Mapan iti linaonna

Mapan iti segundario a pagpilian

Dagiti Saksi ni Jehova

Iloko

SALUDSOD DAGITI AGTUTUBO

Kasano ti Pannakisaritak iti Nagannakko Maipapan Kadagiti Ipapaannurotda Kaniak?

Kasano ti Pannakisaritak iti Nagannakko Maipapan Kadagiti Ipapaannurotda Kaniak?

Ti kasapulam: Abilidad a makisarita

Ti pannakisarita ket napateg nga instrumento a

  • makatulong iti sabsabali tapno maawatandaka.

  • makatulong kenka tapno maawatam no apay a di mapagustuan ti kayatmo.

No talaga a kayatmo a nawaya a maaramidmo ti kayatmo a kas iti maysa a nataengan, rumbeng laeng a sursuruem ti nasaysayaat a pannakisarita. Kasano?

Sursuruem a kontrolen ti emosionmo. Ti panagteppel ket kasapulan iti nasayaat a pannakisarita. Kuna ti Biblia: “Isuamin nga espirituna ti iyesngaw ti maysa a maag, ngem daydiay masirib patalnaenna dayta agingga iti kamaudianan.Proverbio 29:11.

Ania ti punto? Liklikam ti agreklamo, agpasugnod, agdabugdabug, wenno agipanalbaag iti ridaw. No kasta ti aramidem, mas estriktuandaka—imbes nga ikkandaka iti dakdakkel a wayawaya.

Ikagumaam a tarusan ti kapanunotan ti nagannakmo. Kas pagarigan: Ipapantayon a didaka palubosan dagiti nagannakmo a mapan iti maysa nga okasion. Imbes nga agririka, mabalin nga isaludsodmo:

“No ngay adda kaduak a nataengan ken mapagtalkan a gayyem?”

Mabalin a saan latta a patgan dagiti nagannakmo ti kiddawmo. Ngem no maawatam dagiti pakaseknanda, nalabit adda maisingasingmo nga anamonganda.

Ti panagtulnogmo kadagiti nagannakmo ket kas iti panagbayadmo iti utangmo iti banko—no mas mapagpiarandaka, dakdakkel ti panagtalekda (wenno ipautangda) kenka

Padakkelem ti panagtalek kenka dagiti nagannakmo. Panunotem ti maysa a tao nga immutang iti banko. No regular nga agbayad, magun-odanna ti panagtalek ti banko ken mabalin a dakdakkelto ti ipautangda kenkuana.

Kasta met laeng idiay balayyo. Utangmo kadagiti nagannakmo ti panagtulnogmo. No saanka a kanayon a natulnog, dika masdaaw no bumassit wenno interamente a mapukaw ti panagtalekda kenka.

Ngem no paneknekam a mapagtalkandaka—uray iti babassit a banag—posible a dumakkel ti panagtalekda kenka.

 

Ammuem ti Ad-adu Pay

TIN-EDYER

Saludsod nga Iyimtuod ti Agtutubo, Tomo 1

Ti dadduma kadagiti topiko a nailawlawag ket maipapan iti arak ken droga, seksual a moralidad, pannakideyt ken panaginnarem.