Mapan iti linaonna

Mapan iti segundario a pagpilian

Dagiti Saksi ni Jehova

Iloko

Kasano No Malmaldayak?

Kasano No Malmaldayak?

No ania ti mabalinmo nga aramiden

1. Panunotem dagiti paglaingam. (2 Corinto 11:6) Nupay nasayaat no ammom dagiti pagkapuyam, panunotem nga adu met ti paglaingam. No ammom dagiti paglaingam, maaddaanka iti kompiansa imbes a negatibo ti panangmatmatmo iti bagim. Isaludsodmo iti bagim, ‘Ania dagiti paglaingak?’ Mangpanunotka iti sumagmamano a paglaingam wenno nasayaat a kualidadmo.

2. Maaddaanka iti napasnek nga interes kadagiti sabsabali. Uray sumagmamano pay laeng a tao ti pangipakitaam iti interes. “Maam-ammom a naimbag dagiti sabsabali uray no komustaem laeng ida wenno damagem ti maipapan iti trabahoda,” kuna ti agtutubo nga agnagan iti Jorge.

Adda maaramidam tapno sumingedka kadagiti kakaduam

Balakad: Saan laeng a dagiti kapatadam ti kalangenmo. Ti dadduma kadagiti kasayaatan a panaggagayyem a nailanad iti Biblia ket ti panaggayyem dagiti tattao nga aginnaddayo ti tawenda, kas kada Ruth ken Noemi, David ken Jonatan, ken da Timoteo ken Pablo. (Ruth 1:16, 17; 1 Samuel 18:1; 1 Corinto 4:17) Laglagipem met a ti nasayaat a komunikasion ket saan a maymaysa laeng ti agsasao. Dagiti tattao apresiarenda dagiti nalaing a dumngeg. Gapuna, no managbabainka, laglagipem a saan laeng a sika ti masapul nga agsao!

3. Patanorem ti ‘pannakipagmaymaysa iti rikna.(1 Pedro 3:8) Uray no saanka nga umanamong iti kapanunotan ti tao a kasarsaritam, bay-am latta nga agsao. Mangbirokka kadagiti punto a pagtunosanyo. No iti panagkunam ket nasken nga ibagam a saanka nga umanamong iti dadduma a kapanunotanna, aramidem dayta iti naalumamay ken nataktika a pamay-an.

Balakad: Kasaritam dagiti sabsabali iti wagas a kayatmo a pannakisaritada kenka. Adaywandaka dagiti tattao no mannakisuppiat wenno manangrurodka, kasta met no insultuem wenno kanayon nga ipariknam a nagkamalida. Kaay-ayodaka unay no ti ‘panagsasaom ket kankanayon a nabuyogan iti kinaparabur.’—Colosas 4:6.

 

Ammuem ti Ad-adu Pay

WORKSHEET

Panangsango iti Kinaliday

Malmaldayka kadi? Usarem daytoy a worksheet tapno maammuam no apay a malmaldayka ken no kasano a malabanam dagita a rikna.

WHITEBOARD ANIMATION

Ania ti Pudno a Gayyem?

Nalaka ti maaddaan iti peke a gagayyem, ngem kasano a masarakam ti pudno a gayyem?

AGRIINGKAYO!

Kasano a Makaipakitaak iti Nasayaat nga Umuna nga Impresion?

Makabukeltayo amin iti impresiontayo maipapan iti dadduma. Ania ti ar-aramidem nga umuna nga impresion?