Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Kaipapanan ti Pito ti Ulona nga Animal iti Apocalipsis Kapitulo 13?

Ania ti Kaipapanan ti Pito ti Ulona nga Animal iti Apocalipsis Kapitulo 13?

Sungbat ti Biblia

Ti atap nga animal a pito ti ulona a nadakamat iti Apocalipsis 13:1 iladawanna ti sangalubongan a napolitikaan a sistema.

  • Adda autoridadna, pannakabalin, ken trono a mangipakita a maysa daytoy a gobierno.Apocalipsis 13:2.

  • Iturturayanna ti “tunggal tribu ken ili ken pagsasao ken nasion,” isu a saan laeng a gobierno ti maysa a nasion.Apocalipsis 13:7.

  • Napagtitipon ti paset ti uppat nga animal a nadeskribir iti padto iti Daniel 7:2-8 a buklen ti langa ti leopardo, saka ti oso, ngiwat ti leon, ken sangapulo a sara. Dagiti animal iti padto ni Daniel ket natukoy kas ar-ari, wenno napolitikaan a gobierno, a nagsasaruno nga agturay kadagiti imperio. (Daniel 7:17, 23) Gapuna, ti atap nga animal a nadakamat iti Apocalipsis kapitulo 13 irepresentarna ti maysa a napolitikaan nga organisasion.

  • Rumkuas daytoy “manipud iti baybay,” kayatna a sawen manipud iti nariribuk a tattao a nagtaudan dagiti gobierno ti tao.Apocalipsis 13:1; Isaias 17:12, 13.

  • Ibaga ti Biblia a ti numero, wenno nagan, ti animal a 666 ket “numero ti tao.” (Apocalipsis 13:17, 18) Ipakita dayta a ti animal iti Apocalipsis kapitulo 13 ket maysa a natauan, saan nga espiritu wenno demonio.

Nupay mabalin nga agtutunos dagiti nasion iti sumagmamano a bambanag, agkaykaysada a mangikagumaan a mangtaginayon iti autoridadda imbes nga agpasakupda iti turay ti Pagarian ti Dios. (Salmo 2:2) Agkakaduada met a makigubat iti buyot ti Dios nga idadauluan ni Jesu-Kristo inton Armagedon, ngem daytoy a gubat ket agresultanto iti pannakadadael dagiti nasion.Apocalipsis 16:14, 16; 19:19, 20.

“Sangapulo a sara ken pito nga ulo”

Iti Biblia, dadduma a numero ket nausar a simboliko. Kas pagarigan, ti numero a pito ken sangapulo irepresentarna ti kinaan-anay. Tapno matarusantayo ti espesipiko a kaipapanan ti “sangapulo a sara ken pito nga ulo” ti animal iti Apocalipsis kapitulo 13 ket ti “ladawan ti atap nga animal” a nadakamat iti maudi a paset ti Apocalipsis—ti eskarlata ti marisna nga animal nga addaan iti pito nga ulo ken sangapulo a sara. (Apocalipsis 13:1, 14, 15; 17:3) Ibaga ti Biblia a ti pito nga ulo daytoy a nalabaga nga animal kaipapananna ti “pito nga ar-ari,” wenno gobierno.Apocalipsis 17:9, 10.

Kasta met, ti pito nga ulo ti atap nga animal iti Apocalipsis 13:1 irepresentarna ti pito a gobierno: dagiti kangrunaan a napolitikaan a pannakabalin a nangidadanes iti ili ti Dios. Karaman ti Egipto, Asiria, Babilonia, Medo-Persia, Grecia, Roma, ken Anglo-America. No ibagatayo a ti sangapulo a sara irepresentarna ti amin a nasion, babassit man wenno dadakkel, ngarud ti balangat, wenno ti korona iti tunggal maysa a sara ipakitana a tunggal nasion makigiddan nga agturay iti kangrunaan a napolitikaan a pannakabalin iti dayta a tiempo.

 

Ammuem ti Ad-adu Pay

Agbibiagtayo Kadin Kadagiti “Maudi nga Aldaw”?

Ammuem no kasano a dagiti aramid ken kababalin dagiti tattao paneknekanna nga agbibiagtayo kadagiti “maudi nga aldaw” a naipadto iti Biblia.