta ti nangpili iti sasao a nausar.2 Samuel 23:1, 2.

Ti kadi padto ket kanayon a maipapan iti panangibaga iti mapasamak iti masanguanan?

Saan. Saan nga amin a padto iti Biblia ket maipapan iti panangibaga iti mapasamak iti masanguanan. Ngem kaaduan a mensahe a naggapu iti Dios ket maipanggep iti masanguanan, uray no saan a direkta. Kas pagarigan, maulit-ulit a pinakdaaran dagiti propeta ti Dios dagiti nagkauna nga Israelita maipapan kadagiti dakes nga ar-aramidda. Dagita a pakdaar ket naglaon kadagiti bendision iti masanguanan a maawatda no dumngegda iti pakdaar, kasta met kadagiti didigra a mapasamak kadakuada no saanda a dumngeg. (Jeremias 25:4-6) Ti napasamak kadagiti Israelita ket resulta ti pinilida a dalan.Deuteronomio 30:19, 20.

Dadduma a padto iti Biblia a saan a maipapan iti mapasamak iti masanguanan

  • Naminsan, idi nagpatulong dagiti Israelita iti Dios, imbaonna ti maysa a propeta a mangibaga a saan a tinulongan ida ti Dios gapu ta dida nagtulnog kadagiti bilinna.Uk-ukom 6:6-10.

  • Idi nakisarita ni Jesus iti maysa a Samaritana, imbagana ti napalabas ti babai a naammuanna laeng babaen iti panangipakaammo ti Dios. Binigbig ti Samaritana a ni Jesus ket maysa a propeta uray no awan ti imbagana a mapasamak iti masanguanan.Juan 4:17-19.

  • Idi mabisbista ni Jesus, inabbungotan dagiti kabusorna ti rupana, kinabilda, sa imbagada: “Agipadtoka. Asino daydiay nangkabil kenka?” Saanda nga ibagbaga ken Jesus nga ibagana ti mapasamak iti masanguanan, no di ket babaen iti pannakabalin ti Dios, inagananna ti nangkabil kenkuana.Lucas 22:63, 64.

^ par. 7 Uray no kasla agparang a ti Dios a mismo ti nakisarita ken Moises iti daytoy a pagarigan, ipakita ti Biblia a nangusar ti Dios kadagiti anghel tapno mayallatiw ti Mosaiko a Linteg.Aramid 7:53; Galacia 3:19.

Ammuem ti Ad-adu Pay

Nagsao ti Dios Babaen Kadagiti Mammadtona

Ania a mensahe ti impaidanon ti Dios kadagiti propeta? Ammuem ti uppat a tema a pinutarda.

Kaano ti Panungpalan ti Lubong?

Tapno maammuam ti sungbat, napateg a maawatam no ania ti tuktukoyen ti Biblia a manungpal wenno agpatingga.