Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ti Nagtaudan ti Halloween—Ania ti Kuna ti Biblia Maipapan Kadagita?

Ti Nagtaudan ti Halloween—Ania ti Kuna ti Biblia Maipapan Kadagita?

Sungbat ti Biblia

Awan ti dakamaten ti Biblia a Halloween. Ngem ti nagtaudan ti nagkauna a Halloween ken ti moderno a kaugalian ipakitada a selebrasion dayta a naibasar kadagiti palso a sursuro maipapan kadagiti natay ken dagiti di makita nga espiritu, wenno demonio.—Kitaem ti “Pakasaritaan ken kostumbre ti Halloween.”

Mamakdaar ti Biblia: “Awan koma a pulos kadakayo . . . ti makiuman kadagiti al-alia wenno espiritu, wenno makisarita kadagiti natay.” (Deuteronomio 18:10-12, The Jerusalem Bible) Nupay ibilang ti dadduma nga awan pagdaksanna ti Halloween, ipakita ti Biblia a kondenarenna dagiti aramid a nainaig kadagita. Kuna ti Biblia iti 1 Corinto 10:20, 21: “Diak kayat a makikaduakayo kadagiti demonio. Diyo mabalin nga inuman ti kopa ti Apo ket kalpasanna, inumanyo met ti kopa dagiti demonio.”—Ti Baro a Naimbag a Damag Biblia.

Pakasaritaan ken kostumbre ti Halloween

  1. Samhain: Ti nagtaudan ti Halloween ket manipud iti “nagkauna a piesta dagiti pagano a selselebraran dagiti Celtic nasurok a 2,000 a tawenen ti napalabas,” kuna ti The World Book Encyclopedia. “Patien dagiti Celt a dagiti natay makalangenda dagiti sibibiag. Bayat ti Samhain, dagiti sibibiag sarungkaranda dagiti natay.” Ngem nalawag nga isursuro ti Biblia a dagiti natay “saanda a sipapanunot iti aniaman.” (Eclesiastes 9:5) Ngarud, dagiti natay saanda a makasarita dagiti sibibiag.

  2. Dagiti kostium, kendi, ken trick or treat iti Halloween: Sigun iti libro a Halloween—An American Holiday, An American History, dadduma kadagiti Celt ket agkawesda a kas iti bampira tapno ipapan dagiti agpaspasiar nga espiritu a kaduada ket panawanda ida. Dadduma ti mangted iti kendi tapno ay-aywenda dagiti espiritu. Iti nagkauna a Europa, inakseptar dagiti klero a Katoliko dagiti pagano a kaugalian iti dayta a lugar ken agbalaybalay dagiti pasurotda a nakakostium ken agdawat kadagiti regalo. Iti sabali a bangir, saan nga ipalubos ti Biblia ti panaglaok dagiti palso nga ar-aramid ti relihion ken ti panagdayaw iti Dios.2 Corinto 6:17.

  3. Dagiti al-alia, bampira, ken mangkukulam: Dagitoy ket nabayagen a nainaig iti lubong dagiti dakes nga espiritu. (Halloween Trivia) Nalawag nga ibaga ti Biblia a busorentayo dagiti dakes nga espiritu, saan ket a makikadua kadakuada nga agrambak.Efeso 6:12.

  4. Halloween pumpkin wenno jack-o’-lantern: Iti nagkauna a Britania, “dagiti agpakpakaasi ket agbalaybalayda nga agdawat iti makan a kasukat ti panangikararagda kadagiti minatayda,” ken adda awitda a “naabutan a singkamas (turnip lantern) a ti kandela nga adda iti uneg ipasimudaagna ti kararua a nakulong iti purgatorio.” (Halloween—From Pagan Ritual to Party Night) Kuna ti dadduma a dayta ket nausar a pangbugaw kadagiti dakes nga espiritu. Bayat ti maika-19 a siglo iti North America, dagiti singkamas ket nasuktan iti karabasa ta ad-adu ken nalaklaka nga abutan ken ukitan. Ti nagtaudan dagiti kaugalian kas iti di matay a kararua, purgatorio, ken kararag para kadagiti natay ket saan a naibasar iti Biblia.Ezequiel 18:4.

 

Ammuem ti Ad-adu Pay

Ti Kinapudno Maipapan iti Halloween

Ammuem ti dakes a nagtaudan ti Halloween ken dagiti umasping a selebrasion.

Rumbeng Kadi a Rambakantayo Dagiti Piesta?

Ania ti nagtaudan ti adu a piesta a maselselebraran iti lugaryo? Mabalin a masdaawka iti sungbat.