Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Mamati Kadi Dagiti Eskolar a Nagbiag ni Jesus?

Mamati Kadi Dagiti Eskolar a Nagbiag ni Jesus?

Adda natibker a pammaneknek dagiti eskolar a mamati a nagbiag ni Jesus. Mainaig kadagiti panangdakamat dagiti historiador idi umuna ken maikadua a siglo maipapan ken ni Jesus ken dagiti nagkauna a Kristiano, kastoy ti kuna ti Encyclopædia Britannica, 2002 nga Edision: “Dagitoy a nagduduma a reperensia paneknekanda nga uray idi un-unana, dagiti bumusbusor iti Kristianidad namatida a talaga a nagbiag ni Jesus, a makueskuestionaran iti immuna a gundaway ken kadagiti di umiso a rason idi ngudo ti maika-18 a siglo, kabayatan ti maika-19 a siglo, ken idi rugrugi ti maika-20 a siglo.

Idi 2006, kastoy ti kuna ti libro a Jesus and Archaeology: Awan ti mapagtalkan nga eskolar ita a saan a mamati a nagbiag ti Judio nga agnagan iti Jesus nga anak ni Jose; aklonen ti kaaduan nga adu itan ti ammotayo maipapan kadagiti inaramidna ken kadagiti pamunganayan a pannursurona.

Ipakita ti Biblia a ni Jesus ket pudpudno a persona. Nailanad iti dayta ti nagan dagiti kapuonanna ken ti pamiliana. (Mateo 1:1; 13:55) Nailanad pay ti nagan dagiti prominente nga agtuturay a kapanawenan ni Jesus. (Lucas 3:1, 2) Dagita a detalye ket nakatulong kadagiti managsirarak a mangpasingked iti kinaumiso dagiti salaysay ti Biblia.

Ammuem ti Ad-adu Pay

No Apay a Mapagtalkam Dagiti Ebanghelio ti Biblia

Usigem ti pammaneknek dagiti nagkauna a manuskrito.