Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Siasino ti Antikristo?

Siasino ti Antikristo?

Sungbat ti Biblia

Ti antikristo ket saan laeng a maymaysa a tao wenno grupo, ta kuna ti Biblia nga ‘adu ti antikristo.’ (1 Juan 2:18) Imbes ketdi, ti termino nga “antikristo,” a nagtaud iti Griego a sao a ti kaipapananna “maibusor ken (wenno imbes a ni) Kristo,” tukoyenna ti aniaman kadagiti sumaganad:

Saan laeng a dakamaten ti Biblia dagiti indibidual a mangar-aramid kadagita kas antikristo, no di ket tukoyenna met ida kas grupo a “ti antikristo.” (2 Juan 7) Immuna a nagparang ti antikristo idi panawen dagiti apostol ken nagtultuloyda sipud idin. Impadto ti Biblia a kasta ti mapasamak.—1 Juan 4:3.

No kasano a mailasin dagiti antikristo

  • Itantandudoda dagiti palso a sursuro mainaig ken Jesus. (Mateo 24:9, 11) Kas pagarigan, dagidiay mangisursuro iti Trinidad wenno ni Jesus ti Mannakabalin-amin a Dios konkontraenda ti pannursuro ni Jesus a nangikuna: “Ti Ama dakdakkel ngem siak.”—Juan 14:28.

  • Laksiden dagiti antikristo ti kinuna ni Jesus maipapan iti panagtignay ti Pagarian ti Dios. Kas pagarigan, kuna ti dadduma a lider ti relihion nga us-usaren ni Kristo dagiti gobierno ti tao. Ngem dayta a pannursuro kontraenna ni Jesus, a nangibaga: “Ti pagariak saan a paset daytoy a lubong.”—Juan 18:36.

  • Kunada nga Apoda ni Jesus, ngem saanda met a tungtungpalen dagiti bilinna, a pakairamanan ti panangikasaba iti naimbag a damag ti Pagarian.—Mateo 28:19, 20; Lucas 6:46; Aramid 10:42.

Ammuem ti Ad-adu Pay

Ania ti Kaipapanan ti 666?

Ipalgak ti Biblia ti kaipapanan ti numero a 666 ken ti marka ti atap nga animal.

Kinaulbod a ti Dios Maysa a Misterio

Ti doktrina a Trinidad ket makalapped iti panangammo ken panangayat iti Dios. Mabalinmo kadi nga ayaten ti maysa a dimo am-ammo wenno dimo maawatan?