Mapan iti linaonna

Mapan iti segundario a pagpilian

Dagiti Saksi ni Jehova

Iloko

Diak Magustuan ti Biagko—Makatulong Kadi ti Relihion, Dios, Wenno ti Biblia?

Diak Magustuan ti Biagko—Makatulong Kadi ti Relihion, Dios, Wenno ti Biblia?

Sungbat ti Biblia

Wen. Ti Biblia, a nagkauna a libro iti sirib, ket mangipapaay iti sungbat dagiti napateg a saludsod iti biag ken makatulong tapno maliwliwaka ken mariknam a napategka. Usigem ti sumagmamano a saludsod a sungbatanna.

  1. Adda kadi Namarsua? Kuna ti Biblia a ti Dios ‘pinarsuana ti amin a bambanag.’ (Apocalipsis 4:11) Kas Namarsua, ammo ti Dios no ania ti kasapulantayo tapno sumayaat ti riknatayo ken mapnektayo iti biagtayo.

  2. Maseknan kadi kaniak ti Dios? Saan nga isursuro ti Biblia a ti Dios ket adayo iti sangatauan no di ket kastoy ti kunana: “Saan nga adayo iti tunggal maysa kadatayo.” (Aramid 17:27) Interesado ti Dios iti mapaspasamak kenka ken kayatnaka a tulongan tapno agballigika.—Isaias 48:17, 18; 1 Pedro 5:7.

  3. Kasano a sumayaat ti riknak no maam-ammok ti Dios? Pinarsuanatayo ti Dios nga addaan iti ‘naespirituan a panagkasapulan,’ ti nainkasigudan a tarigagay a mangammo iti kaipapanan ken panggep ti biag. (Mateo 5:3) Ti naespirituan a kasapulantayo ramanenna met ti panagtarigagay a mangam-ammo iti Namarsua kadatayo ken ti pannakigayyem kenkuana. Apresiaren ti Dios ti panangikagumaantayo a mangam-ammo kenkuana, ta kuna ti Biblia: “Umadanikayo iti Dios, ket isu umadaninto kadakayo.”—Santiago 4:8.

Natakuatan ti minilion a tattao a simmayaat ti rikna ken nagbalin a makapnek ti biagda gapu iti pannakigayyemda iti Dios. No am-ammom ti Dios, dina kayat a sawen a saankan nga agproblema, ngem ti sirib a masarakan iti Biblia ket makatulong kenka a

Adu a relihion nga agus-usar iti Biblia ti saan a mangsursurot kadagiti pannursuro ti Biblia. Ngem ti pudno a relihion, a mangsursurot iti kuna ti Biblia, tulongannaka a mangam-ammo iti Dios.

 

Ammuem ti Ad-adu Pay

SUNGBAT DAGITI SALUDSOD MAIPAPAN ITI BIBLIA

Ania ti Panggep ti Biag?

Napanunotmo kadin, ‘No ania ti panggep ti biag?’ Ammuen ti sungbat ti Biblia iti dayta a saludsod.

AGRIINGKAYO!

Ti Nailemmeng a Salaysay Maipapan iti Panamarsua

Ti kadi salaysay ti Biblia maipapan iti panamarsua ket maitunos iti nasientipikuan a kinapudno?

LIBRO KEN BROSHUR

Posible nga Agbalin a Naragsak ti Pamiliam

Agbalin a naragsak ti panagasawam ken pamiliam no iyaplikarmo dagiti prinsipio ti Biblia.

TI PAGWANAWANAN

Panagbadyet

Dagiti paggastuan ti pamilia ti pakaigapuan ti adu a panagsubang. Ammuem dagiti praktikal a tulong manipud iti Biblia tapno masolbar dagiti problema maipapan iti kuarta.