Mapan iti linaonna

Mapan iti segundario a pagpilian

Dagiti Saksi ni Jehova

Iloko

Kasanoak a Makaala iti Nangato a Grado?

Kasanoak a Makaala iti Nangato a Grado?

Ania ti mabalinmo nga aramiden

Agbalinka a positibo! Mabalin a dika agballigi no ipapanmo a saanmo a kabaelan ti rumang-ay. No sumken ti negatibo a kapanunotan maipapan kadagiti abilidadmo, sukatam dayta iti positibo a kapanunotan. Kas pagarigan, idi binabalaw dagiti tattao ti panagpalpalawag ni Pablo (uray no nalabit di nainkalintegan dayta), insungbatna: “Uray pay no saanak a nasigo iti panagsasao, pudno a saanak a kasta no iti pannakaammo.” (2 Corinto 10:10; 11:6) Ammo ni Pablo dagiti pagkapuyanna. Ngem ammona met dagiti paglainganna. Sika met ngay? Ania dagiti paglaingam? No awan ti mapanunotmo, apay a dika agsaludsod iti manangandingay a nataengan? Ti kasta a gayyem matulongannaka a mangilasin kadagiti paglaingam ken mangusar a naan-anay kadagita nga agpaay iti pagimbagam.

Patanorem ti nasayaat nga ugali iti panagadal. No kayatmo a nasayaat ti magapuanam idiay eskuelaan, masapul a saetam ti agadal. Mabalin a kasla saan a makaay-ayo kenka ti sao a “panagadal.” Ngem makagunggona dayta. Kinapudnona, matagiragsakmo ti agadal no nayonam ti panagreggetmo. Nupay kasta, tapno mapatanormo dagiti nasayaat nga ugali iti panagadal, kasapulan nga ammom nga usaren ti tiempom. Laglagipem a ti panagadalmo ti iyun-unam. Pudno a kuna ti Biblia nga adda “tiempo ti panagkatawa” ken “tiempo ti panaglagtolagto.” (Eclesiastes 3:1, 4; 11:9) Gapuna, kas iti kaaduan nga agtutubo, mabalin a kayatmo ti mangilatang iti tiempo para iti panaglinglingay. Ngem kuna ti Eclesiastes 11:4: “Ti mangsipsiput iti angin saanto nga agimula iti bin-i; ket ti kumitkita kadagiti ulep saanto nga agapit.” Ti leksion? Masapul nga iyun-unam ti panagadal sakbay ti panaglinglingay. Dika madanagan—agpada a maipaayam dagita iti panawen!

No kasano a ti panagbagkat iti barbel papigsaenna ti maselmo, ti nasayaat nga ugali iti panagadal pasayaatenna ti abilidadmo iti eskuelaan.

 

Ammuem ti Ad-adu Pay

AGRIINGKAYO!

Kanayonak Kadi Lattan a Mapaay?

Nababa kadi ti panagkitam iti bagim wenno mabutengka iti posible a pannakapaay?