Ania ti Bautismo?
Ti sungbat ti Biblia
Ti bautismo ket tumukoy iti pannakaitaneb ti maysa a tao iti danum ken irurukuasna. * Isu a nabautisaran ni Jesus iti karayan. (Mateo 3:
Kaipapanan ti bautismo
Inkompara ti Biblia ti bautismo iti pannakaitabon. (Roma 6:4; Colosas 2:
Maikkat kadi ti basol babaen iti bautismo iti danum?
Saan. Isursuro ti Biblia a mabalin a maikkat laeng ti basoltayo babaen iti naiparukpok a dara ni Jesus. (Roma 5:
Ania ti panagbuniag?
Awan iti Biblia ti sasao a “buniagan” ken “panagbuniag.” Tumukoy dagitoy iti seremonia nga ar-aramiden ti dadduma a relihion a “panangbautisar” iti maysa a maladaga (babaen iti panangiwarsi wenno panangibukbok iti danum iti ulona) sa panagananda.
Isursuro kadi ti Biblia ti panangbautisar kadagiti maladaga?
Saan. Ti Nakristianuan a bautismo ket para kadagidiay nataenganen a makatarus ken mamati “iti naimbag a damag ti pagarian ti Dios.” (Aramid 8:
Mainayon pay, ipakita ti Biblia nga ibilang ti Dios dagiti babassit nga annak dagiti Kristiano kas nasantuan, wenno nadalus kadagiti matana, gapu iti kinamatalek dagiti nagannakda. (1 Corinto 7:
Di umiso a pannakaawat maipapan iti Nakristianuan a bautismo
Di umiso: Ti panangiwarsi wenno panangibukbok iti danum iti maysa a tao ket maakseptar a kasukat ti pannakaitaneb ti intero a bagi.
Umiso: Dagiti bautismo a nadakamat iti Biblia ramanenna ti pannakaitaneb. Kas pagarigan, idi binautisaran ni Felipe ti lalaki nga Etiope, “bimmabada a dua iti danum.” Kalpasanna, ‘simmang-atda iti danum.’
Di umiso: Ipakita ti Biblia a karaman dagiti maladaga no mabautisaran ti intero a pamilia. Kas pagarigan, ibaga ti Biblia maipapan iti maysa a parabantay iti pagbaludan idiay Filipos: “Isu ken ti sangakabbalayanna nabautisaranda.”
Umiso: Ipakita ti salaysay maipapan iti pannakakomberte ti parabantay iti pagbaludan a dagidiay nabautisaran naawatanda ti “sao ni Jehova” ken ‘nagrag-oda unay.’ (Aramid 16:32, 34) Dagita nga impormasion ti mangpaneknek a no adda man maladaga iti sangakabbalayan ti parabantay, saanda a nairaman a nabautisaran ta dida pay maawatan ti sao ni Jehova.
Di umiso: Insuro ni Jesus ti panangbautisar kadagiti maladaga babaen iti panangibagana a ti Pagarian ket kukua dagiti ubbing.
Umiso: Saan a tuktukoyen ni Jesus ti bautismo idi imbagana dagitoy a sasao. Imbes ketdi, ipakpakitana a dagidiay makualipikar nga agbalin a paset ti Pagarian ti Dios ket masapul nga agbalin a kas iti ubing a napakumbaba ken nalaka a suruan.
^ par. 3 Ti Griego a sao a naipatarus kas “bautismo” ket naggapu iti sao a kayatna a sawen, “itaneb.” Kitaem ti Theological Dictionary of the New Testament, Volume I, panid 529.
^ par. 12 Sigun iti The International Standard Bible Encyclopedia, “awan ti masarakam iti Baro Tulag a panangbautisar kadagiti maladaga.” Mabasa pay dita a naggapu dayta a kaugalian iti “di umiso wenno nalabes a panangipapan iti pateg ti bautismo,” a kaipapananna, maikkat dagiti basol babaen iti bautismo.
^ par. 15 Iti paulo a “Bautismo (iti Biblia),” kuna ti New Catholic Encyclopedia: “Nalawag a ti bautismo iti nagkauna a Simbaan ket maaramid babaen iti pannakaitaneb.”—Volume 2, panid 59.
Ammuem ti Ad-adu Pay
ANIA A TALAGA TI ISURSURO TI BIBLIA?
Bautismo ken ti Relasionmo iti Dios
Ania ti aramidem tapno makualipikarka iti Nakristianuan a bautismo? Ammuem no ania ti isimsimbolona ken no kasano a maar-aramid dayta.
