Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

SALUDSOD DAGITI AGTUTUBO

Rumbeng Kadi nga Agsinakamin? (Paset 2)

Rumbeng Kadi nga Agsinakamin? (Paset 2)

Umuna, mangpilika iti umiso a lugar ken gundaway a pagsaritaanyo dayta. Sadino ken kaano?

Bueno, panunotem no kasano ti kayatmo a pannakatrato. (Mateo 7:12) Kayatmo kadi nga agsinakayo iti sango ti adu a tao? Posible a saan.

Malaksid no maitutop iti kasasaad, nasaysayaat a saan nga iti text, e-mail wenno answering machine ti telepono nga ibagam a pagpatinggaemon ti relasionyo. Imbes ketdi, mangpilika iti tiempo ken lugar a mapagsaritaanyo daytoy a serioso a banag.

Ania ti rumbeng nga ibagam no makisaritakan? Imparegta ni apostol Pablo kadagiti Kristiano a ‘sawenda ti kinapudno’ iti maysa ken maysa.Efeso 4:25.

Ti kasayaatan nga aramidem ket agbalinka a nataktika ngem natibker. Ilawlawagmo a naimbag no apay a panagriknam, saan nga agballigi para kenka ti relasionyo.

Saan met ketdi a kasapulan a saggaysaem amin a nagkamalianna wenno ibagam amin a dimo magustuan kenkuana. Imbes nga ibagam ti, “Dimo ngamin ar-aramiden daytoy” wenno “Dimo pulos inaramid dayta,” nasaysayaat no agusarka iti sasao a mangilawlawag iti riknam—“Ti kasapulak ket maysa a . . .” wenno “Panagkunak, nasaysayaat no agsinatan ta. . .”

Dimo itulok a balbaliwanna ti desisionmo. Laglagipem a sika ti nagdesision a makisina gapu iti serioso a rason. Dika ngarud agpaimpluensia kadagiti nasikap a pamay-anna a mangbalbaliw iti panunotmo. “Kalpasan a nagsinakami,” kuna ti balasang a ni Lori, “ipakpakita ti dati a nobiok a kanayon a malmalday. Siguro, ar-aramidenna dayta tapno maasianak kenkuana. Naasianak met ngem diak impalubos nga agbalbaliw ti desisionko.” Kas ken Lori, masapul nga ammom no ania ti kayatmo. Itakderam ti desisionmo. Ti koma saanmo ket talaga a saan.Santiago 5:12.

Kalpasan ti Panagsinayo.

Gagangay laeng a malidayanka kalpasan ti panagsinayo. Mabalin a mariknam pay ketdi ti narikna ti salmista a nangikuna: “Malagawanak idi, naparukobak iti napalalo; iti intero nga agmalem nagpagnapagnaak a sililiday.”Salmo 38:6.

Mabalin a padasendaka a paregtaen ti dadduma a maseknan a gagayyem a makisinnublianka. Ngem agannadka! Sika, saan a dagiti maseknan a gagayyemmo, ti agsagaba kadagiti epekto ti desisionmo. Isu a dika agbuteng. Itakderam ti desisionmo uray no mabalin a malidayanka iti napasamak.

Sigurado nga inton agangay, mailiwliwagmonto met laeng ti nasaktan a riknam. Kabayatanna, padasem ti mangaramid kadagiti positibo a banag a kas kadagiti sumaganad tapno maibturam ti kasasaadmo.

 

Ammuem ti Ad-adu Pay

Ania ti Manamnamak Inton Addan Asawak?—Paset 1

Ania dagiti pagimbagan ken problema a realistiko a manamnamam iti panagasawa?

Ania ti Manamnamak Inton Addan Asawak?—Paset 2

Ammuem no kasano a masaganaam dagiti dimo manamnama a problema iti panagasawa.