Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Basol Kadi ti Agsugal?

Basol Kadi ti Agsugal?

Sungbat ti Biblia

Uray no saan a detalyado nga inlawlawag ti Biblia ti maipapan iti panagsugal, maawatantayo kadagiti prinsipio ti Biblia nga ibilang ti Dios a basol ti panagsugal.Efeso 5:17. *

  • Agsugal ti maysa a tao gapu iti kinaagum, banag a kagura ti Dios. (1 Corinto 6:9, 10; Efeso 5:3, 5) Mangnamnama dagiti sugador a maabak ti dadduma tapno mangabakda iti kuarta, ngem ibaga ti Biblia a dakes ti napalalo a panangtarigagay iti sanikua wenno kukua ti dadduma.Exodo 20:17; Roma 7:7; 13:9, 10.

  • Ti panagsugal, uray iti bassit laeng a kantidad, ket mabalin nga agresulta iti makadadael a panagayat iti kuarta.1 Timoteo 6:9, 10.

  • Kaaduanna nga agdepende dagiti sugador iti gasat, wenno suerte, wenno kadagiti pampammati (pamahiin iti Tagalog). Ngem ibilang ti Dios dagita a patpatien kas kita ti idolatria, a saan a maitunos iti panagdaydayaw kenkuana.Isaias 65:11.

  • Irekomenda ti Biblia ti nagaget a panagtrabaho, imbes a ti panagtarigagay a maalam ti banag a dimo man la nagbannogan. (Eclesiastes 2:24; Efeso 4:28) Dagidiay mangsursurot iti balakad ti Biblia ket ‘mangan iti taraon a mateggedda [wenno, nagbannoganda] a mismo.’2 Tesalonica 3:10, 12.

  • Mabalin a riingen ti panagsugal ti saan a nasayaat a pannakikompetensia, banag a maikontra iti Biblia.Galacia 5:26.

^ par. 3 Ti panagsugal ket espesipiko laeng a nadakamat iti Biblia idi pinagbibinnunotan, wenno “pinagsisinnugalan” dagiti Romano a soldado ti lupot ni Jesus.Mateo 27:35; Juan 19:23, 24; Contemporary English Version.

Ammuem ti Ad-adu Pay

No Kasanom a Kontrolen ti Panaggastom

Usigem ti 6 a praktikal a singasing a makatulong kenka a mangliklik iti aglablabes a panaggasto.

Kasanotayo a Magunggonaan Kadagiti Prinsipio ti Biblia?

Inlawlawag ni Jesus no apay a kasapulantayo ti panangiwanwan ken no ania ti dua a prinsipio ti Biblia a kapatgan.