Mapan iti linaonna

Mapan iti segundario a pagpilian

Dagiti Saksi ni Jehova

Iloko

Ania ti Impierno? Lugar Kadi Dayta a Pagtutuokan iti Agnanayon?

Ania ti Impierno? Lugar Kadi Dayta a Pagtutuokan iti Agnanayon?

Sungbat ti Biblia

Inusar ti dadduma a patarus ti Biblia ti sao nga “impierno” para iti Hebreo a sao a “Sheol” ken ti katupagna a Griego a sao a “Hades” nga agpada a tumukoy iti tanem ti sangatauan. (Salmo 16:10; Aramid 2:27) Adu ti mamati iti umap-apuy nga impierno kas naipakita iti ladawan iti daytoy nga artikulo. Ngem sabali ti isursuro ti Biblia.

  1. Awan puot dagiti adda iti impierno ken awan ti mariknada. “Awan ti aramid wenno uray gakat wenno uray pannakaammo wenno uray sirib idiay Sheol.”Eclesiastes 9:10.

  2. Dagiti naimbag a tattao mapanda idiay impierno. Namnamaen dagiti matalek a tattao kas kada Jacob ken Job a mapanda sadiay. —Genesis 37:35; Job 14:13.

  3. Ipapatay, saan a panagtutuok iti umap-apuy nga impierno ti supapak ti basol. “Ti natayen naluk-atanen iti basolna.”Roma 6:7.

  4. Ti agnanayon a pannakatutuok maikontra iti kinahustisia ti Dios. (Deuteronomio 32:4) Idi nagbasol ti immuna a tao a ni Adan, imbaga ti Dios kenkuana a ti dusana ket pannakapukaw. “Ta tapokka ket iti tapok agsublikanto.” (Genesis 3:19) Agparang agul-ulbod ti Dios no ni Adan ket napan iti umap-apuy nga impierno.

  5. Saan a pulos pinanunot ti Dios ti agnanayon a panangtutuok. Ti kapanunotan a dusaenna dagiti tattao iti umap-apuy nga impierno ket maikontra iti pannursuro ti Biblia ti “Dios ket ayat.”1 Juan 4:8; Jeremias 7:31.