Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Kuna ti Biblia Maipapan iti Easter?

Ania ti Kuna ti Biblia Maipapan iti Easter?

Sungbat ti Biblia

Saan a naibatay iti Biblia ti panangrambak iti Easter. No kitaem ti pakasaritaanna, maammuam no ania a talaga ti Easter—maysa daytoy a tradision a naibatay iti nagkauna a ritual dagiti agdaydayaw iti diosa ti kinabunga. Panunotem dagiti sumaganad.

  1. Awag: Kuna ti Encyclopædia Britannica: “Saan a masigurado no nagtaudan ti Ingles a termino nga Easter; ti padi nga Anglo-Saxon a ni Venerable Bede innalana daytoy iti Eostre a diosa ti primavera dagiti Anglo-Saxon.” Adda met dagiti agkuna a naala dayta iti Astarte, ti diosa ti kinabunga dagiti taga-Fenicia nga isu met laeng ni Ishtar a diosa iti Babilonia.

  2. Koneho: Dagitoy ket simbolo ti kinabunga “a nagtaud kadagiti nagkauna a seremonia ken simbolo dagiti pagano a piesta ti primavera iti Europa ken Makintengnga a Daya.—Encyclopædia Britannica.

  3. Itlog: Sigun iti Funk & Wagnalls Standard Dictionary of Folklore, Mythology and Legend, ti panagsapul kadagiti itlog iti Easter, a maipagarup nga inyeg dagiti koneho, ‘ket saan a basta ay-ayam ti ubing, no di ket nagtaud iti ritual ti kinabunga.’ Iti dadduma a kultura, patienda a dagiti nakoloran nga itlog iti Easter ket “mangyeg iti kinaragsak, kinarang-ay, kinasalun-at, ken proteksion iti datdatlag a pamay-an.”—Traditional Festivals.

  4. Baro a kawes no Easter: Maibilang a kinaawan panagraem ken malas ti mangsabet iti diosa ti Primavera, wenno Eastre, iti Scandinavia, no saan a baro ti kawesmo.’—The Giant Book of Superstitions.

  5. Dagiti ritual iti ileleggak ti init: Nainaig daytoy kadagiti ritual dagiti nagkauna nga agdaydayaw iti init a “maar-aramid iti vernal equinox kas panangsarabo iti init ken iti kasta unay a bilegna a mangyeg iti baro a biag kadagiti amin nga agtubtubo a banag.”—Celebrations—The Complete Book of American Holidays.

Umiso ti kuna ti The American Book of Days maipapan iti nagtaudan ti Easter: “Awan duadua a ti Simbaan idi un-unana sinurotna dagiti nagkauna a pagano a kaugalian sa inikkanna dagitoy iti Nakristianuan a kaipapanan.

Kuna ti Biblia a no agdayawtayo iti Dios, saan a rumbeng a surotentayo dagiti tradision wenno kaugalian a di makaay-ayo kenkuana. (Marcos 7:6-8) Kuna ti 2 Corinto 6:17: “‘Isinayo ti bagbagiyo,’ kuna ni Jehova, ‘ket isardengyo a sagiden ti di nadalus a banag.’” Ti Easter ket maysa a pagano a piesta a masapul a liklikan dagiti mayat a mangay-ayo iti Dios.

Ammuem ti Ad-adu Pay

Pananglaglagip iti Ipapatay ni Jesus

Minilion ti agtataripnong iti kada tawen tapno selebraranda ti anibersario ti ipapatay ni Jesus. Maawiska tapno maammuam no kasano nga apektarannaka daytoy nagpateg nga okasion.

Apay a Saan a Selselebraran Dagiti Saksi ni Jehova ti Easter?

Ti Easter ket ibilang ti adu kas Nakristianuan a selebrasion. Apay a saan a selselebraran daytoy dagiti Saksi ni Jehova?